ຄະນະຊາວໜຸ່ມ ຄະນະໂຄສະນາອົບຮົມສູນກາງ..

ຄະນະຊາວໜຸ່ມ ຄະນະໂຄສະນາອົບຮົມສູນກາງພັກ ເຂົ້າຮ່ວມຮັບຟັງປາຖະກະຖາເລົ່າຄືນມູນເຊື້ອ ວັນສ້າງຕັ້ງຊາວໜຸ່ມ ປະຊາຊົນປະຕິວັດລາວ ຄົບຮອບ 63 ປີ ທີ່ຫ້ອງວ່າການສູນກາງພັກ.

     ໃນວັນທີ 4 ເມສາ 2018 ຜ່ານມາ. ຄະນະຊາວໜຸ່ມ ຄະນະໂຄສະນາອົບຮົມສູນກາງພັກ ເຂົ້າຮ່ວມຮັບຟັງ

ປາຖະກະຖາເລົ່າຄືນມູນເຊື້ອ ວັນສ້າງຕັ້ງຊາວໜຸ່ມ ປະຊາຊົນປະຕິວັດລາວ ຄົບຮອບ 63 ປີ ຢູ່ທີ່ ຫ້ອງປະຊຸມຫ້ອງວ່າການສູນກາງພັກ. ໂດຍພາຍໃຕ້ການເປັນປະທານ ແລະ ໃຫ້ກຽດປາຖະກະຖາໂດຍ ທ່ານ ອາລຸນໄຊ ສູນນະລາດ ກຳມະການສຳຮອງສູນກາງພັກ ເລຂາຄະນະບໍລິຫານງານສູນກາງ ຊປປລ, ເຂົ້າຮ່ວມມີ: ບັນດາຄະນະກົມ, ເລຂາຄະນະບໍລິຫານງານຊາວໜຸ່ມ ຈາກຄະນະຈັດຕັ້ງສູນກາງພັກ, ຫໍພິພິທະພັນປະທານ ໄກສອນ ພົມວິຫານ, ສະຖາບັນວິທະ ຍາສາດສັງຄົມແຫ່ງຊາດ, ຄະນະກວດກາສູນກາງພັກ, ສູນກາງຊປປລ , ຄະນະໂຄສະອົບຮົມສູນກາງພັກ ເຊິ່ງນໍາພາໂດຍ ສະຫາຍ ລິດສະໄໜ ເພັງສະຫວັນ ເລຂາຄະນະບໍລິຫານງານຊາວໜຸ່ມ ຄອສພ ພ້ອມດ້ວຍສະມາຊິກຊາວໜຸ່ມ ທົ່ວ ຄອສພ.
    ໃນພິທີ ທ່ານ ອາລຸນໄຊ ສູນນະລາດ ໄດ້ຍົກໃຫ້ເຫັນເຖິງ ປະຫວັດຄວາມເປັນມາ, ບົດບາດທີ່ຕັ້ງຍຸດທະຍາດ ແລະ ມູນເຊື້ອອັນອົງອາດກ້າຫານ ຂອງຊາວໜຸ່ມປະຊາຊົນປະຕິວັດລາວ ເຊິ່ງຕິດພັນກັບມູນເຊື້ອຂອງຊາດ ຂອງພັກ ນັບແຕ່ມື້ເລີ່ມສ້າງຕັ້ງໂດຍຜ່ານແຕ່ລະໄລຍະຈົນເຖິງປະຈຸບັນ. ຊາວໜຸ່ມປະຊາຊົນປະຕິວັດລາວ ໄດ້ສ້າງຜົນງານ, ສ້າງວິລະກຳແຫ່ງການຕໍ່ສູ້ກູ້ຊາດ ຕ້ານຈັກກະພັດຜູ້ຮຸກຮານ ຍອມເສຍສະຫຼະເລືອດເນື້ອ ຂອງຊາວໜຸ່ມລາວບັນດາເຜົ່າ, ທັບມ້າງແອກປົກຄອງ ແລະ ທຸກກົນອຸບາຍ ຂອງພວກລ່າເມືອງ ເພື່ອກອບກູ້ເອົາຜືນແຜ່ນດິນອັນຄົບຖ້ວນນໍາເອົາຄວາມເປັນເອກະລາດ ປະຊາທິປະໄຕ ມາສູ່ປວງຊົນລາວທັງຊາດ ຈົນເປັນທີ່ຮູ້ຈັກກັນໃນທົ່ວໂລກ.
    ໃນຕອນທ້າຍຂອງພິທີ ທ່ານ ອາລຸນໄຊ ສູນນະລາດ ຍັງໄດ້ເນັ້ນໜັກໃຫ້ສະມາຊິກຊາວໜຸ່ມເອົາໃຈໃສ່ຢ່າງຕັ້ງໜ້າປະ ຕິບັດຕາມ ເນື້ອໃນຂໍ້ແຂ່ງຂັນ 4 ບຸກ ຂອງຊາວໜຸ່ມ. ກ່ອນອື່ນຕ້ອງເຂົ້າໃຈຢ່າງເລິກເຊິ່່ງຕໍ່ເນື້ອໃນ ແລະ ຂໍ້ແຂ່ງຂັນດັ່ງ ກ່າວ, ເຂົ້າໃຈຕໍ່ສິດ, ພາລະບົດບາດ ຂອງຊາວໜຸ່ມ, ຍົກສູງນໍາໃຈຮັກຊາດອັນດູດດື່ມ, ພ້ອມກັນເຕົ້າໂຮມເປັນໜຶ່ງດຽວມີຄວາມສາມັກຄີເປັນປຶກແຜ່ນ, ມີຄຸນສົມບັດສິນທຳປະຕິວັດ, ມີຄວາມຫ້າວຫັນຕໍ່ການເຂົ້າຮ່ວມທຸກຂະບວນການ ຂອງວຽກງານຊາວໜຸ່ມ, ເອົາໃຈໃສ່ຕໍ່ວຽກງານປັບປຸງການຈັດຕັ້ງຂອງ ຄະນະຊາວໜຸ່ມໃຫ້ມີຄວາມໜັກແໜ້ນເຂັ້ມ ແຂງ ແລະ ມີຜົນສໍາເລັດອັນໃຫຍ່ຫຼວງກວ່າເກົ່າ.