ກອງປະຊຸມໃຫຍ່ຄັ້ງທີ I ຂອງໜ່ວຍຊາວໜຸ່ມຮາກຖານກົມຂໍ້ມູນຂ່າວສານ.

ກອງປະຊຸມໃຫຍ່ຄັ້ງທີ I ຂອງໜ່ວຍຊາວໜຸ່ມຮາກຖານກົມຂໍ້ມູນຂ່າວສານ.

       ໃນຕອນບ່າຍຂອງວັນທີ 8 ກໍລະກົດ 2019 ຜ່ານມາ, ໜ່ວຍຊາວໜຸ່ມຮາກ ຖານກົມຂໍ້ມູນຂ່າວ ສານ ຄະນະໂຄສະນາອົບຮົມສູນກາງພັກ ໄດ້ຈັດກອງປະຊຸມໃຫຍ່ຄັ້ງທີ I ຂອງຕົນຂຶ້ນ ທີ່ຫ້ອງປະຊຸມ ຊັ້ນ 5 ຂອງ ຄະນະໂຄສະນາອົບຮົມສູນກາງພັກ; ໂດຍການເປັນປະທານຮ່ວມຂອງ ທ່ານ ນາງ ບົວລີ ບັນຊາລິດ ຄະນະພັກ,

ຜູ້ຊີ້ນໍາວຽກອົງການຈັດຕັ້ງມະຫາຊົນ, ທ່ານ ລິດສະໄໝ ເພັງສະຫວັນ ເລຂາ ຄະນະບໍລິຫານງານຊາວ ໜຸ່ມ ຄະນະໂຄສະນາອົບຮົມສູນກາງພັກ, ເຂົ້າຮ່ວມມີ: ທ່ານ ວັນຕຸລາ ຣັກ ນຸດ ວ່າການຫົວໜ້າກົມ ຂໍ້ມູນຂ່າວສານ, ມີເລຂາໜ່ວຍ, ຮອງເລຂາໜ່ວຍ ແລະ ຕາງໜ້າໜ່ວຍ ຊາວໜຸ່ມບັນດາກົມ ແລະ ສະມາຊິກຊາວໜຸ່ມກົມຂໍ້ມູນຂ່າວສານເຂົ້າຮ່ວມຈໍານວນ 10 ສະ ຫາຍ, ຍິງ 5 ສະຫາຍ.

      ໃນກອງປະຊຸມໄດ້ຮັບຟັງບົດລາຍງານການເມືອງ ແລະ ບົດສໍາຫຼວດການນໍາພາຂອງ ຄະນະ ໜ່ວຍຊາວໜຸ່ມຊຸດເກົ່າ. ໃນບົດລາຍງານໄດ້ສະຫຼຸບຕີລາຜົນງານການເຄື່ອນໄຫວໃນໄລຍະ 5 ປີຜ່ານ ມາ ທີ່ສາມາດຍາດໄດ້ຜົນສໍາເລັດຫຼາຍດ້ານ ເປັນຕົ້ນ: ການສຶກສາອົບຮົມການເມືອງແນວຄິດໃຫ້ສະ ມາຊິກຊາວໜຸ່ມພາຍໃນກົມໃຫ້ມີທັດສະນະການເມືອງຖືກຕ້ອງ, ມີຄວາມອຸ່ນອ່ຽງທຸ່ນທ່ຽງ, ມີ ຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບມອບໝາຍອັນໄດ້ເຮັດໃຫ້ໜ່ວຍຊາວໜຸ່ມກົມຂໍ້ ມູນຂ່າວສານ ໄດ້ຮັບນາມມະຍົດເປັນໜ່ວຍຊາວໜຸ່ມ 4 ບຸກ; ຫຼັງຈາກນັ້ນຄະນະໜ່ວຍຊາວໜຸ່ມ ກົມຂໍ້ມູນຂ່າວສານຊຸດເກົ່າ ໄດ້ລາໜ້າທີ່ ແລະ ປ່ອນບັດຄັດເລືອກເອົາຄະນະໜ່ວຍຊາວໜຸ່ມຊຸດໃໝ່ ເຊິ່ງມີຜູ້ລົງສະໝັກເລືອກຕັ້ງເປັນຄະນະໜ່ວຍຊາວໜຸ່ມຊຸດໃໝ່ 3 ສະຫາຍ, ຍິງ 1 ສະຫາຍ; ໃນນັ້ນ ໃຫ້ເລືອກເອົາຄະນະໜ່ວຍຊຸດໃໝ່ໄດ້ 2 ສະຫາຍ, ຜ່ານການປ່ອນບັດເລືອກຕັ້ງຄະນະໜ່ວຍຊາວ ໜຸ່ມຊຸດໃໝ່, ບັນດາສະມາຊິກຊາວໜຸ່ມກົມຂໍ້ມູນຂ່າວສານໄດ້ໃຊ້ສິດປະຊາທິປະໄຕຂອງຕົນຢ່າງ ເຕັມທີ ແລະ ເລືອກໄດ້ 2 ສະຫາຍຄື:

  1. ສະຫາຍ ສັງທອງ ຍອດຊາຍ  ໄດ້ຄະແນນເປັນອັນດັບໜຶ່ງ
  2. ສະຫາຍ ນາງ ພອນວິໄລ ມະໂນທໍາ ໄດ້ຄະແນນເປັນອັນດັບສອງ                                     ຜ່ານການຄົ້ນຄວ້າພິຈາລະນາຂອງຄະນະປະທານຮ່ວມກັບຄະນະກົມຂໍ້ມູນຂ່າວສານເຫັນດີຮັບ ຮອງເອົາສະຫາຍ ສັງທອງ ຍອດຊາຍ ເປັນເລຂາໜ່ວຍຊາວໜຸ່ມກົມຂໍ້ມູນຂ່າວສານ ແລະ ສະຫາຍ ນ. ພອນວິໄລ ມະໂນທໍາ ເປັນຮອງເລຂາໜ່ວຍຊາວໜຸ່ມກົມຂໍ້ມູນຂ່າວ ສານ.

                                   ຄະນະໜ່ວຍຊຸດເກົ່າ                                       ຄະນະໜ່ວຍຊຸດໃໝ່

       ໃນຕອນທ້າຍກອງປະຊຸມຍັງໄດ້ຮັບຟັງການໂອ້ລົມຂອງ ທ່ານ ນາງ ບົວລີ ບັນຊາລິດ ຄະນະພັກ, ຄະນະໂຄສະນາອົບຮົມສູນກາງພັກ ຜູ້ຊີ້ນໍາວຽກງານອົງການຈັດຕັ້ງມະຫາຊົນ ກ່ອນອື່ນທ່ານ ໄດ້ຍ້ອງ ຍໍຊົມເຊີຍຕໍ່ຜົນງານອັນໃຫຍ່ ຫຼວງໃນການເຄື່ອນໄຫວຈັດຕັ້ງປະຕິບັດໜ້າທີ່ວຽກງານໃນໄລຍະ 5 ປີ ຜ່ານມາ, ເຊິ່ງຜົນສໍາເລັດດັ່ງກ່າວສະແດງອອກໃນຄວາມເປັນເຈົ້າການຕໍ່ໜ້າທີ່ວຽກງານ ເວົ້າລວມ ເວົ້າສະເພາະກໍຄືວຽກງານວິຊາສະເພາະຂອງຕົນ ແລະ ຜົນງານໃນການປະກອບສ່ວນເຂົ້າໃນກິດຈະ ກໍາຕ່າງໆຂອງ ຄະ ນະຊາວໜຸ່ມ ຄະນະໂຄສະນາອົບຮົມສູນກາງພັກ; ນອກນັ້ນ ທ່ານຍັງໄດ້ເໜັ້ນ ໜັກໃຫ້ຄະນະໜ່ວຍຊາວໜຸ່ມຊຸດໃໝ່ ແລະ ສະມາຊິກຊາວໜຸ່ມທຸກສະຫາຍ ພ້ອມກັນຕັ້ງໜ້າຄົ້ນ ຄວ້າ, ເຊື່ອມຊຶມທິດສະດີແນວທາງ, ຍົກສູງຄວາມຮູ້ຄວາມສາມາດທາງດ້ານວຽກງານວິຊາສະ ເພາະ, ເພີ່ມທະ ວີຄວາມສາມັັກຄີເປັນປຶກແຜ່ນ, ຮັກສາມູນເຊືອອັນດີງາມ ແລະ ເສີມຂະຫຍາຍໝາກຜົນ ການປະຕິວັດຂອງຊາວໜຸ່ມລາວໃນເມື່ອກ່ອນກໍ່ຄືການພັດທະນາປະເທດຊາດໃນປັດຈຸບັນ,  ມີຫົວ ຄິດປະດິດສ້າງເຂົ້າໃນການພັດທະນາຕົນເອງຢ່າງຮອບດ້ານ, ເຊີດຊູນໍ້າໃຈຮັກຊາດ ແລະ ມີລະບຽບ ວິໄນເອົາໃຈໃສ່ປະຕິບັດກົດລະບຽບຂອງ ຊາວໜຸ່ມຢ່າງຕັ້ງໜ້າ, ເພີ່ມທະວີຄວາມຮັບຜິດຊອບເຂົ້າ ໃນການປະຕິບັດທິດທາງໜ້າທີ່ຢ່າງມີຈຸດສຸມ ພ້ອມກັນນໍາເອົາເນື້ອໃນຈິດໃຈຂອງ ມະຕິກອງປະຊຸມ ໃຫຍ່ຄັ້ງນີ້ໄປຈັດຕັ້ງຜັນຂະຫຍາຍເຂົ້າສູ່ຊີວິດການປະຕິບັດໜ້າທີ່ວຽກງານປະຈໍາວັນໃຫ້ມີຜົນສໍາ ເລັດເປັນກ້າວໆ.