ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ກອງປະຊຸມໃຫຍ່ຜູ້ແທນທົ່ວປະເທດຄັ້ງທີVI.

ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ VI ຂອງພັກ (ວັນທີ18-20/3/1996)

ໃນທ່າມກາງສະພາບການຂອງໂລກພວມຜັນແປໄປຢ່າງໄວວາ ແລະ ສັບສົນ,ການຈັດຕັ້ງປະຕິບັດແນວທາງປ່ຽນແປງໃໝ່ຢູ່ປະເທດເຮົາພວມດຳເນີນໄປຢ່າງມີໝາກຜົນນັ້ນ ກໍ່ໄດ້ມີເຫດການການເມືອງທີ່ສຳຄັນເກີດຂື້ນຄື ໃນວັນທີ 18 - 20 ມີນາ1996 ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ VI ຂອງພັກໄດ້ເປີດຂື້ນ, ມີຜູ້ແທນເຂົ້້າຮ່ວມ 381ສະຫາຍ ຊື່ງເປັນຕົວແທນໃຫ້ສະມາຊິກພັກ 78.000 ສະຫາຍ ໃນທົ່ວປະເທດ. ກອງປະຊຸມໃຫຍ່ຂອງພັກເທື່ອນີ້ໄດ້ເຊີນຄະນະຜູ້ແທນພັກຂອງປະເທດອ້າຍນ້ອງຈຳນວນໜື່ງເຂົ້າຮ່ວມ.

      ກອງປະຊຸມໃຫຍ່ໄດ້ຮັບຟັງລາຍງານການເມືອງຂອງຄະນະບໍລິຫານງານສູນກາງພັກສະໄໝທີ V, ເຊີ່ງສະ ເໜີໂດຍ ທ່ານຄຳໄຕ ສີພັນດອນ. ລາຍງານການເມືອງໄດ້ທົບທວນການດຳເນີນພາລະກິດປ່ຽນແປງໃຫມ່ ແລະການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ Vຂອງພັກ. ບົນພື້ນຖານການໄຈ້ແຍກຜົນງານ ແລະ ຂໍ້ຂາດຕົກບົກຜ່ອງຜ່ານມາລາຍງານການເມືອງໄດ້ມີຂໍ້ສະຫຼຸບ ແລະ ຖອດຖອນບົດຮຽນອັນປະເສີດຈາກພຶດຕິກຳອັນມີຊີວິດຊີວາແຫ່ງການດຳເນີນພາລະກິດປ່ຽນແປງໃຫມ່ໃນໄລຍະ 10 ປີ ຜ່ານມາຄື:

(1). ການເພີ່ມທະວີຄວາມສາມັກຄີ ເປັນເອກະພາບໃນທົ່ວພັກ, ທົ່ວປວງຊົນຕິດແໜ້ນກັບການເຊີດຊູນ້ຳໃຈຮັກຊາດ,ເສີມຂະຫຍາຍຈິດໃຈເອກະລາດ, ເປັນເຈົ້າຕົນເອງ, ເພີ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງແມ່ນປັດໃຈຕັດສິນຜົນສຳເລັດຂອງພາລະກິດປ່ຽນແປງໃຫມ່ນີ້ແມ່ນບົດຮຽນອັນປະເສີດ ແລະ ແມ່ນມູນເຊື້ອອັນດີງາມຂອງພັກ ແລະ ຂອງປະຊາຊົນເຮົາທີ່ໄດ້ສະແດງອອກ ຕະຫຼອດໄລຍະຂອງການປະຕິວັດປົດປ່ອຍຊາດກໍ່ຄືໃນໄລຍະປົກປັກຮັກສາ ແລະ ສ້າງສາປະເທດຊາດໃນປະຈຸບັນ.

(2). ອີງໃສ່ປະຊາຊົນ, ເສີີມຂະຫຍາຍກຳລັງແຮງອັນມະຫາສານຂອງປະຊາຊົນ ແລະ ເຮັດທຸກສີ່ງທຸກຢ່າງເພື່ອຜົນປະໂຫຍດຂອງປະຊາຊົນ. ອັນນີ້ກໍ່ແມ່ນບົດຮຽນໃຫຍ່ທີ່ພວກເຮົາໄດ້ປະຕິບັດມາຍ່າງສະເໝີຕົ້ນສະເໝີປາຍ ໃນທຸກໄລຍະການປະຕິວັດ. ທັງເປັນການເຂົ້າຮ່ວມໃນການຈັດຕັ້ງຜັນຂະຫຍາຍຄຳສັ່ງ 09 ຂອງກົມການເມືອງສູນກາງພັກວ່າດ້ວຍການສ້າງບ້ານ ແລະ ກຸ່ມບ້ານພັດທະນາຕາມ 4 ເນື້ອໃນ 4 ຄາດໝາຍ.

(3). ຮັບປະກັນສະຖຽນລະພາບທາງດ້ານການເມືອງ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມແມ່ນເງື່ອນໄຂອັນຈຳເປັນສຳຫຼັບການປ່ຽນແປງໃຫມ່. ແຕ່ຢາກໃຫ້ພາລະກິດປ່ຽນແປງໃຫມ່ມີຜົນສຳເລັດຕ້ອງໄດ້ດຳເນີນໄປຢ່າງຄົບຊຸດ, ຮອບຄອບດ້ວຍບາດກ້່າວອັນເໝາະສົມ.

      ພຶດຕິກຳຂອງປະເທດເຮົາ ແລະ ຂອງຕ່າງປະເທດໄດ້ຊີ້ໃຫ້ເຫັນວ່າພາລະກິດປ່ຽນແປງໃຫມ່ຈະບໍ່ສາມາດດຳເນີນໄປຢ່າງຄົບຊຸດ, ຮອບຄອບດ້ວຍບາດກ້າວອັນເໝາະສົມ. ພຶດຕິກຳຂອງປະເທດເຮົາ ແລະ ຂອງຕ່າງປະເທດໄດ້ຊີ້ໃຫ້ເຫັນວ່າ ພາລະກິດປ່ຽນແປງໃຫມ່ຈະບໍ່ສາມາດດຳເນີນໄປໄດ້ຖ້າຫາກສະຖຽນລະພາບທາງການເມືອງ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍທາງສັງຄົມບໍ່ມີການຮັບປະກັນ. ເຫັນໄດ້ຄວາມສຳຄັນດັ່ງກ່າວນັ້ນພັກເຮົາຈື່ງໄດ້ມີທິດນຳປະສານສົມທົບຢ່າງແໜ້ນແຟ້ນລະຫວ່າງການເມືອງກັບເສດຖະກິດ, ວັດຖະນະທຳ - ສັງຄົມ,ການປ້ອງກັນຊາດປ້ອງກັນຄວາມສະຫງົບ ແລະ ການຕ່າງປະເທດ. ໃນດ້ານອື່ນໆພວກເຮົາຮັບຮູ້ວ່າການປ່ຽນແປງໃຫມ່ເປັນພາລະກິດອັນໃຫມ່ອ່ຽມ, ສະນັ້ນຈື່ງໄດ້ດຳເນີນໄປເທື່ອລະກ້າວຢ່າງໜັກແໜ້ນ, ທັງເຮັດຖອດຖອນບົດຮຽນໄປນຳ; ເອົາຜົນສຳເລັດຂອງການປ່ຽນແປງໃຫມ່ໃນຂົງເຂດເສດຖະກິດມາເປັນກຳລັງແຮງໃຫ້ແກ່ການບູລະນະລະບົບການເມືອງປະຊາທິປະໄຕປະຊາຊົນໃຫ້ມີຄວາມເຂັ້ມແຂງ ແລະ ມີຄວາມສັກສິດ, ອັນເປັນການເພີ່ມທະວີຄວາມມີສະຖຽນລະພາບທາງດ້ານການເມືຶອງ ແລະ ເຮັດໃຫ້ສັງຄົມມີຄວາມສະຫງົບໜັກແຫນ້ນຍີ່ງຂື້ນ.

(4).ເພີ່ມທະວີບົດບາດນຳພາຂອງພັກໃນທຸກຂົງເຂດວຽກງານ ແລະ ເຊີດຊູຄວາມສັກສິດແຫ່ງການຄຸ້ມຄອງຂອງລັດແມ່ນເງື່ອນໄຂຮັບປະກັນໃຫ້ແກ່ການປ່ຽນແປງໃຫມ່ໃຫ້ດຳເນີນໄປຢ່າງຖືກຕ້ອງຕາມແນວທາງ ແລະ ຈຸດໝາຍຂອງພັກ.

      ພັກເຮົາເປັນຜູ້ນຳພາລິເລີ່ມການປ່ຽນແປງໃຫມ່ໂດຍມີອຸດົມຄະຕິ ແລະ ຈຸດໝາຍຈະແຈ້ງ. ສະນັ້ນ, ຍາມໃດພັກກໍ່ມີຄວາມເຊີດຊູຄວາມຮັບຜິດຊອບນຳພາຕໍ່ທົ່ວສັງຄົມ, ກ່ອນອື່ນແມ່ນໄດ້ເອົາໃຈໃສ່ຕໍ່ວຽກງານສຶກສາອົບຮົມການເມືອງແນວຄິດ ແລະ ໄດ້ປັບປຸງ, ຍົກສູງຄວາມສາມາດນຳພາຂອງຕົນຢູ່ສະເໝີ, ມີຄວາມສະດຸ້ງໄວຕໍ່ອັນໃຫມ່ແລະ ຂໍ້ຂາດຕົກບົກຜ່ອງຂອງຕົນ, ໄດ້ສະຫຼຸບຖອດຖອນບົດຮຽນຈາກພຶດຕິກຳຂອງຕົນເອງສົມທົບກັບບົດຮຽນຂອງຕ່າງປະເທດຢ່າງປະດິດສ້າງເພື່ອບູລະນະແນວທາງຂອງພັກໃຫ້ບໍລິບູນຍີ່ງໆຂື້ນ. ພັກເຮົາໄດ້ເອົາໃຈໃສ່ກໍ່ສ້າງ, ບຳລຸງ ແລະ ປະຕິບັດນະໂຍບາງແນວທາງຂອງພັກຢ່າງເໝາະສົມ; ມີມາດຕະການອັນເຂັ້ມງວດໃນການກຳຈັດປັດເປົ່າພະຍາດອາດຍາສິດ ແລະ ປະກົດການຫຍໍ້ທໍ້ໃນຖັນແຖວພະນັກງານ; ສະມາຊິກພັກຍ້ອນແນວນັ້ນຈື່ງຮັກສາແລະ ເສີມຂະຫຍາຍໄດ້ບົດບາດອິດທິພົນຂອງພັກເຊີດຊູຄວາມເຊື່ອຫມັ້ນຂອງມະຫາຊົນຕໍ່ແນວທາງ ແລະ ການນຳພາຂອງພັກ. ໃນເງື່ອນໄຂພັກກຳອຳນາດ ແລະ ມີທິດທາງສ້າງລັດແຫ່ງກົດໝາຍຂື້ນເທື່ອລະກ້າວນັ້ນພັກເຮົາໄດ້ໃຫ້ຄວາມສຳຄັນແກ່ການເຊີດຊູຄວາມສັກສິດແຫ່ງການຄຸ້ມຄອງຂອງລັດ, ເຮັດໃຫ້ລະບົບອຳນາດລັດເປັນຂອງປະຊາຊົນໂດຍປະຊາຊົນ ແລະ ເພື່ອປະຊາຊົນຢ່າງແທ້ຈິງ.

(5).ເສີມຂະຫຍາຍກຳລັງແຮງຂອງຊາດ ສົມທົບກັບກຳລັງແຮງຂອງຍຸກສະໄຫມ; ຍາດແຍ່າງເອົາການສະໜັບສະໜຸນ ແລະ ການຊ່ວຍເຫຼືອຈາກສາກົນຢ່າງມີຫຼັກການ. ແມ່ນສີ່ງທີ່ຂາດບໍ່ໄດ້ສຳລັບຫານສ້າງສາພັດທະນາປະເທດຊາດ. ບັນດາຂໍ້ສະຫຼຸບ ແລະ ບັດຮຽນເທີ່ງນັ້ນແມ່ນໄດ້ຜ່ານການກັ່ນຕອງ ແລະ ສັງລວມຈາກພຶດຕິກຳແຫ່ງການນຳພາຂອງພັກເຮົາ. ສະນັ້ນພວກເຮົາຕ້ອງເຊື່ອມຊຳກຳແໜ້ນ ແລະ ຖືເປັນບ່ອນອີງສຳຫຼັບການສືບຕໍ່ພາລະກິດປ່ຽນແປງໃຫມ່ໃນຊຸ້ມປີຕໍ່ຫນ້າ. ກອງປະຊຸມໃຫຍາຍັງໄດ້ກຳນົດຈຸດໝາຍສຳຫຼັບ 5 ປີ ຕໍ່ໜ້າ ( 1996 – 2000 ) ຄື: ສູ້ຊົນຮັບປະກັນໃຫ້ເສດຖະກິດຂະຫຍາຍຕົວຕໍ່ເນື່ອງ ໃນລະດັບ 8 - 8,5% ຕໍ່ປີ, ຮອດປີ 2000 ລາຍໄດ້ສະເລ່ຍຕໍ່ຫົວຄົນໃຫ້ໄດ້ 500 ໂດລາ, ສ້າງກິດຈະການພື້ນຖານຈຳນວນໜື່ງໃຫ້ເປັນໜໍ່ແໜງສຳຫຼັບຫັນເປັນອຸດສະຫະກຳ ແລະທັນສະໄໝໃນຂັ້ນຕໍ່ໄປ; ແກ້ໄຂຄວາມອຶດຢາກຂາດເຂີນ ແລະ ຄວາມທຸກຍາກຂອງປະຊາຊົນໃນບໍລິເວນຈຸດສຸມຈຳນວນໜື່ງດ້ວຍການພັດທະນາຊົນນະບົດຮອບດ້ານ.

      ເພື່ອສູ້ຊົນໃຫ້ບັນລຸຕົວເລກຄາດໝາຍດັ່ງກ່າວນັ້ນ, ກອງປະຊຸມໃຫຍ່ໄດ້ວາງທິດທາງໜ້າທີ່ລວມຄື: ເພີ່ມທະວີຄວາມສາມັກຄີເປັນເອກະພາບພາຍໃນພັກ ແລະ ໃນທົ່ງປວງຊົນ, ຮັບປະກັນສະຖຽນລະພາບ ແລະ ຄວາມສະຫງົບໃຫ້ໄດ້ຢ່າງໜັກແຫນ້ນ, ສ້າງເງື່ອນໄຂອັນເອື່ອອຳນວຍສຳຫຼັບການທຳມາຫາກິນຂອງປະຊາຊົນ ແລະ ການສ້າງສາພັດທະນາປະເທດຊາດ; ກປັກຮັກສາເອກະລາດ ແລະ ອະທິປະໄຕຂອງຊາດໄດ້ຢ່າງໝັ້ນຄົງ; ລະດົມກຳລັງແຮງຂອງທຸກພາກສ່ວນເສດຖະກິດ ແລະ ທົ່ວສັງຄົມເຂົ້າໃນການສ້າງສາພັດທະນາປະເທດຊາດ; ເສີມຂະຫຍາຍນ້ຳໃຈຮັກຊາດຕິດພັນກັບຮັກລະບອບໃຫມ່, ສູ້ຊົນໃຫ້ມີການສະສົມຈາກພາຍໃນປະເທດ, ເຮັດໃຫ້ການເງິນແຫ່ງຊາດມີຄວາມຫມັ້ນທ່ຽງ ແລະ ເປັນເຈົ້າຕົນເອງເທື່ອລະກ້າວ; ປະຕິບັດນະໂຍບາຍປະຊາກອນຍ່າງຕັ້ງໜ້າ, ເຮັດໃຫ້ການເພີ່ມຂື້ນຂອງພົນລະເມືອງສອດຄ່ອງກັບການຂະຫຍາຍຕົວຂອງເສດຖະກິດ, ຍົກລະດັບຄວາມຮູ້ຂອງປະຊາຊົນບັນດາເຜົ່າກໍ່ສ້າງແຮງານວິຊາຊີບ ແລະ ບຸກຄະລາກອນໃຫ້ສາມາດຕອບສະໜອງຄວາມຕ້ອງການອັນຮີບດ່ວນໃນສະເພາະໜ້າຂອງການພັດທະນາປະເທດ, ແກ້ໄຂບັນຫາຕ່າງທາງສັງຄົມ, ເຮັດໃຫ້ສັງຄົມມີຄວາມສີວິໄລ ແລະ ຍຸດຕິທຳ; ເພີ່ມທະວີບົດບາດ ແລະ ເຊີດຊູຄວາມສາມາດນຳພາຂອງພັກໃນທຸກຂົງເຂດວຽກງານ; ປັບປຸງ ແລະ ຍົກສູງປະສິດທິພາບແຫ່ງການຄຸ້ມຄອງວ່າດ້ວຍກົດໝາຍຂອງລັດຕໍ່ເສດຖະກິດ - ສັງຄົມ; ຊຸກຍູ້ແຮງການເຄື່ອນໄຫວຂອງບັນດາອົງການຈັດຕັ້ງມະຫາຊົນ, ເສີມຂະຫຍາຍສິດເປັນເຈົ້້າຕົ້ນເອງຂອງປະຊາຊົນ; ເສີມສ້າງສາຍພົວພັນມິດຕະພາບກັບນາໆຊາດ ແລະ ເປີດກວ້າງການຮ່ວມມືກັບເພື່ອມິດສາກົນ. ກອງປະຊຸມໃຫຍ່ຍັງໄດ້ກຳນົດບັນດາແຜນນະໂຍບາຍໃຫຍ່ ແລະ ທິດທາງໜ້າທີ່ໃນແຕ່ລະຂົງເຂດວຽກງານ.

      ກອງປະຊຸມໃຫຍ່ໄດ້ຮັບຮອງເອົາກົດລະບຽບສະບັບດັດແປງຂອງພັກ, ໃນກົດລະບຽບໄດ້ເພີ່ມເຕີມ ແລະເນັ້ນໜັກລັກສະນະຊົນຊັ້ນ ແລະ ອຸດົມການຂອງພັກ; ໄດ້ກຳນົດແຈ້ງທິດນຳໃນການກໍ່ສ້າງພັກຄື:

1/.ເອົາໃຈໃສ່ສຶກສາອົບຮົມ ແລະ ກໍ່ສ້າງພັກໃຫ້ເຂັ້ມແຂງທາງດ້ານການເມືອງ,ແນວຕິດແລະການຈັດຕັ້ງ.

2/.ສົມທົບລະຫວ່າງການກໍ່ສ້າງພັກກັບການເພີ່ມທະວີຄວາມສັກສິດໃນການຄຸ້ມຄອງລັດ,ເສີມຂະຫຍາຍບົດບາດຂອງບັນດາອົງການຈັດຕັ້ງມະຫາຊົນ.

ການປັບປຸງກໍ່ສ້າງພັກຕ້ອງຖືເອົາຄຸນນະພາບເປັນກົກຮັບເອົາຜູ້ດີເດັ່ນທີ່ມີເງື່ອນໄຂມາດຖານຄົບຖ້ວນເຂົ້າພັກ,ເດັດດ່ຽວເອົາຜູ້ເຊື່ອມຄຸນປ່ຽນທາດອອກຈາກພັກ...

ກອງປະຊຸມໃຫຍ່ໄດ້ເລືອກຕັ້ງຄະນະບໍລິຫານງານສູນກາງພັກສະໄຫມທີ VI ປະກອບດ້ວຍ 49 ສະຫາຍ, ເພດຍິງ 4 ສະຫາຍ; ໃນກອງປະຊຸມຄົບຄະນະປະຖົມມະລຶກຂອງຄະນະບໍລິຫານງານສູນກາງພັກໄດ້ເລືອກຕັ້ງກົມການເມືອງສູນກາງພັກເຊີ່ງປະກອບດ້ວຍ 9 ສະຫາຍ ແລະໄດ້ເລືອກຕັ້ງ ສະຫາຍ ຄຳໄຕ ສີພັນດອນເປັນປະທານຄະນະບໍລິຫານງານສູນການພັກ, ໄດ້ແຕ່ງຕັ້ງສະຫາຍໜູຮັກພູມສະຫວັນເປັນທີ່ປຶກສາຂອງຄະນະບໍລິຫານງານສູນກາງພັກ.

 

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624