ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ IV.

 

ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ IV ຂອງພັກ ( 13-15/11/1986 )

     ວັນທີ 13 ພະຈິກ 1986, ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ IV ຂອງພັກປະຊາຊົນປະຕິວັດລາວໄດ້ໄຂຂຶ້ນຢ່າງເປັນທາງງການ ທີ່ ນະຄອນຫຼວງວຽງຈັນ. ເຂົ້າຮ່ວມກອງປະຊຸມໃຫຍ່ຄັ້ງນີ້ມີຜູ້ແທນສົມບູນ 303 ສະຫາຍ ທີ່ຖືກຄັດເລືອກມາຈາກກອງປະຊຸມໃຫຍ່ຂອງອົງຄະນະພັກແຂວງ, ກໍາແພງນະຄອນ, ອົງຄະນະພັກກອງທັບ ແລະ ອົງຄະນະພັກຂອງບັນດາອົງການອ້ອມຂ້າງສູນກາງ, ເປັນຕົວແທນໃຫ້ແກ່ສະມາຊິກພັກ 45.000 ສະຫາຍ ໃນທົ່ວປະເທດ. ຖືກເຊີນເຂົ້າຮ່ວມກອງປະຊຸມໃຫຍ່ຄັ້ງນີ້ ຍັງມີຕົວແທນວິລະຊົນ, ນັກຮົບແຂ່ງຂັນ, ຜູ້ຊົງຄຸນວຸດທິ ແລະ ສະມາຊິກອາວຸໂສຂອງພັກຈໍານວນ 200 ຄົນ. ຄະນະຜູ້ແທນຂອງພັກອ້າຍນ້ອງກໍໄດ້ເຊີນເຂົ້າຮ່ວມກອງປະຊຸມໃຫຍ່ຄັ້ງນີ້.

   ສະຫາຍ ໄກສອນ ພົມວິຫານ ເລຂາທິການໃຫຍ່ຕາງໜ້າໃຫ້ຄະນະບໍລິຫານງານສູນກາງພັກ ໄດ້ສະເໜີຮ່າງລາຍງານການເມືອງຕໍ່ກອງປະຊຸມໃຫຍ່. ລາຍງານການເມືອງໄດ້ສະຫຼຸບສັງລວມ ແລະ ຕີລາຄາສະພາບການຮອບດ້ານ, ຍົກໃຫ້ເຫັນສະພາວະຄວາມເປັນຈີງທາງດ້ານ ເສດຖະກິດ-ສັງຄົມຂອງລາວໃນປະຈຸບັນ, ໄດ້ແຍກສະພາບການຂອງໂລກ ແລະ ພາກພຶ້ນຂອງອາຊີອາຄະເນ, ສໍາຫຼວດກາການນໍາພາຂອງພັກຢ່າງເລິກເຊີ່ງ, ທອດຖອນບົດຮຽນຈາກພາກປະຕິບັດຕົວຈິງຂອງການປະຕິວັດລາວໃນ 10 ປີຜ່ານມາ. ລາຍງານການເມືອງໄດ້ຂະຫຍາຍເພີ່ມເຕີມແນວທາງການປະຕິວັດລາວທີ່ກອງປະຊຸມໃຫຍ່ຄັ້ງທີ III ຂອງພັກວາງອອກ ແລະ ເຮັດໃຫ້ເປັນອັນລະອຽດຕື່ມອີກກ້າວໜື່ງ; ສະເພາະຢ່າງຍິ່ງລາຍງານການເມືອງໄດ້ເນັ້ນເຖີງບັນຫາການປ່ຽນແປງໃໝ່ດ້ານຈິນຕະນາການ, ດັດແປງກົນໄກຄຸ້ມຄອງເສດຖະກິດ ແລະ ແບບແຜນວິທີການເຮັດວຽກ. ບົນພຶ້ນຖານແຫ່ງຈິນຕະນາການໃໝ່, ກອງປະຊຸມໃຫຍ່ໄດ້ຕີລາຄາຜົນງານ ແລະ ໄຊຊະນະທີ່ຍາດມາໄດ້ໃນການປະຕິບັດມະຕິກອງປະຊຸມໃຫຍ່ ຄັ້ງທີ III ຂອງພັກກໍຄືການປົກປັກຮັກສາ ແລະ ສ້າງສາປະເທດຊາດ ໃນ 10 ປີຜ່ານມາ ໂດຍຊີ້ໃຫ້ເຫັນວ່າຜົນງານ ແລະ ໄຊຊະນະ ທີ່ຍາດມາໄດ້ນັ້ນແມ່ນໃຫຍ່ຫຼວງ ແລະ ໜັກແໜ້ນ, ເຮັດໃຫ້ການປະຕິວັດລາວມີທ່ວງທ່າໃໝ່ “ ໃນປະຫວັດສາດຂອງຊາດເຮົາ, ຍັງບໍ່ທັນມີຈັກເທື່ອທີ່ປະເທດເຮົາຈະໜັກແໜ້ນຄືຊູ່ມື້ນີ້, ທ່າ ແລະ ກໍາລັງຂອງພວກເຮົາໃນປະຈຸບັນໄດ້ແຕກຕ່າງກັບເວລາຫາກໍຍາດເອົາອໍານາດມາໄດ້ໃໝ່ນັ້ນຫຼາຍທີ່ສຸດ, ໂສມໜ້າຂອງປະເທດຊາດນັບມື້ນັບມີການປ່ຽນແປງ, ກໍາລັງຂອງພວກເຮົາໄດ້ຂະຫຍາຍຕົວຂຶ້ນຕື່ມຫຼາຍເທົ່າ, ພັກເຮົາກໍໄດ້ເຕີບໃຫຍ່ຂຶ້ນທ່າມກາງການແກ້ໄຂບັນຫາໜ້າທີ່ອັນໃໝ່ອ່ຽມ ແລະ ສັບສົນຂອງການປະຕິວັດສັງຄົມ, ອິດທິພົນຂອງພັກຢູ່ໃນໝູ່ປະຊາຊົນນັບມື້ນັບສູງຂຶ້ນ, ລັດຜະເດັດການກໍາມະຊີບນັບມື້ນັບເຂັ້ມແຂງ, ຮາກຖານການເມືອງຢູ່ໃນເຂດຕ່າງໆ ໃນທົ່ວປະເທດໄດ້ຮັບການປັບປຸງໃໝ່ໜັກແໜ້ນຂຶ້ນຕື່ມ, ນໍ້າໃຈຮັກຊາດຂອງປະຊາຊົນເຜົ່າຕ່າງໆ ໄດ້ຮັບການເສີມຂະຫຍາຍຂຶ້ນສູ່ລະດັບໃໝ່ທີ່ຕິດພັນກັບຄວາມຮັກລະບອບສັງຄົມນິຍົມ, ພັນທະພາບກໍາມະກອນ-ຊາວນາ ສືບຕໍ່ໄດ້ ຮັບການປັບປຸງບົນພຶ້ນຖານ ເສດຖະກິດ-ສັງຄົມໃໝ່, ຮາກຖານວັດຖຸເຕັກນິກ ແລະ ການພົວພັນການຜະລິດສັງຄົມນິຍົມໄດ້ກໍ່ຕົວຂຶ້ນເທື່ອລະກ້າວ ແລະ ເສີມຂະຫຍາຍລັກສະນະດີເລີດຂອງມັນໃນຂັ້ນຕົ້ນ. ການຜະລິດ ແລະ ຊີວິດການເປັນຢູ່ຂອງປະຊາຊົນພວມກ້າວເຂົ້າສູ່ຄວາມສະເຫງົບປົກກະຕິ, ມີບາງດ້ານກໍໄດ້ຮັບການປົວແປງຂຶ້ນໃຫ້ດີຂຶ້ນຢ່າງຈະແຈ້ງ. ການພົວພັນ ແລະ ອິດທິພົນທາງສາກົນຂອງພັກ ແລະ ລັດເຮົາ ກໍນັບມື້ນັບເປີດກວ້າງ ແລະ ສູງເດັ່ນຂຶ້ນ. ຜົນສໍາເລັດເຫຼົ່ານັ້ນມີຄວາມໝາຍສໍາຄັນໃນການສ້າງປະຖົມປັດໄຈ ແລະ ເງື່ອນໄຂອັນສະດວກໃຫ້ແກ່ພວກເຮົາສືບຕໍ່ກ້າວຂຶ້ນ”; ພ້ອມກັນນັ້ນກໍຊີ້ໃຫ້ເຫັນແຈ້ງຈຸດອ່ອນ ແລະ ຂໍ້ຄົງຄ້າງ, ສະເພາະຢ່າງຍິ່ງໄດ້ຕໍານິວິຈານຢ່າງກົງໄປກົງມາ ບັນດາທັດສະນະແນວຄິດອັດຕະວິໄສ, ຮ້ອນຮົນຟ້າວຟັ່ງໃນການດັດສ້າງສັງຄົມນິຍົມ ໂດຍທີ່ຢາກລົບລ້າງບັນດາພາກສ່ວນເສດຖະກິດທີ່ບໍ່ເປັນສັງຄົມນິຍົມໂດຍໄວ, ຟ້າວຟັ່ງ ໂອນເອົາບັນດາໂຮງຈັກໂຮງງານທີ່ບໍ່ຈໍາເປັນມາເປັນກໍາມະສິດຂອງລັດ, ຮີບຮ້ອນຫັນເອົາຊາວໄຮ່ນາເຂົ້າສູ່ການທໍາມາຫາກິນແບບລວມໝູ່ ໂດຍບໍ່ຄໍານຶງເຖີງເງື່ອນໄຂ, ຫຼັກການ ແລະ ຄວາມສາມາດໃນການຈັດຕັ້ງ ແລະ ຄຸ້ມຄອງ, ພ້ອມກັບການຊັກຊ້າໃນການກໍາຈັດແກ້ໄຂກົນໄກຄຸ້ມຄອງແບບລວມສູນອາດຍາສິດບໍລິຫານເກື້ອກູນ ໃນຂົງເຂດການຜະລິດທຸລະກິດ, ອັນໄດ້ເຮັດໃຫ້ການຜະລິດຕົກຕໍ່າ, ຊີວິດການເປັນຢູ່ຂອງປະຊາຊົນພົບຄວາມຫຍຸ້ງຍາກ. ທັງໝົດນັ້ນໄດ້ສ່ອງແສງເຖິງຈຸດອ່ອນ ແລະ ຄວາມຂາດຕົກບົກຜ່ອງ ໃນການຈັດຕັ້ງປະຕິບັດແນວທາງນະໂຍບາຍຂອງພັກ.

   ຜ່ານພຶດຕິກໍາ 10 ປີແຫ່ງການປົກປັກຮັກສາ ແລະ ສ້າງສາປະເທດຊາດ, ກອງປະຊຸມໃຫຍ່ທອດຖອນໄດ້ 5 ບົດຮຽນທີ່ສໍາຄັນຄື:  

ໜື່ງ: ເພີ່ມທະວີການນໍາພາຮອບດ້ານຂອງພັກ, ວາງແນວທາງອອກຢ່າງທັນການ ແລະ ບູລະນະມັນຢ່າງບໍ່ຢຸດຢັ້ງ, ທັງຢືດໝັ້ນໃນການຈັດຕັ້ງປະຕິບັດແນວທາງນັ້ນໃຫ້ປະກົດຜົນເປັນຈິງ.

ສອງ: ເພີ່ມທະວີຄວາມສາມັກຄີໃນທົ່ວພັກ, ທົ່ວປວງຊົນ ເປັນສາເຫດ ອັນສໍາຄນຍິ່ງແຫ່ງໄຊຊະນະທຸກຢ່າງຂອງການປະຕິວັດປະເທດເຮົາ.

ສາມ: ຕ້ອງຕິດແໜ້ນກັບຮາກຖານ, ສູຸມໃສ່ກໍ່ສ້າງຮາກຖານໃຫ້ໜັກແໜ້ນເຂັ້ມແຂງໃນທຸກດ້ານເພື່ອປະຕິບັດສອງໜ້າທີ່ຍຸດທະສາດເປັນຢ່າງດີ ແລະ ດໍາເນີນການປະຕິວັດ 3 ປະການໄປພ້ອມໆກັນ.

ສີ່: ໃນທຸກການເຄື່ອນໄຫວດ້ານເສດຖະກິດຕ້ອງຮູ້ໝູນໃຊ້ບັນດາກົດເກນພາວະວິໄສ ແລະ ຄິດໄລ່ເຖິງປະສິດຕິຜົນທເງດ້ານເສດຖະກິດ-ສັງຄົມ.

ຫ້າ: ການຮ່ວມມືຮອບດ້ານກັບບັນດາປະເທດສັງຄົມນິຍົມອ້າຍນ້ອງ, ກ່ອນອື່ນໝົດແມ່ນກັບສະຫະພາບໂຊວຽດ, ກໍ່ສ້າງກ້ອນກໍາລັງຮ່ວມສໍາພັນພິເສດລະຫວ່າງປະເທດເຮົາກັບຫວຽດນາມ ແລະ ກໍາປູເຈຍ, ນໍາໃຊ້ບັນດາເງື່ອນໄຂອັນສະດວກຂອງຍຸກສະໄໝເປັນປັດໄຈທີ່ຂາດບໍ່ໄດ້ໃນການກໍ່ສ້າງ ສັງຄົມນິຍົມຢູ່ປະເທດເຮົາ.

   ບົນພຶ້ນຖານແນວທາງລວມຂອງສະໄໝຂ້າມຜ່ານທີ່ກອງປະຊຸມໃຫຍ່ ຄັ້ງທີ III ຂອງພັກ ວາງອອກ, ກອງປະຊຸມໃຫຍ່ຄັ້ງນີ້ໄດ້ກໍານົດທິດທາງທີ່ຕົ້ນຕໍ ທາງດ້ານເສດຖະກິດ-ສັງຄົມ ຕະຫຼອດສະໄໝຂ້າມຜ່ານ ຂຶ້ນສູ່ສັງຄົມນິຍົມຂອງປະເທດເຮົາຄື: ດໍາເນີນການຫັນເປັນອຸດສາຫະກໍາສັງຄົມນິຍົມເທື່ອລະກ້າວ ເພື່ອກໍ່ສ້າງພຶ້ນຖານວັດຖຸ-ເຕັກນິກຂອງສັງຄົມນິຍົມໃຫ້ສໍາເລັດຜົນ; ດໍາເນີນການສ້າງສັງຄົມນິຍົມ ເພື່ອກໍ່ສ້າງການພົວພັນການຜະລິດໃໝ່ສັງຄົມນິຍົມ; ຂະຫຍາຍທາງດ້ານຈໍານວນ ແລະ ຍົກສູງຄຸນນະພາບຂອງຊົນຊັ້ນກໍາມະກອນ, ເຮັດໃຫ້ຊົນຊັ້ນຊາວນາລວມໝູ່ ແລະ ຊົນຊັ້ນປັນຍາຊົນສັງຄົມນິຍົມເປັນຕົນເປັນໂຕຂຶ້ນ; ປັບປຸງລະບົບຜະເດັດການກໍາມະຊີບໃຫ້ໜັກແໜ້ນ, ເປີດກວ້າງປະຊາທິປະໄຕສັງຄົມນິຍົມ, ເພີ່ມທະວີຄວາມເປັນເອກະພາບທາງດ້ານການເມືອງ ແລະ ແນວຄິດຂອງສັງຄົມ; ດໍາເນີນການປະຕິວັດແນວຄິດ ແລະ ວັດທະນະທໍາ ແນ່ໃສ່ກໍ່ສ້າງວັດທະນະທໍາໃໝ່ ແລະ ຄົນໃໝ່ສັງຄົມນິຍົມຂຶ້ນເທື່ອລະກ້າວ, ປົວແປງຊີວິດການເປັນຢູ່ຂອງປະຊາຊົນຜູ້ອອກແຮງງານບັນດາເຜົ່າໃຫ້ດີຂຶ້ນ ແລະ ແກ້ໄຂບັນດາບັນຫາສັງຄົມຢ່າງເໝາະສົມ; ກໍ່ສ້າງລະບົບຄຸ້ມຄອງໃໝ່ ຕໍ່ຂົງເຂດເຄື່ອນໄຫວສັງຄົມ.

   ກອງປະຊຸມໃຫຍ່ໄດ້ວາງທິດທາງໜ້າທີ່ຕົ້ນຕໍໄລຍະນີ້ເຖິງປີ 2000 ກໍຄືໃນແຜນການ 5 ປີ ເທື່ອທີສອງ ໂດຍສະເພາະເລັ່ງໃສ່ແກ້ໄຂບັນຫາທັນຍາຫານ ແລະ ອາຫານໃຫ້ໄດ້ຢ່າງໜັກແໜ້ນ ບົນພຶ້ນຖານຂະຫຍາຍກະສິກໍາຢ່າງຮອບດ້ານ; ຈໍາກັດ ແລະ ໄປເຖິງບ່ອນຢຸດຕິການຖາງປ່າເຮັດໄຮ່ໂດຍພຶ້ນຖານ; ສ້າງໂຄງປະກອບເສດຖະກິດກະສິກໍາ-ປ່າໄມ້-ອຸດສາຫະກໍາ ທີ່ສົມເຫດສົມຜົນໃຫ້ເປັນຕົນເປັນໂຕຂຶ້ນໃນຂັ້ນຕົ້ນ; ດໍາເນີນການແບ່ງເຂດເສດຖະກິດ, ວາງແຜນກ່ຽວກັບການກໍ່ສ້າງຊົນນະບົດ ແລະ ຕົວເມືອງ; ຂະຫຍາຍການຄົມມະນາຄົມຂົນສົ່ງ ແລະ ການຕິດຕໍ່ສື່ສານ; ນໍາໃຊ້ຄວາມກ້າວໜ້າດ້ານວິທະຍາສາດ-ເຕັກນິກ, ຈັດຕັ້ງວຽກງານສໍາຫຼວດພຶ້ນຖານ; ປັບປຸງ ແລະ ເພີ່ມທະວີບົດບາດເປັນເຈົ້າພາທາງຂອງຂົງເຂດເສດຖະກິດຂອງລັດ, ຂະຫຍາຍຂົງເຂດເສດຖະກິດສະຫະກອນ; ປັບປຸງ ແລະ ຂະຫຍາຍລະບົບການຄ້າຢ່າງຮອບດ້ານ; ອອກແຮງງານປັບປຸງດ້ານການເງິນ ແລະ ເງິນຕາຕ່າງປະເທດໃຫ້ສະເຫງົບປົກກະຕິ; ຂະຫຍາຍພົວພັນດ້ານເສດຖະກິດກັບຕ່າງປະເທດ; ກໍ່ສ້າງລະບົບກົດໝາຍ; ຂະຫຍາຍການສຶກສາ, ວັດທະນະທໍາ ແລະ ສາທະລະນະສຸກ. ກອງປະຊຸມໃຫຍ່ໄດ້ຜ່ານບົດລາຍງານກ່ຽວກັບທິດທາງໜ້າທີ່ຂອງແຜນການພັດທະນາເສດຖະກິດ-ສັງຄົມ 5 ປີເທື່ອທີສອງ ( 1986-1990 ); ຜ່ານບົດລາຍງານກ່ຽວກັບການດັດແປງ ແລະ ເພີ່ມເຕີມກົດລະບຽບຂອງພັກປະຊາຊົນປະຕິວັດລາວ, ຊຶ່ງໃນກົດລະບຽບ ສະບັບດັດແປງໃໝ່ນີ້ໄດ້ກໍານົດລະອຽດຕື່ມກ່ຽວກັບການຈັດຕັ້ງພັກຢູ່ຮາກຖານ, ເປັນຕົ້ນຢູ່ສໍານັກງານອົງການອ້ອມຂ້າງສູນກາງ, ແຂວງ, ກໍາແພງນະຄອນ, ຢູ່ຕ່າງປະເທດ ແລະ ການຈັດຕັ້ງຂອງພັກໃນກອງທັບ.

   ກອງປະຊຸມໃຫຍ່ໄດ້ເລືອກຕັ້ງຄະນະບໍລິຫານງານສູນກາງພັກສະໄໝທີ ປະກອບມີ 60 ສະຫາຍ, ໃນນັ້ນກໍາມະການສົມບູນ 51 ສະຫາຍ ແລະ ກໍາມະການສໍາຮອງ 9 ສະຫາຍ. ກອງປະຊຸມຄົບຄະນະຄັ້ງທີໜື່ງຂອງຄະນະບໍລິຫານງານສູນກາງພັກສະໄໝທີ IV ໄດ້ເປັນເອກະສັນເລືອກຕັ້ງກົມການເມືອງສູນກາງພັກ ປະກອບດ້ວຍກໍາມະການສົມບູນ 11 ສະຫາຍ ແລະ ກໍາມະການສໍາຮອງ 2 ສະຫາຍ; ເລືອກຕັ້ງຄະນະເລຂາທິການສູນກາງພັກ ປະກອບດ້ວຍ 9 ສະຫາຍ ກອງປະຊຸມຄົບຄະນະຄັ້ງນີ້ໄດ້ ເປັນເອກະສັນຢ່າງສົມບູນເລືອກຕັ້ງ ສະຫາຍ ໄກສອນ ພົມວິຫານ ເປັນເລຂາທິການໃຫຍ່.

 

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624