ກອງປະຊຸມໃຫຍ່ ຄັ້ງທີ I ຂອງໜ່ວຍຊາວໜຸ່ມຫ້ອງການ

ກອງປະຊຸມໃຫຍ່ ຄັ້ງທີ I ຂອງໜ່ວຍຊາວໜຸ່ມຫ້ອງການ

          ໃນ​ວັນ​ທີ 28 ມິ​ຖຸ​ນາ 2019 ​ຜ່ານ​ມາ, ໜ່ວຍ​ຊາວ​ໜຸ່ມ​ຫ້ອງ​ການ ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ ໄດ້​ຈັດ​ກອງ​ປະ​ຊຸມ​ໃຫຍ່ ຄັ້ງ​ທີ I ຂອງຕົນຂຶ້ນ ທີ່​​ປະ​ຊຸມ​ນ້ອຍ ຊັ້ນ 5 ຂອ​ງ​ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ; ໂດຍ​ໃຫ້​ກຽດ​ເປັນ​ປະ​ທານ​ຮ່ວມ

ຂອງ​ສະ​ຫາຍ ນ. ສົມ​ພອຍ ພົມ​ມະ​ຈັກ ຄະ​ນະ​ພັກ, ຫົວ​ໜ້າ​ຫ້ອງ​ການ ແລະ ສະ​ຫາຍ ລິດ​ສະ​ໄໝ ເພັງ​ສະ​ຫວັນ ເລ​ຂາ​ຄະ​ນະ​ບໍ​ລິ​ຫານ​ງານ​ຊາວ​ໜຸ່ມ ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ, ເຂົ້າຮ່ວມມີ​ຜູ້​ຕາງ​ໜ້າ​ເລ​ຂາ​ໜ່ວຍ​ຊາວ​ໜຸ່ມ​ບັນ​ດາ​ກົມ ແລະ ສະ​ມາ​ຊິກ​ຊາວ​ໜຸ່ມ​ຫ້ອງ​ການ​ເຂົ້າ​ຮ່ວມ ຈຳ​ນວນ 28 ສະ​ຫາຍ, ຍິງ 13 ສະ​ຫາຍ.

          ໃນ​ກອງ​ປະ​ຊຸມໄດ້​​ຮັບ​ຟັງ​ບົດ​ລາຍ​ງານ​ການ​ເມືອງ ຕໍ່​ກອງ​ປະ​ຊຸມ​ໃຫຍ່ ຄັ້ງ​ທີ I ຂອງ​ໜ່ວຍ​ຊາວ​ໜຸ່ມ​ຫ້ອງ​ການ, ເຊິ່ງ​ໄດ້​ສະຫຼູບ​ຕີ​ລາ​ຄາ​ຈຸດ​ດີ, ຈຸດ​ອ່ອນ ແລະ ຂໍ້​ຄົງ​ຄ້າງ ໃນ​ການ​ເຄື່ອນ​ໄຫວ​ປະ​ຕິ​ບັດ​ໜ້າ​ທີ່ເປັນເສນາທິການປິ່ນອ້ອມໃຫ້ແກ່ໜ່ວຍຊາວໜຸ່ມບັນດາກົມ ​ໃນ​ໄລ​ຍະ 5 ປີ​ຜ່ານ​ມາ ແລະ ທິດ​ທາງ​ແຜນ​ການ, ວຽກ​ງານ​ຈຸດ​ສຸມ​ໃນ 5 ປີ​ຕໍ່​ໜ້າ; ຈາກນັ້ນ, ​ຄະ​ນະ​ໜ່ວຍ​ຊາວ​ໜຸ່ມ​ຫ້ອງ​ການ​ຊຸດ​ເກົ່າ ໄດ້​ຜ່ານ​ບົດ​ສຳຫຼວດ​ໃນ​ການ​ຊີ້​ນຳ-ນຳ​ພາ ໃນ​ໄລ​ຍະ​ຜ່ານ​ມາ ພ້ອມ​ທັງ​ລາ​ໜ້າ​ທີ່ ແລະ ບ່ອນ​ບັດ​ຄັດ​ເລືອກ​ເອົາ​ຄະ​ນະ​ໜ່ວຍ​ຊາວ​ໜຸ່ມ​ຫ້ອງ​ການ​ຊຸດ​ໃໝ່ ເຊິ່ງ​ມີ​ຜູ້​ລົງ​ສະ​ມັກ​ເລືອກ​ຕັ້ງ​ເປັນ​ຄະ​ນະ​ໜ່ວຍ​ຊາວ​ໜຸ່ມ​ຫ້ອງ​ການ​ຊຸດ​ໃໝ 5 ສະ​ຫາຍ, ຍິງ 1 ສະ​ຫາຍ ໃນ​ນັ້ນ​ເລືອກ​ເອົາ​ຄະ​ນະ​ໜ່ວຍ​ຊຸດໃໝ່ 3 ສະ​ຫາຍ, ເຊິ່ງ​ຜົນ​ການ​ປ່ອນ​ບັດ​ເລືອກ​ຕັ້ງ​ມີ​ດັ່ງ​ນີ້:

  1. ສະ​ຫາຍ ພູ​ວຽງ ພົງ​ສະ​ຫວັດ​ດີ ເປັນ ເລ​ຂາ​ໜ່ວຍ​ຊາວ​ໜຸ່ມ​ຫ້ອງ​ການ
  2. ສະ​ຫາຍ ເມກ ສີ​ແສງ​ຈັນ ເປັນ ຮອງ​ເລ​ຂາ​ໜ່ວຍ​ຊາວ​ໜຸ່ມ​ຫ້ອງ​ການ.
  3. ສະ​ຫາຍ ນ. ປ໋ອກ​ກີ ແສງ​ແກ້ວ ເປັນ​ກຳ​ມະ​ການ.

ກອງປະຊຸມໄດ້ຮັບຟັງການການໂອ້ລົມຂອງສະຫາຍ ນ. ສົມພອຍ ພົມມະຈັກ ຄະນະພັກ, ຫົວໜ້າຫ້ອງການ ເຊິ່ງທ່ານໄດ້​ມີ​ຄຳ​ເຫັນ​ໂອ້​ລົມ​ຕໍ່​ກອງ​ປະ​ຊຸມ ກ່ອນ​ອື່ນ​ໝົດ​ສະ​ຫາຍ​ໄດ້​ສະ​ແດງ​ຄວາມ​ຍ້ອງ​ຍໍ​ຊົມ​ເຊີຍ​ຕໍ່​ຜົນ​ງານ​ການ​ເຄື່ອນ​ໄຫວ​ໃນ​ໄລ​ຍະ 5 ປີ​ຜ່ານ​ມາ ທີ່​ໜ່ວຍ​ຊາວ​ໜຸ່ມ​ຫ້ອງ​ການ ຍາດ​ໄດ້​ຜົນ​ງານ​ອັນ​ໃຫຍ່ຫຼວງ ແລະ ຜ່ານ​ຜ່າ​ຄວາມ​ຫຍຸ້ງ​ຍາກ​ຕ່າງໆ ໃນ​ການ​ເຮັດ​ໜ້າ​ທີ່​ຂອງ​ຕົນ​ເອງ​ຈົນ​ສຸດ​ຄວາມ​ສາ​ມາດ​ເຊິ່ງ​ມັນ​ສະ​ແດງ​ອອກ​ໃນ​ຄວາມ​ເປັນ​ເຈົ້າ​ການ​ຕໍ່​ໜ້າ​ທີ່​ວຽກ​ງານ, ສະ​ຕິ​ຕໍ່​ການ​ຈັດ​ຕັ້ງ, ຄວາມ​ຈົ່ງ​ຮັກ​ພັກ​ດີ​ຕໍ່​ພັກ​ຕໍ່​ປະ​ເທດ​ຊາດ, ການ​ປະ​ກອບ​ສ່ວນ​ເຂົ້າ​ໃນ​ການ​ເຄື່ອນ​ໄຫວ​ປະ​ຕິ​ບັດ​ໜ້າ​ທີ່​ການ​ເມືອງ​ ຂອງ​ຕົນ​ຢ່າງ​ຕັ້ງ​ໜ້າ. ນອກນັ້ນ, ທ່ານ​ຍັງ​ໄດ້ຮຽກຮ້ອງມາຍັງຄະນະໜ່ວຍ, ສະມາຊິກຊາວໜຸ່ມຫ້ອງ​ການທຸກສະຫາຍ ຈົ່ງເພີ່ມທະວີຄວາມສາມັກຄີເປັນເອກະພາບ, ພ້ອມກັນບຸກບືນພັດທະນາຕົນເອງຢ່າງຮອບດ້ານ ແລະ ເອົາໃຈໃສ່ຄົ້ນຄວ້າຮ່ຳຮຽນທິດສະດີ, ແນວທາງ ແລະ ວຽກງານວິຊາສະເພາະເຊີດຊູນ້ຳໃຈຮັກຊາດ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ເພີ່ມທະວີຄວາມຮັບຜິດຊອບເຂົ້າໃນການຈັດຕັ້ງປະຕິບັດທິດທາງໜ້າທີ່ຈຸດສຸມ ທີ່ກອງປະຊຸມໃຫຍ່ຄັ້ງນີ້ໄດ້ຮັບຮອງເອົາ.

ກອງ​ປະ​ຊຸມ​ໄດ້​ອັດ​ລົງຕອນເຊົ້າ​ ເວ​ລາ 11:00 ໂມງ ຂອງວັນ​ດຽວ​ກັນດ້ວຍ​ຜົນ​ສຳ​ເລັດ​ຢ່າງ​ຈົບ​ງາມ.