ສັບພະຄຸນຂອງໝາກຍໍ ແລະ ວິທີເຮັດນໍ້າໝັກໝາກຍໍເພື່ອສຸຂະພາບ.

                   ສັບພະຄຸນຂອງໝາກຍໍ ແລະ ວິທີເຮັດນໍ້າໝັກໝາກຍໍເພື່ອສຸຂະພາບ.                       

ສັບພະຄຸນຂອງໝາກຍໍ ແລະ ວິທີເຮັດນໍ້າໝັກໝາກຍໍເພື່ອສຸຂະພາບມີຄື:

        ໝາກຍໍ ຊ່ວຍໃຫ້ລະບົບເລືອດໝູນວຽນດີ ແລະ ຊ່ວຍຢັບຢັ້ງການຈະເລີນເຕີບໂຕຂອງເຊວມະ ເຮັງ ແລະ ເນື້ອງອກໄດ້, ຈາກການວິໄຈຈາກຕ່າງປະເທດພົບວ່າ ໝາກຍໍ ສາມາດເສີມສ້າງລະບົບພູມຕ້ານທານ ໂດຍຄວບຄຸມການເຮັດວຽກຂອງເຊວຕ່າງໆ ແລະ ທົດແທນເຊວທີ່ຖືກທຳລາຍ.

        ນອກນັ້ນ ໝາກຍໍ ຍັງມີຄຸນຄ່າເປັນຢາສະໝຸນໄພທີ່ຊ່ວຍປິ່ນປົວ ດ້ວຍສັບພະຄຸນຕ່າງໆ ແລະ ໝາກຍໍຍັງສາມາດກິນຮ່ວມກັບຢາອື່ນໆໄດ້ ຊ່ວຍຕ້ານມະເຮັງ ປ້ອງກັນຮ່າງກາຍການຕິດເຊື້ອຈາກແບັກທີເລຍ, ຕ້ານເຊື້ອແບັກທີເລຍ ແລະ ເຊື້ອລາຢັບຢັ້ງການປ່ຽນແປງຂອງເຊວໃຫ້ປົກກະຕິບໍ່ໃຫ້ກາຍເປັນມະເຮັງ, ເສີມພູມຄຸ້ມກັນຂອງເຊື້ອພະຍາດ ໂດຍກະຕຸ້ນການສ້າງເມັດເລືອດຂາວ ເພື່ອຕ້ານການຈະເລີນເຕີບໂຕຂອງເຊວມະເຮັງ ແລະ ເຊື້ອພະຍາດຕ່າງໆ, ຊ່ວຍໃຫ້ຜູ້ເປັນພະຍາດມະເຮັງມີອາຍຸຍືນຍາວຂຶ້ນ, ປ້ອງກັນການຕີບຕັນຂອງຫຼອດເລືອດແດງ, ຫຼຸດການເກີດພະຍາດຫົວໃຈ, ອຳມະພາດ, ຊ່ວຍຫຼຸດຄໍເລດເຕີຣໍ ແລະ ນໍ້າຕານໃນເລືອດ.

ວິທີການຫມັກນຳ້ໝາກຍໍ ເພື່ອສຸຂະພາບມີວິທີການເຮັດດັ່ງນີ້:  

  1. ພຽງແຕ່ເອົາໝາກຍໍແກ່ປະມານ 1 ກິໂລ;
  2. ເອົາມາລ້າງນຳ້ໃຫ້ສະອາດດີ ເອົາມີດມາຫັນເປັນຕ່ອນຕາມລວງກົມ ຫຼັງຈາກນັ້ນກໍເອົາໃສ່ກ໋ອງພຼາສະຕິກ;
  3. ເອົານຳຕານຊາຍແດງໃສ່ລົງໄປປະມານ 350g;
  4.  ປິດຝາແລ້ວສັ່ນໃຫ້ນຳ້ຕານເຂົ້າກັບໝາກຍໍ ປະໄວ້ 15 ວັນ;
  5. ຫຼັງຈາກນັ້ນເຕີມນຳ້ຕົ້ມສຸກສະອາດລົງໄປໃຫ້ເຕັມ ເຕີມນຳ້ເຜີ້ງສົດລົງໄປ ປະມານ 100 g, ເກືອ 1 ບ່ວງນ້ອຍ ປິດຝາປະໄວ້ ປະມານ 3 ເດືອນ ແລ້ວຕອງເອົາແຕ່ນຳ້ມາດື່ມເພື່ອສຸຂະພາບ ແລະ ຕ້ານພະຍາດມະເຮັງໄດ້;
  6. ຄວນດື່ມ 1 ຈອກນ້ອຍ ເຊົ້າ-ສວຍ-ແລງ.