ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 63 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 42ປີ.  

ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ II

 

ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ II ຂອງພັກ ( 3-6/2/1972 )

   ໂດຍຕອບສະໜອງຄວາມຮຽກຮ້ອງການຂອງສະພາບການໃໝ່ເພື່ອເຮັດໃຫ້ການຕໍ່ສູ້ກູ້ຊາດ ຕ້ານຈັກກະພັດອາເມຣິກາ ຂອງປະຊາຊົນລາວ ກ້າວຂຶ້ນຍາດເອົາໄຊຊະນະໃໝ່ທີ່ມີລັກສະນະຕັດສິນນັ້ນ,ຄະນະບໍລິຫານງານສູນກາງພັກ ໄດ້ຮຽກໂຮມ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ II ຂອງພັກ. ວັນທີ 3 ກຸມພາ 1972 ກອງປະຊຸມໃຫຍ່ໄດ້ໄຂຂຶ້ນທີ່ເມືອງ ວຽງໄຊ ( ແຂວງຫົວພັນ ). ເຂົ້າຮ່ວມກອງປະຊຸມໃຫຍ່ຄັ້ງນີ້ມີຜູ້ແທນ 125 ສະຫາຍ ທີ່ຕາງໜ້າໃຫ້ສະມາຊິກພັກສອງໝື່ນກວ່າສະຫາຍໃນທົ່ວປະເທດ.

   ສະຫາຍເລຂາທິການໃຫຍ່ ໄກສອນ ພົມວິຫານ ໄດ້ສະເໜີຮ່າງໂຄງການານງເມືອງຂອງພັກຕໍ່ກອງປະຊຸມໃຫຍ່. ໂຄງການການເມືອງໄດ້ສະຫຼຸບສັງລວມທາງດ້ານທິດສະດີ ແລະ ພຶດຕິກໍາຂອງການປະຕິວັດລາວ, ໄຈ້ແຍກຈຸດພິເສດຕ່າງໆຂອງການປະຕິວັດລາວ ສັງລວມຂະບວນວິວັດຂອງການປະຕິວັດໃນ 26 ປີຜ່ານມາ, ຍົກໃຫ້ເຫັນສາເຫດ ຂອງໄຊຊະນະໃນນັ້ນການນໍາພາອັນຖືກຕ້ອງ ແລະ ສະຫຼາດສ່ອງໃສຂອງພັກເປັນສາເຫດທີ່ຕັດສິນກວ່າໝູ່; ທອດຖອນບົດຮຽນຕ່າງໆຂອງຂະບວນການປະຕິວັດໃນໄລຍະຜ່ານມາ, ພິສູດໃຫ້ເຫັນສັດຈະທໍາອັນຍິ່ງໃຫຍ່ຂອງຍຸກສະໄໝ ຄືປະເທດໜື່ງໆເຖິງວ່ານ້ອຍ, ເສດຖະກິດ, ວັດທະນະທໍາຂະຫຍາຍຕົວຊ້າ, ແຕ່ມີພັກມາກ-ເລນິນທີ່ແທ້ຈິງນໍາພາ, ມີແນວທາງການເມືອງ, ການທະຫານທີ່ຖືກຕ້ອງ, ມີວິທີປະຕິວັດທີ່ສອດຄອງ, ມີຄວາມສາມັກຄີປວງຊົນທັງຊາດຢ່າງແໜ້ນແຟ້ນ, ມີຄວາມຕັດສິນໃຈຕໍ່ສູ້ຢ່າງເດັດດ່ຽວໜຽວແໜ້ນ ທັງໄດ້ຮັບການສະໜັບສະໜູນຊ່ວຍເຫຼືອຢ່າງຕັ້ງໜ້າຂອງບັນດາປະເທດສັງຄົມນິຍົມ ແລະ ຂອງຂະບວນການປະຕິວັດໂລກ ແລ້ວປະເທດນັ້ນກໍສາມາດຕີຊະນະຈັກກະພັກຜູ້ຮຸກຮານທຸກໂຕ, ທັງສາມາດຍາດເອົາ ແລະ ປົກປັກຮັກສາເອກະລາດ ອິດສະຫຼະພາບຂອງຊາດຕົນໄວ້ໄດ້.

   ໂຄງການການເມືອງໄດ້ຊີ້ໃຫ້ເຫັນແຈ້ງວ່າ ສັງຄົມລາວ ໃນປະຈຸບັນມີຂໍ້ຂັດແຍ້ງພຶ້ນຖານສອງຢ່າງຄື: ຂໍ້ຂັດແຍ້ງລະຫວ່າງຊາດລາວທັງໝົດກັບ ຈັກກະພັດຜູ້ຮຸກຮານ, ສະເພາະ ໜ້ານີ້ແມ່ນຈັກກະພັດອາເມຣິກາ; ຂໍ້ຂັດແຍ້ງລະຫວ່າງປະຊາຊົນບັນດາເຜົ່າ ເປັນຕົ້ນແມ່ນປະຊາຊົນຜູ້ອອກແຮງງານກັບກຸ່ມນາຍທຶນຈໍາໜ່າຍ, ອາດຍາສິດຂຸນເສິກ ແລະ ຊົນຊັ້ນສັກດີນາ. ຂໍ້ຂັດແຍ້ງທັງສອງຢ່າງນີ້ມີການພົວພັນ ແລະ ກະທົບຊຶ່ງກັນ ແລະ ກັນ ແລະ ຕ້ອງແກ້ໄຂໄປພ້ອມໆກັນ, ສະເພາະໜ້ານີ້ຕ້ອງສຸສໃສ່ແກ້ໄຂ ຂໍ້ຂັດແຍ້ງລະຫວ່າງຊາດລາວ ກັບຈັກກະພັດອາເມຣິກາຜູ້ຮຸກຮານ ແລະ ພວກລູກມືຂາຍຊາດ.

   ຫຼັງຈາກຊີ້ໃຫ້ເຫັນແຈ້ງເປົ້າໝາຍຂອງການປະຕິວັດແລ້ວ ໂຄງການການເມືອງ ໄດ້ ກໍານົດໜ້າທີ່ພຶ້ນຖານຂອງການປະຕິວັດຄື: “ ສາມັກຄີປະຊາຊົນບັນດາເຜົ່າ, ໂຄ່ນລົ້ມຈັກກະພັດຜູ້ຮຸກຮານ, ກຸ່ມນາຍທຶນຈໍາໜ່າຍອາດຍາສິດຂຸນເສິກ ແລະ ຊົນຊັ້ນສັກດີນາ, ສໍາເລັດການປະຕິວັດຊາດປະຊາທິປະໄຕໃນທົ່ວປະເທດ, ກຽມເງື່ອນໄຂທຸກຢ່າງທີ່ຈໍາເປັນ ເພື່ອກ້າວຂຶ້ນສັງຄົມນິຍົມໂດຍກົງ ໂດຍບໍ່ຜ່ານເສັ້ນທາງຂະຫຍາຍຕົວແບບທຶນນິຍົມ, ເຮັດໃຫ້ປະເທດລາວກາຍເປັນປະເທດສັນຕິພາບ ເອກະລາດ ປະຊາທິປະໄຕ ເອກະພາບ ແລະ ວັດທະນາຖາວອນ. ຕັ້ງໜ້າປະກອບສ່ວນເຂົ້າໃນການຕໍ່ສູ້ ເພື່ອສັນຕິພາບ ເອກະລາດແຫ່ງຊາດ ປະຊາທິປະໄຕ ແລະ ສັງຄົມນິຍົມຢູ່ໃນອິນດູຈີນ, ອາຊີອາຄະເນ ແລະ ໃນໂລກ”.

   ໂຄງການການເມືອງໄດ້ກໍານົດໜ້າທີ່ຕົ້ນຕໍ ແລະ ຈຸດໝາຍການເມືອງສະເພາະໜ້າຂອງການປະຕິວັດຄື: “ ເຊີດຊູຄັນທຸງປະຕິວັດປະຊາທິປະໄຕ, ເພີ່ມທະວີຄວາມສາມັກຄີປວງຊົນທັງຊາດ, ສາມັກຄີທຸກກໍາລັງປະຕິວັດ, ທຸກກໍາລັງທີ່ຮັກຊາດ ແລະ ກ້າວໜ້າ, ສາມັກຄີແໜ້ນແຟ້ນ ກັບປະຊາຊົນຫວຽດນາມ ແລະ ປະຊາຊົນກໍາປູເຈຍ; ຕັ້ງໜ້າກໍ່ສ້າງ ແລະ ຂະຫຍາຍກໍາລັງປະຕິວັດໃນທຸກດ້ານ, ຊຸກຍູ້ການຕໍ່ສູ້ເພື່ອປົກປັກຮັກສາ, ປັບປຸງ ແລະ ເປີດກວ້າງເຂດປົດປ່ອຍ; ເພີ່ມທະວີການເຄື່ອນໄຫວ, ຊຸກຍູ້ຂະບວນການຕໍ່ສູ້ຂອງປະຊາຊົນ ໃນເຂດສັດຕູຄວບຄຸມຊົ່ວຄາວ, ຜາບແພ້ທຸກເລ່ກົນ ຂອງຈັກກະພັດອາເມຣິກາຜູ້ຮຸກຮານ ແລະ ພວກລູກມືຂາຍຊາດ, ເຮັດໃຫ້ປະເທດລາວເປັນ ປະເທດສັນຕິພາບເອກະລາດ ປະຊາທິປະໄຕ ເປັນກາງ ເອກະພາບ ແລະ ວັດທະນາຖາວອນ, ຕັ້ງໜ້າປະກອບສ່ວນເຂົ້າໃນການຕໍ່ສູ້ ເພື່ອສັນຕິພາບ ເອກະລາດແຫ່ງຊາດ ປະຊາທິປະໄຕ ແລະ ສັງຄົມນິຍົມຢູ່ ອິນດູຈີນ, ອາຊີອາຄະເນ ແລະ ໃນໂລກ....”.

   ສະພາບຕົວຈິງຂອງປະເທດລາວໃນເວລານັ້ນແມ່ນມີ ສອງເຂດ ( ເຂດປົດປ່ອຍ ແລະ ເຂດກວດກາຊົ່ວຄາວຂອງສັດຕູ ), ໂຄງການການເມືອງຂອງພັກໄດ້ວາງໜ້າທີ່ ລະອຽດໃຫ້ແຕ່ລະເຂດຢ່າງແທດເໝາະ.

   ກ່ຽວກັບກໍາລັງປະຕິວັດ, ໂຄງການການເມືອງໄດ້ກໍານົດວ່າ: “ ໃນໄລຍະການປະຕິວັດຊາດ ປະຊາທິປະໄຕ, ກໍາລັງຂອງການປະຕິວັດແມ່ນກໍາມະກອນ ຊາວໄຮ່ນາ, ນັກຮຽນຮູ້ປະຕິວັດ, ນາຍທຶນນ້ອຍ, ນາຍທຶນແຫ່ງຊາດ, ຜູ້ຊົງຄຸນວຸດທິທີ່ຮັກຊາດ ແລະ ກ້າວໜ້າ. ກໍາລັງຕົ້ນຕໍຂອງການປະຕິວັດລາວ ແມ່ນ ກໍາມະກອນ ແລະ ຊາວໄຮ່ນາຜູ້ອອກແຮງງານ. ພັນທະພາບກໍາມະກອນ-ຊາວນາ ຊຶ່ງຢູ່ພາຍໃຕ້ການນໍາພາຂອງຊົນຊັ້ນກໍາມະກອນເປັນປັດໄຈຕັດສິນ ແລະ ຮັບປະກັນ ທຸກໄຊຊະນະຂອງການປະຕິວັດ”.

   ກອງປະຊຸມໃຫຍ່ໄດ້ຕົກລົງປ່ຽນຊື່ພັກປະຊາຊົນລາວ ມາເປັນ ພັກປະຊາຊົນປະຕິວັດລາວ. ກອງປະຊຸມໃຫຍ່ໄດ້ຮັບຮອງເອົາລະບຽບ ( ສະບັບດັດແປງ )ຂອງພັກ, ຊຶ່ງສະເໜີໂດຍ ສະຫາຍ ໜູຮັກ ພູມສະຫວັນ ກໍາມະການຄະນະປະຈໍາສູນກາງພັກ. ກອງປະຊຸມໃຫຍ່ໄດ້ເລືອກຕັ້ງຄະນະບໍລິຫານງານສູນກາງ ຊຸດໃໝ່ ຊຶ່ງປະກອບດ້ວຍກໍາມະການສົມບູນ 23 ສະຫາຍ ແລະ ກໍາມະການສໍາຮອງ 7 ສະຫາຍ. ກົມການເມືອງຄະນະບໍລິຫານງານສູນກາງພັກ ສະໄໝທີ II  ປະກອບດ້ວຍ 6 ສະຫາຍ. ສະຫາຍ ໄກສອນ ພົມວິຫານ ໄດ້ຮັບເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງ.

   ກໍາມະການກົມການເມືອງສູນກາງພັກ ປະກອບດ້ວຍ:

1.   ສະຫາຍ ໄກສອນ ພົມວິຫານ, 2. ສະຫາຍ ໜູຮັກ ພູມສະຫວັນ, 3. ສະຫາຍ ສຸພານຸວົງ, 4. ສະຫາຍ ພູມີ ວົງວິຈິດ, 5. ສະຫາຍ ຄໍາໄຕ ສີພັນດອນ, 6. ສະຫາຍ ພູນ ສີປະເສີດ, 7. ສະຫາຍ ສີສົມພອນ ລໍວັນໄຊ, 8. ສະຫາຍ ສາລີ ວົງຄໍາຊາວ, 9. ສະຫາຍ ສີສະຫວາດ ແກ້ວບຸນພັນ, 10. ສະຫາຍ ສະໝານ ວິຍະເກດ, 11. ສະຫາຍ ໄມຈັນຕານ ແສງມະນີ, 12. ສະຫາຍ ໄມສຸກ ໄຊສົມແພງ, 13. ສະຫາຍ ຈັນມີ ດວງບຸດດີ, 14. ສະຫາຍ ທິດມ່ວນ ສາວຈັນທະລາ, 15. ສະຫາຍ ໝື່ນ ສົມວິຈິດ, 16. ສະຫາຍ ສຸກ ວົງສັກ, 17. ສະຫາຍ ມາ ໄຂຄໍາພິທູນ, 18. ສະຫາຍ ຊົມຊື່ນ ຄໍາພິທູນ, 19. ສະຫາຍ ຄໍາສຸກ ໄຊຍະແສງ, 20. ສະຫາຍ ບົວລາງ ບົວລະພາ, 21. ສະຫາຍ ສູນທອນ ເທບອາສາ, 22. ສະຫາຍ ສະໜັ່ນ ສຸດທິຈັກ, 23. ສະຫາຍ ນາງ ຄໍາແພງ ບຸບຜາ.

   ກໍາມະການສູນກາງພັກສໍາຮອງ ປະກອບດ້ວຍ:

1.   ສະຫາຍ ຄໍາບູ່ ສຸນີໄຊ

2.   ສະຫາຍ ເຢຍວື ລໍເບຼຍຢາວ

3.   ສະຫາຍ ສີພອນ ຜາລີຂັນ

4.   ສະຫາຍ ສົມສັກ ໄຊສົງຄາມ

5.   ສະຫາຍ ສີຊະນະ ສີສານ

6.   ສະຫາຍ ຄໍາຜາຍ ບຸບຜາ

  ຜົນສໍາເລັດຂອງກອງປະຊຸມໃຫຍ່ ຄັ້ງທີ II ຂອງພັກມີ ຄວາມໝາຍປະຫວັດສາດອັນໃຫຍ່ຫຼວງ. ຈາກພາກປະຕິບັດຕົວຈິງ ພັກໄດ້ສະຫຼຸບທອດຖອນບົດຮຽນອັນປະເສີດໄດ້ຫຼາຍຢ່າງ, ເພີ່ມພູນຄວາມສາມາດແຫ່ງການນໍາພາຂອງພັກຂຶ້ນຕື່ມ. ກອງປະຊຸມໃຫຍ່ເປັນຂີດໝາຍແຫ່ງການເຕີບໃຫຍ່ຂະຫຍາຍຕົວຂອງພັກ, ໃນການກໍ່ສ້າງພັກແບບໃໝ່ຂອງເລນິນ. ກອງປະຊຸມໃຫຍ່ໄດ້ເວົ້າຂຶ້ນເຖິງຄວາມຕັດສິນໃຈ ເຮັດສໍາເລັດການປະຕິວັດຊາດປະຊາທິປະໄຕ ໃນທົ່ວປະເທດ. ກຽມເງື່ອນໄຂອັນຈໍາເປັນທຸກຢ່າງເພື່ອຄວາມກ້າວໜ້າຂຶ້ນສັງຄົມນິຍົມ.

ກົດໝາຍແຫ່ງ ສປປ ລາວ

ຊົມເຊີມວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 60 ປີ

ຊົມເຊີມວັນສ້າງຕັ້ງ ສປປ ລາວ ຄົບຮອບ 40 ປີ ຢ່າງສຸດໃຈ.

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ເຊື່ອມຕໍ່ເວບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624