ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ກອງປະຊຸມໃຫ່ຍຜູ້ແທນທົ່ວປະເທດຄັ້ງທີVIII

 

ກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ VIII ຂອງພັກ (18-21/3/2006).

ກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ VIII ຂອງພັກ ໄດ້ດຳເນີນແຕ່ວັນທີ 18 ຫາວັນທີ 21 ມີນາ 2006 ຢູ່ທີ່ນະຄອນຫຼວງວຽງຈັນ. ເຂົ້າຮ່ວມກອງປະຊຸມໃຫ່ຍຄັ້ງນີ້ມີຜູ້ແທນ 498 ສະຫາຍທີ່ເປັນຕົວແທນໃຫ້ແກ່ສະມາຊິກພັກທັງໝົດ 148.590 ສະຫາຍ. ສະຫາຍຄຳໄຕ ສີພັນດອນ ປະທານຄະນະບໍລິຫານງານສູນກາງພັກໄດ້ອ່ານບົດລາຍງານການເມືອງ ຂອງຄະນະບໍລິຫານງານສູນກາງພັກສະໄໝທີ VII ຕໍ່ກອງປະຊຸມໃຫ່ຍ.

ກອງປະຊຸມໃຫ່ຍຄັ້ງນີ້ໄດ້ທົບທວນຄືນ ແລະ ຕີລາຄາຢ່າງພາວະວິໄສ ການຈັດຕັ້ງປະຕິບັດແນວທາງການປ່ຽນແປງໃໝ່ໃນ 20 ປີຜ່ານມາ ແລະ ການປະຕິບັດມະຕິກອງປະຊຸມໃຫ່ຍຄັ້ງທີ VII ຂອງພັກ ໂດຍມີຂໍ້ສະຫຼຸບທີ່ສຳຄັນຄື:

1.    ແນວທາງປ່ຽນແປງໃມ່ແມ່ນຖືກຕ້ອງສອດຄ່ອງກັບສະພາວະຄວາມເປັນຈິງ ທາງດ້ານເສດຖະກິດສັງຄົມ ຂອງປະເທດເຮົາ, ຖືກກັບຄວາມມຸ່ງມາດປາຖະໜາຂອງປະຊາຊົນບັນດາເຜົ່າ, ບັນດາຊັ້ນຄົນ ແລະ ໄດ້ຮັບການສະໜັບສະໜູນຈາກພາຍໃນ ແລະ ຕ່າງປະເທດຢ່າງກ້ວາງຂວາງ, ເປັນປັດໃຈຮັບປະກັນສະຖຽນລະພາບທາງການເມືອງ ແລະ ຄວາມໝັ້ນຄົງຂອງລະບອບ ປະຊາທິປະໄຕ ປະຊາຊົນ.

2.    ແນວທາງປ່ຽນແປງໃໝ່ໄດ້ສ້າງເງື່ອນໄຂ ແລະ ກາລະໂອກາດໃມ່ໃຫ້ແກ່ການຂຸດຄົ້ນກຳລັງແຮງສັງລວມພາຍໃນຊາດ ສົມທົບກຳລັງແຮງຂອງສາກົນເຂົ້າໃນການພັດທະນາ, ເຮັດໃຫ້ເສດຖະກິດແຫ່ງຊາດ ມີຊີວິດຊີວາ ແລະ ຂະຫຍາຍຕົວຕໍ່ເນື່ອງຕະຫຼອດໄລຍະ 20 ປີ ໃນລະດັບສະເລ່ຍ 6,2% ຊຶ່ງເຮັດໃຫ້ລວມຍອດຜະລິດຕະພັນພາຍໃນ ໄລ່ສະເລ່ຍຕາມຫົວຄົນເພີ່ມຂຶ້ນກວ່າ 2 ເທົ່າຕົວ, ຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນໄດ້ຮັບການປັບປຸງ ແລະ ຍົກສູງຂຶ້ນລື່ນແຕ່ກ່ອນຢ່າງຈະແຈ້ງ.

3.    ແນວທາງການປ່ຽນແປງໃໝ່ໄດ້ກຳນົດທິດຢ່າງຖືກຕ້ອງ ແລະ ຮັບປະກັນການປັບປຸງບູລະນະລະບົບການເມືອງ ຂອງລະບອບປະຊາທິປະໄຕປະຊາຊົນ ໃຫ້ມີຄວາມໜັກແໜ້ນເຂັ້ມແຂງຍິ່ງຂຶ້ນ, ເປັນຕົ້ນແມ່ນໄດ້ເຮັດໃຫ້ບົດບາດການນຳພາຂອງພັກ ໄດ້ຮັບການເຊີດຊູສູງຂຶ້ນ ແລະ ເຮັດໃຫ້ຄວາມສາມັກຄີປອງດອງຂອງປວງຊົນລາວບັນດາເຜົ່າແໜ້ນແຟ້ນຍິ່ງຂຶ້ນ, ພ້ອມກັນນັ້ນກໍ່ເຮັດໃຫ້ການພົວພັນຮ່ວມມືກັບຕ່າງປະເທດ ນັບມື້ນັບກ້ວາງອອກ ແລະ ບົດບາດອິດທິພົນຂອງພັກກໍຄືຂອງປະເທດເຮົານັບມື້ນັບສູງຂຶ້ນໃນເວທີພາກພື້ນ ແລະ ສາກົນ. ບົນພື້ນຖານການສະຫຼຸບຕີລາຄາຄືນທີ່ກ່າວມາຂ້າງເທິງນັ້ນ, ກອງປະຊຸມໃຫ່ຍໄດ້ຖອດຖອນບົດຮຽນ 5 ປະການທີ່ສຳຄັນຄື:

1.    ຕ້ອງສືບຕໍ່ເພີ່ມທະວີຄວາມສາມັກຄີເປັນເອກະພາບໃນທົ່ວພັກ, ທົ່ວປວງຊົນຕິດແໜ້ນກັບການເຊີດຊູນ້ຳໃຈຮັກຊາດ, ເສີມຂະຫຍາຍຈິດໃຈເອກະລາດ ເປັນເຈົ້າຕົນເອງເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ຖືອັນນີ້ເປັນປັດໄຈຕັດສີນຜົນສຳເລັດຂອງພາລະກິດປ່ຽນແປງໃໝ່.

2.    ຕ້ອງຍຶດໝັນໃນແນວທາງອີງໃສ່ປະຊາຊົນ, ເສີມຂະຫຍາຍກຳລັງແຮງອັນມະຫາສານຂອງປະຊາຊົນ ແລະ ເຮັດທຸກສິ່ງທຸກຢ່າງ ເພື່ອຜົນປະໂຫຍດຂອງປະຊາຊົນ, ເດັດດ່ຽວສະກັດກັ້ນ ແລະ ກຳຈັດປັດເປົ່າພະຍາດອາດຍາສິດ.

3.    ປ່ຽນແປງໃໝ່ຕ້ອງຮັບປະກັນສະຖຽນລະພາບທາງດ້ານການເມືອງ, ຄວາມສະຫງົບ, ຄວາມເປັນລະບຽບຮຽບຮ້ອຍຂອງສັງຄົມ, ເອົາບັນຫານີ້ເປັນພື້ນຖານ ໃຫ້ແກ່ການສ້າງສາພັດທະນາ; ການສືບຕໍ່ພາລະກິດປ່ຽນແປງໃໝ່ຕ້ອງດຳເນີນໄປຢ່າງຄົບຊຸດ, ຮອບຄອບດ້ວຍບາດກ້າວອັນເໝາະສົມ ໂດຍຢຶດໝັ້ນ 6 ຫຼັກການພື້ນຖານ.

4.    ປັບປຸງ ແລະ ເພີ່ມທະວີບົດບາດນຳພາຂອງພັກໃນທຸກຂົງເຂດວຽກງານ, ພ້ອມກັນນັ້ນກໍເຊີດຊູຄວາມສັກສິດແຫ່ງການຄຸ້ມຄອງ ຂອງລັດຕາມກົດມາຍ, ເສີມຂະຫຍາຍສິດເປັນເຈົ້າຂອງປະຊາຊົນ, ຮັບປະກັນໃຫ້ການສ້າງສາພັດທະນາດຳເນີນໄປຖືກຕາມແນວທາງ ແລະ ຈຸດມາຍຂອງພັກ, ໃນການນຳພານັ້ນພາຍຫຼັງມີຄວາມເປັນເອກະພາບທາງດ້ານແນວທາງແລ້ວ ຕ້ອງຕັດສີນໃຈ ສຸມການຊີ້ນຳໃສ່ການຈັດຕັ້ງປະຕິບັດແນວທາງໃຫ້ມີຜົນສຳເລັດ.

5.    ຕັ້ງໜ້າປະຕິບັດທິດນຳແຫ່ງການເສີມຂະຫຍາຍກຳລັງແຮງສັງລວມຂອງຊາດ ສົມທົບກັບກຳລັງແຮງຂອງຍຸກສະໄໝ, ຍາດແຍ່ງເອົາການສະໜັບສະໜູນຊ່ວຍເຫຼືອຈາກສາກົນຢ່າງມີຫຼັກການ ເພື່ອຊຸກຍູ້ການສ້າງສາພັດທະນາປະເທດຊາດໃຫ້ກ້າວໜ້າຂະຫຍາຍຕົວຢ່າງບໍ່ຢຸດຢັ້ງ.

ເພື່ອສືບຕໍ່ນຳພາພາລະກິດປ່ຽນແປງໃໝ່ ໄປສູ່ຈຸດໝາຍຢ່າງມີໄຊ, ກອງປະຊຸມໃຫ່ຍ ເຫັນເປັນເອກະພາບກັນວ່າ: ຕ້ອງຍົກສູງຄວາມສາມາດ ແລະ ເພີ່ມທະວີບົດບາດການນຳຂອງພັກໃນທຸກດ້ານ ສ້າງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ບົນພື້ນຖານຈິດໃຈດັ່ງກ່າວ.

ກອງປະຊຸມໃຫ່ຍໄດ້ເປັນເອກະພາບຮັບຮອງເອົາ ຄຳສະເໜີອອກພັກຜ່ອນຂອງສະຫາຍ ຄຳໄຕ ສີພັນດອນ ປະທານຄະນະບໍລິຫານງານສູນກາງພັກ ແລະ ຕົກລົງເຫັນດີໃຫ້ສະຫາຍ ໜູຮັກ ພູມສະຫວັນ ຢຸດເຊົາການເປັນທີ່ປຶກສາຂອງຄະນະບໍລິຫານງານສູນກາງພັກ, ທັງນີ້ຍ້ອນສະຫາຍມີອາຍຸກະສຽນສູງ.

ກອງປະຊຸມໃຫ່ຍໄດ້ເລືອກຕັ້ງຄະນະບໍລິຫານງານສູນກາງພັກ ສະໄໝທີ VIII ປະກອບດ້ວຍ 55 ສະຫາຍ. ໃນກອງປະຊຸມຄັ້ງປະຖົມມະລຶກຂອງຄະນະບໍລິຫານງານສູນກາງພັກ ໄດ້ເລືອກຕັ້ງກົມການເມືອງສູນກາງພັກປະກອບມີ 11 ສະຫາຍ; ເລືອກຕັ້ງຄະນະເລຂາທິການສູນກາງພັກປະກອບມີ 7 ສະຫາຍ; ສະຫາຍ ຈູມມະລີ ໄຊຍະສອນ ໄດ້ຮັບເລືອກຕັ້ງເປັນເລຂາທິການໃຫ່ຍຄະນະບໍລິຫານງານສູນກາງພັກ.

 

 

 

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624