ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ກອງປະຊຸມໃຫ່ຍຜູ້ແທນທົ່ວປະເທດຄັ້ງທີ III

ກອງປະຊຸມໃຫ່ຍຜູ້ແທນທົ່ວປະເທດຄັ້ງທີ III ຂອງພັກ (27-30/4/1982).

          ຕາມກົດລະບຽບຂອງພັກແລ້ວປີ 1976 ພັກຕ້ອງຈັດກອງປະຊຸມໃຫ່ຍຜູ້ແທນທົ່ວປະເທດຄັ້ງທີ III ຂອງຕົນຂຶ້ນ, ແຕ່ຍ້ອນປະເທດຊາດຫາກໍ່ໄດ້ຮັບການປົດປ່ອຍ, ລະບອບໃໝ່ຫາກໍ່ໄດ້ສ້າງຕັ້ງຂຶ້ນ, ວຽກງານທຸກດ້ານຕ້ອງໄດ້ຈັດຕັ້ງຂຶ້ນ ແລະ ຈັດວາງຄືນໃໝ່ໝົດ.  ສະນັ້ນສູນກາງພັກ ຈຶ່ງໄດ່ຕົກລົງໂຈະການໂຮມກອງປະຊຸມໃຫ່ຍໃນປີ 1976.

          ໂດຍຜ່ານການກະກຍມມາໄດ້ໄລຍະໜຶ່ງ ເຖິງວັນທີ 27 ເມສາ 1982, ກອງປະຊຸມໃຫ່ຍຜູ້ແທນທົ່ວປະເທດຄັ້ງທີ III ຂອງພັກປະຊາຊົນປະຕິວັດລາວ ໄດ້ໄຂຂຶ້ນຢ່າງເປັນທາງການຢູ່ນະຄອນຫຼວງວຽງຈັນ. ເຂົ້າຮ່ວມກອງປະຊຸມໃຫ່ຍຄັ້ງນີ້ມີຜູ້ແທນ 228 ສະຫາຍ ທີ່ມາຈາກທຸກຂົງເຂດການເຄື່ອນໄຫວ ແລະ ຈາກທຸກແຂວງທີ່ເປັນຕົວແທນໃຫ້ແກ່ສະມາຊິກພັກ 35.000 ສະຫາຍໃນທົ່ວປະເທດ; ມີແຂກະາຍໃນປະເທດ 150 ທ່ານ, ແຂກຕ່າງປະເທດ 17 ຄະນະ.

          ສະຫາຍໄກສອນ ພົມວິຫານ ເລຂາທິການໃຫ່ຍຕາງໜ້າໃຫ້ຄະນະບໍລິຫານງານສູນກາງພັກໄດ້ສະເໜີບົດລາຍງານການເມືອງຕໍ່ກອງປະຊຸມໃຫ່ຍ: ລາຍງານການເມືອງໄດ້ສະຫຼຸບສັງລວມໄຊຊະນະຂອງການປະຕິວັເຊາດ ປະຊາທິປະໄຕ ແລະ ຜົນງານທີ່ຍາດມາໄດ້ໃນ 6 ປີແຫ່ງການກໍ່ສ້າງລະບອບໃໝ່; ກຳນົດແນວທາງ, ທິດທາງໜ້າທີ່ຂອງການປະຕິວັດໄລຍະໃໝ່, ໄລຍະແຫ່ງການປົກປັກຮັກສາເອກະລາດແຫ້ງຊາດ ແລະ ຂ້າມຜ່ານກ້າວຂຶ້ນສັງຄົມນິຍົມເທື່ອລະກ້າວ. ລາຍງານການເມືອງໄດ້ຍົກໃຫ້ເຫັນ 3 ຈຸດພິເສດໃຫ່ຍຂອງການປະຕິວັດລາວໃນໄລຍະໃໝ່ຄື: ປະເທດລາວພ້ອມກັບຫວຽດນາມ ແລະ ກຳປູເຈຍ ໄດ້ກາຍເປັນປ້ອມດ່ານໜ້າຂອງລະບົບສັງຄົມນິຍົມຢູ່ໃນອາຊີອາຄະເນ, ດ້ວຍເຫດນັ້ນການຕໍ່ສູ້ປົກປັກຮັກສາເອກະລາດ ອະທິປະໄຕ ແລະ ກໍ່ສ້າງລະບອບໃໝ່ແມ່ນດຸເດືອດຂ້ຽວຂາດ ແລະ ຍາວນານ; ປະເທດລາວໄດ້ສະຖາປະນາລະບອບການເມືອງທີ່ກ້າວຂຶ້ນ ປະຊາຊົນລາວບັນດາເຜົ່າ ໄດ້ເປັນເຈົ້າປະເທດຊາດ, ມີຊັບພະຍາກອນອຸດົມສົມບູນ, ແຕ່ເສດຖະກິດຍັງດ້ອຍພັດທະນາ, ລະດັບວັດທະນະທຳຍັງຕ່ຳ; ປະເທດລາວກ້າວເຂົ້າສູ່ໄລຍະໃໝ່ຂອງການປະຕິວັດ ໃນຂະນະທີ່ການປະຕິວັດວິທະຍາສາດ-ເຕັດນິກຄັ້ງທີ 3 ໃນໂລກພວມຂະຫຍາຍຕົວຢ່າງຟົດຟື້ນ ແລະ ກ້ວາງຂວາງ.

          ກອງປະຊຸມໃຫ່ຍໄດ້ກຳນົດແນວທາງລວມຂອງການປະຕິວັດລາວ ໃນສະໄໝຂ້າມຜ່ານກ້າວຂຶ້ນສູ້ສັງຄົມນິຍົມຄື:“ປັບປຸງ ແລະ ເພິ່ມທະວີຜະເດັດການກໍາມະຊີບຢ່າງບໍ່ຢຸດຢັ້ງ, ຈັດຕັ້ງ ແລະ ຮັບປະກັນໃຫ້ປະຊາຊົນຜູ້ອອກແຮງງານເຜົ່າຕ່າງໆສາມັກຄີແໜ້ນແຟ້ນ ແລະ ເສີມຂະຫຍາຍສິດເປັນເຈົ້າປະເທດຊາດ, ເປັນເຈົ້າສັງຄົມ, ດຳເນີນການປະຕິວັດທັງສາມປະການໄປພ້ອມໆກັນ, ໃນນັ້ນການປະຕິວັເການພົວພັນແຫ່ງການຜະລິດມີລັກສະນະ ໄຂສ່ອງທາງໃຫ້ກຳລັງການຜະລິດຂະຫຍາຍຕົວ, ການປະຕິວັດວິທະຍາສາດ-ເຕັກນິກເປັນຂໍກະແຈຕົ້ນຕໍ, ການປະຕິວັດວັດທະນະທຳແນວຄິດຕ້ອງໄປກ່ອນກ້າວໜຶ່ງ, ທັງໝົດເຫຼົ່ານັ້ນແມ່ນເພື່ອສ້າງລະບອບສັງຄົມນິຍົມ; ຂຸດຄົ້ນ ແລະ ເສີມຂະຫຍາຍຢ່າງສຸດຂີດທຸກຄວາມອາດສາມາດບົ່ມຊ້ອນຂອງປະເທດຊາດ ໂດຍກ້າວຂຶ້ນຈາກການກະສິກຳ-ປ່າໄມ້ ເອົາການຂະຫຍາຍກະສິກຳປ່າໄມ້ເປັນພື້ນຖານໃຫ້ແກ່ການຂະຫຍາຍອຸດສະຫະກຳເທື່ອລະກ້າວຢ່າງມີຈຸດໜັກ, ເອົາການຫັນປ່ຽນອຸດສະຫະກຳສັງຄົມນິຍົມເທື່ອລະກ້າວ; ປະຕິບັດການຫັນປ່ຽນອຸດສະຫະກຳເທື່ອລະກ້າວຢ່າງມີຈຸດໜັກ, ເອົາການຫັນເປັນອຸດສະຫະກຳສັງຄົມນິຍົມ ເປັນນ້າທີ່ໃຈກາງຂອງສະໄໝຂ້າມຜ່ານແນໃສ່ຂະຫຍາຍກຳລັງການຜະລິດ, ກໍ່ສ້າງ ແລະ ປັບປຸງການພົວພັນແຫ່ງການຜະລິດສັງຄົມຢ່າງບໍ່ຢຸດຢັ້ງ, ເຮັດໃຫ້ປະເທດເຮົາກາຍເປັນປະເທດທີ່ມີການກະສິກຳ-ປ່າໄມ້ ອຸດສະຫະກຳຂະຫຍາຍຕົວ, ສ້າງຊີວິດອັນອີ່ມໜຳສຳລານ ແລະ ສົມບູນພູນສຸກ ເບີກບານມ່ວນຊື່ນໃຫ້ແກ່ປະຊາຊົນເຜົ່າຕ່າງໆ, ລົບລ້າງລະບອບຂູດຮີດຄົນຢ່າງຕະຫຼອດການ; ເພີ່ມທະວີການປ້ອງກັນຊາດ, ປ້ອງກັນຄວາມສະຫງົບ, ປົກປັກຮັກສາເອກະລາດແຫ່ງຊາດ, ອະທິປະໄຕ ແລະ ລະບອບໃໝ່ໄວ້ຢ່າງໝັັ້ນຄົງ, ກໍ່ສ້າງປະເທດລາວສັນຕິພາບ ເອກະລາດ  ເອກະພາບ ແລະ ສັງຄົມນະຍົມ; ພ້ອມກັບຫວຽດນາມ ແລະ ກຳປູເຈຍ ປົກປັກຮັກສາປ້ອມດ່ານໜ້າສັງຄົມນິຍົມ ຢູ່ພາກພື້ນນີ້ໄວ້ໃຫ້ໝັ້ນຄົງ ແລະ ປະກອບສ່ວນຢ່າງຕັ້ງໜ້າເຂົ້າໃນພາລະກິດຕໍ່ສູ້ ເພື່ອສັນຕິພາບເອກະລາດແຫ່ງຊາດ ປະຊາທິປະໄຕ ແລະ ຄວາມກ້າວໜ້າທາງສັງຄົມໃນໂລກ”.

          ບົນພື້ນຖານແນວທາງລວມດັ່ງກ່າວ, ກອງປະຊຸມໃຫ່ຍໄດ້ວາງ ບາງຈຸດໝາຍພື້ນຖານຂອງການປະຕິວັດ ໃນໄລຍະໃໝ່ຄື: ບໍ່ຫຼົດລະໃນການເພີ່ມທະວີ ແລະ ບູລະນະລະບົບຜະເດັດການກຳມະຊີບ, ປະຕິບັດສິດເປັນເຈົ້າຂອງປະຊາຊົນຜູ້ອອກແຮງານເຜົ່າຕ່າງໆ, ກໍສ້າງພື້ນຖານວັດຖຸເຕັກນິກອັນຈຳເປັນຂອງລະບອບສັງຄົມນິຍົມ, ເຮັດໃຫ້ເສດຖະກິດແຫ່ງຊາດ ມີພື້ນຖານກະສິກຳ-ປ່າໄມ້, ອຸດສະຫະກຳຂະຫຍາຍຕົວ, ກໍ່ສ້າງ ແລະ ບູລະນະພົວພັນແຫ່ງການຜະລິດສັງຄົມນິຍົມ, ຮັບປະກັນໃຫ້ພາກສ່ວນເສດຖະກິດ-ສັງຄົມນິຍົມກວມຖານະຄອບຄອງ ໃນພື້ນຖານເສດຖະກິດແຫ່ງຊາດ; ກໍ່ສ້າງ  ແລະ ບຳລຸງພະນັກງານ; ກຳມະກອນ ເພື່ອໃຫ້ມີຄວາມສາມາດໃນການສ້າງສາພັດທະນາ ແລະ ເປັນເຈົ້າປະເທດ, ເປັນເຈົ້າສັງຄົມນິຍົມ; ສາມັກຄີປະຊາຊົນເຜົ່າຕ່າງໆ, ສູ້ຊົນນຳເອົາເຜົ່າຕ່າງໆກ້າວຂຶ້ນທຽມທັນກັນ, ປອງດອງກັນຢ່າງແທ້ຈິງ ຢູ່ໃນວົງຄະນາຍາດຂອງຊາດລາວ, ເຮັດໃຫ້ຊີວິດການເປັນຢູ່ທາງວັດຖຸ ແລະ ວັດທະນະທຳຂອງປະຊາຊົນແຕ່ລະເຜົ່າໃຫ້ດີຂື້ນ. ບັນດາຈຸດໝາຍພື້ນຖານດັ່ງກ່າວນັ້ນຈະປະຕິບັດໃນແຜນການ 5 ປີຈຳນວນໜຶ່ງ.

  ກອງປະຊຸມໃຫຍ່ຄັ້ງນີ້ຍັງ ໄດ້ຮັບຮອງເອົາທິດທາງໜ້າທີ່ແຜນການພັດທະນາເສດຖະກິດ - ສັງຄົມ 5 ປີເທື່ອທີ I (1981 - 1985), ຮັບຮອງເອົາກົດລະບຽບດັດແປງຂອງພັກ ແລະ ເລືອກຕັ້ງຄະນະບໍ ລິຫານງານສູນກາງພັກຊຸດໃໝ່ ລວມມີກຳມະການສົມບູນ 49 ສະຫາຍ, ກຳມະການສຳ ຮອງ 6 ສະຫາຍ. ບັນດາສະ ຫາຍກຳມະການສູນກາງພັກ ຊຸດກ່ອນລ້ວນແຕ່ໄດ້ຮັບເລືອກ ຕັ້ງເປັນກຳມະການສູນກາງ ພັກຊຸດໃໝ່.
     ກອງປະຊຸມຄົບຄະນະຄັ້ງ ທີ I ຂອງຄະນະບໍລິຫານງານ ສູນກາງພັກ (ສະໄໝທີ III) ໄດ້ເລືອກຕັ້ງກົມການເມືອງສູນ ກາງພັກປະກອບດ້ວຍ 7 ສະ ຫາຍ ແລະ ເລືອກຕັ້ງຄະນະ ເລຂາທິການສູນກາງພັກປະ ກອບດ້ວຍ 9 ສະຫາຍ, ສະ ຫາຍ ໄກສອນ ພົມວິຫານ ໄດ້ຮັບເລືອກຕັ້ງເປັນເລຂາທິ ການໃຫຍ່ ຄະນະບໍລິຫານງານ ສູນກາງພັກອີກເທື່ອໃໝ່

 

 

 

            

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624