• ຄະນະໂຄສະນາອົບຮົມສູນກາງພັກ ຕາງໜ້າໃຫ
  • ການພົບປະສອງຝ່າຍລະຫວ່າງ ຄະນະໂຄສະນາອ
  • ກະຊວງຊັບພະຍາກອນທຳມະຊາດ ແລະ ສິ່ງແວດ
  • ທ່ານ ສີປະເສີດ ແສນສະຫວັດ ຄະນະພັກ ຮອງຫ
  • ສະຫາຍ ສຈ ປອ ກິແກ້ວ ໄຂຄໍາພິທູນ ຄະນະເລ
ຄະນະໂຄສະນາອົບຮົມສູນກາງພັກ ຕາງໜ້າໃຫ້ລັດ....

ຄະນະໂຄສະນາອົບຮົມສູນກາງພັກ ຕາງໜ້າໃຫ້ລັດ....

ຄະນະໂຄສະນາອົບຮົມສູນກາງພັກ ຕາງໜ້າໃຫ້ລັດຖະບານ ຈັດພິທີປະດັບຫຼຽນໄຊແຮງງານຊັ້ນ I, ຊັ້ນ II &...
ການພົບປະສອງຝ່າຍລະຫວ່າງ ຄະນະໂຄສະນາອົບຮົມ..

ການພົບປະສອງຝ່າຍລະຫວ່າງ ຄະນະໂຄສະນາອົບຮົມ..

ການພົບປະສອງຝ່າຍລະຫວ່າງ ຄະນະໂຄສະນາອົບຮົມສູນກາງພັກ ແລະ ສະຖາບັນການເມືອງການປົກຄອງແຫ່ງຊາດ ສ.ສ ຫ...
ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ..

ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ..

ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຈັດພິທີປາຖະກະຖາວັນສ້າງຕັ້ງພັກປະຊາຊົນປະຕິວັດລາວ ຄົບຮ...
ທ່ານ ສີປະເສີດ ແສນສະຫວັດ ຄະນະພັກ ຮອງຫົວໜ້າ...

ທ່ານ ສີປະເສີດ ແສນສະຫວັດ ຄະນະພັກ ຮອງຫົວໜ້າ...

ທ່ານ ສີປະເສີດ ແສນສະຫວັດ ຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບການເຂົ້າຢ້ຽມ ຢາມ...
ສະຫາຍ ສຈ ປອ ກິແກ້ວ ໄຂຄໍາພິທູນ ຄະນະເລຂາທິການ...

ສະຫາຍ ສຈ ປອ ກິແກ້ວ ໄຂຄໍາພິທູນ ຄະນະເລຂາທິການ...

ສະຫາຍ ສຈ ປອ ກິແກ້ວ ໄຂຄໍາພິທູນ ຄະນະເລຂາທິການສູນກາງພັກ ເລຂາຄະນະພັກ ຫົວໜ້າຄະນະໂຄສະນາອົບຮົມສູນ...
Previous
Next

ຄະນະຜູ້ແທນຂັ້ນສູງຂອງພັກ ປປ ລາວ ເຂົ້າຮ່ວມກອງປະຊຸມສໍາມະນາທິດສະດີ...

ຄະນະຜູ້ແທນຂັ້ນສູງຂອງພັກ ປປ ລາວ

ເຂົ້າຮ່ວມກອງປະຊຸມສໍາມະນາທິດສະດີ 2 ພັກ ລາວ-ຫວຽດ​ນາມ ຄັ້ງ​ທີ VII ຢູ່ ສ​ສ ຫວຽດ​ນາມ.

ໂດຍປະຕິບັດຕາມແຜນການຮ່ວມມື ລະຫວ່າງ ພັກ ປປ ລາວ ແລະ ພັກກອມມູນິດຫວຽດ​ນາມ ປະຈໍາປີ 2019, ຄະນະຜູ້ແທນຂັ້ນສູງຂອງ ພັກ ປປ ລາວ

ນໍາໂດຍ ສະຫາຍ ​ສ​ຈ.ປອ. ​ກິ​ແກ້ວ ໄຂ​ຄຳ​ພິ​ທູນ, ເລ​ຂາທິ​ການ​ສູນ​ກາງ​ພັກ, ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ ປ​ປ ລາວ, ປະ​ທານ​ສະ​ພາ​ວິ​ທະ​ຍາ​ສາດ​ສັງ​ຄົມ​ແຫ່ງ​ຊາດ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມ ແລະ ເຂົ້າຮ່ວມກອງປະຊຸມສຳມະນາທິດສະດີ 2 ພັກ ລາວ-ຫວຽດ​ນາມ ຄັ້ງທີ VII ​ພາຍ​ໃຕ້​ຫົວ​ຂໍ້ “ການ​ກໍ່​ສ້າງ​ພັກ ແລະ ລະ​ບົບ​ການ​ເມືອງ​ໃນ​ສະ​ພາບ​ການ​ໃໝ່” ຢູ່​ແຂວງ ກວາ​ງ​ບິ່ງ, ສ​ສ​ ຫວຽດ​ນາມ ແຕ່ວັນທີ 28 ກໍລະກົດ-01 ສິງ​ຫາ 2019.

ໃນວັນທີ 29 ກໍລະກົດ 2019, ສະຫາຍ ສ​ຈ.ປອ. ​ກິ​ແກ້ວ ໄຂ​ຄຳ​ພິ​ທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ໄດ້ພົບປະ​ເຮັດ​ວຽກສອງຝ່າຍກັບ ສະຫາຍ ຫວໍ​ ວັນ​ ເຖືອງ, ກຳ​ມະ​ການ​ກົມ​ການ​ເມືອງສູນ​ກາງ​ພັກ, ເລ​ຂາ​ທິ​ການ​ສູນ​ກາງ​ພັກ, ຫົວ​ໜ້າ​ຄະ​ນະ​ໂຄ​ສະ​ນາ​ສຶ​ກ​ສາ​ສູນ​ກາງ​ພັກເຊິ່ງ ສະຫາຍ ​ຫວໍ ວັນ​ ເຖືອງ ໄດ້ສະແດງຄວາມຍິນດີຕ້ອນຮັບ ສະຫາຍ ​ສ​ຈ. ປອ. ກິ​ແກ້ວ​ ໄຂ​ຄຳ​ພິ​ທູນ ພ້ອມດ້ວຍຄະນະທີ່ໄດ້ເດີນທາງມາຢ້ຽມຢາມ ແລະ ເຂົ້າຮ່ວມກອງປະຊຸມສໍາມະນາທິດສະດີ 2 ພັກ ລາວ-ຫວຽ​ດ​ນາມ ໃນຄັ້ງນີ້, ພ້ອມທັງຕີລາຄາສູງຕໍ່ໝາກ​ຜົນ​ຂອງການພົວພັນຮ່ວມມືລະຫວ່າງສອງພັກ, ສອງ​ລັດ ແລະ ປະ​ຊາ​ຊົນ​ສອງ​ຊາດ ລາວ-ຫວຽດ​ນາມ ​ເຊິ່ງ​ນັບ​ມື້​ມີ​ບາດ​ກ້າວ​ຂະ​ຫຍາຍ​ຕົວ​   ໃໝ່​ຢ່າງ​ບໍ່​ຢຸດ​ຢັ້ງ ແລະ ສະ​ແດງ​ຄວາມ​ຊົມ​ເຊີຍ​ຕໍ່​ຜົນ​ສຳ​ເລັດ​ອັນ​ໃຫຍ່​ຫລວງ​ ທີ່​ປະ​ຊາ​ຊົນ​ລາວ​ຍາດ​ມາ​ໄດ້​ໃນ​ການ​ຈັດ​ຕັ້ງ​ປະ​ຕິ​ບັດ​ ມະ​ຕິ​ກອ​ງ​ປະ​ຊຸມ​ໃຫຍ່​ຄັ້ງ​ທີ X ຂອ​ງ​ພັກ ປ​ປ ລາວ ໄລ​ຍະ​ທີ່​ຜ່ານ​ມາ. ຈາກນັ້ນ ສະຫາຍ ​ສ​ຈ. ປອ. ກິ​ແກ້ວ​ ໄຂ​ຄຳ​ພິ​ທູນ ໄດ້ສະແດງຄວາມປິຕິຊົມຊື່ນຕໍ່ສາຍພົວພັນ ມິດຕະພາບອັນເປັນມູນເຊື້ອ, ​ຄວາມ​ສາ​ມັກ​ຄີ​ພິ​ເສດ ແລະ ການ​ຮ່ວມ​ມື​ຮອບ​ດ້ານ​ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດ​ນາມ ທີ່ໄດ້ຮັບການເພີ່ມພູນຄູນສ້າງ ​ທັງ​ທາງ​ກວ້າງ ແລະ ທາງ​ເລິກ, ພວມມີ​ບາດ​ກ້າວ​ຂະ​ຫຍາຍ​ຕົວ ສູ່​ລະ​ດັບ​ສູງ​ອັນ​ໃໝ່, ເຊິ່ງເປັນການປະກອບສ່ວນ​ສຳຄັນ ເຂົ້າໃນ​ພາລະກິດແຫ່ງການປົກປັກຮັກສາ ແລະ ສ້າງສາປະເທຊາດຂອງສອງປະເທດ ກໍ່ຄືເປັນການປະກອບສ່ວນເຂົ້າໃນສັນຕິພາບ, ການຮ່ວມມື ເພື່ອການພັດທະນາຢູ່ໃນພາກພື້ນ ແລະ ໃນໂລກ.  ການຈັດ​​ກອງ​ປະຊຸມສໍາ​ມະ​ນາທິດດສະ​ດີ​ລະຫວ່າງ​ສອງ​ພັກຄັ້ງ​ນີ້, ​ແມ່ນ​ເປັນການ​ສືບ​ຕໍ່​ເສີມ​ຂະຫຍາຍ ກົນ​ໄກ​ຂອງ​ການ​ຮ່ວມ​ມື​ທີ່​ມີ​ປະສິດທິ​ຜົນ ​ລະຫວ່າງ​ ພັກ ປະ​ຊາ​ຊົນ ປະ​ຕິ​ວັດລາວ ແລະ ພັກ​ກອມ​ມູ​ນິດ​ຫວຽດ​ນາມ ທັງ​ເປັນ​ການ​ປະຕິບັດຕາມ​ເນື້ອ​ໃນ​ຈິດ​ໃຈ ຂໍ້​ຕົກລົງ​ລະຫວ່າງ​ການ​ນຳ​ຂັ້ນ​ສູງ​ຂອງ​ສອງ​ພັກ ລາວ ແລະ ຫວຽດນາມ ​ໃນ​ດ້ານວຽກ​ງານ ​ແນວ​ຄິດ - ທິດ​ສະ​ດີ ​ແລະ ພຶດຕິ​ກໍາ. ພາຍຫຼັງສຳເລັດການພົບປະທັງສອງຝ່າຍແລ້ວ ສະຫາຍ ສ​ຈ.ປອ. ​ກິ​ແກ້ວ ໄຂ​ຄຳ​ພິ​ທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປປ ລາວພ້ອມດ້ວຍຄະນະໄດ້ເຂົ້າຢ້ຽມຄຳນັບ ສະຫາຍ ເຈິ່ນ ກວັກ ເວືອງ, ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກກອມມູນິດຫວຽດນາມ.

ໃນວັນທີ 30 ກໍລະກົດ 2019. ກອງ​ປະ​ຊຸມສໍາ​ມະ​ນາ​ທິດ​ສະ​ດີ ​ຄັ້ງ​ທີ VII​ ລະຫວ່າງ ພັກປະຊາຊົນ ປະຕິວັດລາວ ແລະ ພັກກອມມູນິດຫວຽດນາມ ໄດ້ດຳ​ເນີນພາຍ​ໃຕ້​ຫົວ​ຂໍ້ “ການ​ກໍ່​ສ້າງ​ພັກ ແລະ ລະ​ບົບ​ການ​ເມືອງ​ໃນ​ສະ​ພາບ​ການ​ໃໝ່”. ໃນກອງ​ປະ​ຊຸມ​, ສະ​ຫາຍ ຫວໍ້ ວັນ ເຖືອງ, ກໍາ​ມະ​ການ​ກົມ​ການ​ເມືອງ​ສູນ​ກາງ​ພັກ, ເລ​ຂາ​ທິ​ການ​ສູນ​ກາງ​ພັກ, ຫົວ​ໜ້າ​ຄະ​ນະ​ໂຄ​ສະ​ນາ​ສຶກ​ສາ​ສູນ​ກາງ​ພັກ ແລະ ສະ​ຫາຍ ກິແກ້ວ ໄຂຄໍາພິທູນ, ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາວິທະຍາສາດສັງຄົມແຫ່ງຊາດ ໄດ້​ຜັດ​ປ່ຽນກັນ​ກ່າວ​ຄຳ​ເຫັນ​ໂດຍ​ໄດ້​ເນັ້​ນ​ໜັກ​ກ່ຽວ​ກັບ ວຽກ​ງານດ້ານ​ທິດ​ສະ​ດີ ວິ​ທະ​ຍາ​ສາດ ເຊິ່ງ​ເປັນ​ການປະ​ກອບ​ສ່ວນ​ເພີ່ມ​ທະ​ວີຄວາມ​ສາ​ມາດ ໃນ​ການ​ນຳ​ພາ​ຂອງ​ແຕ່​ລະ​ພັກ​ ແລະ ປັບ​ປຸງ​ບູ​ລະ​ນະ  ລະ​ບົບ​ການ​ເມືອງ​ຢູ່​ສອງ​ປະ​ເທດ ໃຫ້​ໜັກ​ແໜ້ນ, ເຂັ້ມ​ແຂງ​ຍິ່ງໆ​ຂຶ້ນ ທັງ​ເປັ​ນໂອກາດອັນດີໃຫ້ແກ່ນັກຄົ້ນຄວ້າທິດສະດີ ຂອງສອງພັກ ໄດ້ແລກປ່ຽນຖອດຖອນບົດຮຽນນໍາກັນ ເພື່ອໝູນໃຊ້ເຂົ້າໃນການສ້າງສາພັດທະນາປະເທດຊາດ​ໃນ​ໄລ​ຍະ​ໃໝ່ ຂອງສອງພັກ, ສອງລັດຖະບານ ລາວ-​ຫວຽດ​ນາມ. ສະຫາຍ ສ​ຈ. ປອ. ກິ​ແກ້ວ​ ໄຂ​ຄຳ​ພິ​ທູນ ໄດ້ຊົມເຊີຍ ແລະ ຕີລາຄາສູງຕໍ່ຜົນສໍາເລັດອັນໃຫຍ່ຫຼວງ, ຮອບດ້ານ ທີ່ພັກ, ລັດຖະບານ ແລະ ປະຊາຊົນຫວຽດ​ນາມອ້າຍນ້ອງ ຍາດມາໄດ້ໃນການສ້າງສາພັດທະນາປະເທດຊາດ ພາຍໃຕ້ການນໍາພາອັນຖືກຕ້ອງຂອງພັກກອມມູນິດ​ຫວຽດ​ນາມ ທີ່ມີ ສະຫາຍ ​ຫງວຽນ ຟູ ຈ້ອງ, ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ​ແຫ່ງ ສ​ສ ຫວຽດ​ນາມ ເປັນຜູ້​ນຳ​ໜ້າ ເພື່ອ​ບັນ​ລຸ​ເປົ້າ​ໝາຍ ປະ​ເທດ​ຊາດ​ມັ່ງ​ຄັ່ງ​ເຂັ້ມ​ແຂງ, ປະ​ຊ​າ​ຊົນ ຫວຽດ​ນາມ ມີ​ຄວາມ​ຮັ່ງ​ມີ​ຜາ​ສຸກ, ປະ​ຊາ​ທິ​ປະ​ໄຕ, ຍຸດ​ຕິ​ທຳ ແລະ ສີ​ວິ​ໄລ, ໄດ້​ຕີ​ລາ​ຄາ​ຜົນ​ການ​ພົວ​ພັນ​ຮ່ວມ​ມື ທີ່​ນັບ​ມື້​ນັບ​ມີ​ປະ​ສິດ​ທິ​ຜົນ ລະ​ຫວ່າງ ລາວ-ຫວຽດ​ນາມ, ອັນ​ເປັນ​ການ​ປະ​ກອບ​ສ່ວນ​ເຂົ້າ​ໃນ​ພາ​ລະ​ກິດ ປົກ​ປັກ​ຮັກ​ສາ ແລະ ສ້າງ​ສາ​ພັດ​ທະ​ນາ​ຢູ່​ແຕ່​ລະ​ປະ​ເທດ.

ໃນໄລຍະຢູ່ຢ້ຽມຢາມ ແລະ ເຮັດວຽກທາງການຢູ່ ສສ ຫວຽດນາມ ນອກຈາກເຄື່ອນໄຫວຢ້ຽມຢາມຢູ່ ນະ​ຄອນ​ຫລວງ ຮ່າ​ໂນ້ຍ ແລ້ວ ຄະນະຍັງໄດ້ໄປຢ້ຽມຢາມພື້ນ​ຖານ​ການ​ຜະ​ລິດ​ຢູ່ແຂວງ ກວ່າງ​ບິ່ງ ເພື່ອຊອກຮູ້ສະພາບການພັດທະນາເສດຖະກິດ-ສັງຄົມ ກໍ່ຄືບົດຮຽນ​ໃນການກໍ່ສ້າງຮາກຖານພັກ, ລົບ​ລ້າງ​ຄວາມ​ທຸກ​ຍາກຢູ່ທ້ອງຖິ່ນດັ່ງກ່າວ.

 

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ເຊື່ອມຕໍ່ເວັບໄຊສ

ສົນທະນາແລກປ່ຽນຄຳເຫັນ

ແລກປ່ຽນຄຳຄິດເຫັນ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 35  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

1227239
ມື້ນີ້ມື້ນີ້82
ມື້ວານນີ້ມື້ວານນີ້103
ອາທິດນີ້ອາທິດນີ້54
ເດືອນນີ້ເດືອນນີ້2134
ທັງໝົດທັງໝົດ1227239