ຄອສພ ມອບເຄື່ອງໃຫ້ຄະນະໂຄສະນາອົບຮົມ...

ສ້າງຂື້ນເມື່ອ ວັນຈັນ, 06 ຕຸລາ 2014 07:22

 

ຄະນະໂຄສະນາອົບຮົມສູນກາງພັກມອບເຄື່ອງໃຫ້ຄະນະໂຄສະນາ ອົບຮົມແຂວງ ໄຊສົມບູນ.

 ເພື່ອຍົກສູງວຽກງານການເມືອງ-ແນວຄິດ, ມີຫຼາຍຮູບຫຼາຍສີ, ເວົ້າ ສະເພາະວຽກງານໂຄສະນາເຄື່ອນທີ່. ໃນຕອນບ່າຍຂອງວັນທີ 3 ເດືອນ ຕຸລາ 2014 ຄະນະ

ໂຄສະນາອົບຮົມສູນກາງພັກໄດ້ມອບ ເຄື່ອງໃຫ້ຄະນະໂຄສະນາອົບຮົມແຂວງໄຊສົມບູນ ແລະ ເມືອງຈຳ ນວນໜຶ່ງ, ພິທີມອບຮັບໄດ້ຈັດຂຶ້ນທີ່ຫ້ອງການປົກຄອງເມືອງ ອານຸວົງ.  ກ່າວມອບ ໂດຍ ທ່ານ ສີສຸກ ພິລາວົງ ຮອງເລຂາພັກຄະນະພັກ, ຮອງຫົວໜ້າຄະນະໂຄສະນາ

ອົບຮົມສູນກາງພັກ, ແລະ ກ່າວຮັບໂດຍທ່ານ ຮືທໍ່ ກຳມະການ ພັກແຂວງ, ຫົວໜ້າຄະນະໂຄສະນາ ອົບຮົມແຂວງໄຊສົມບູນ , ເຂົ້າຮ່ວມມີ ຫົວໜ້າຫ້ອງການໂຄສະນາ ອົບຮົມເມືອງຈຳນວນໜຶ່ງ. ເຄື່ອງທີ່ນໍາມາມອບ ໃນຄັ້ງນີ້ລວມມີ: ຄອມພິວເຕີ 1 ຊຸດ, ໂນດບຸກ, ໂປຣ ເຈັກເຕີ, ຜ້າສາຍໂປຣເຈັກ ເຕີ, ຕູ້ເຄື່ອນທີ່, ອຸປະກອນຫຼິ້ນກິລາ, ລວມມູນຄ່າ 19.000.000 ກີບເພື່ອ ນໍາໃຊ້ເຂົ້າໃນວຽກງານໂຄ ສະນາເຄື່ອນທີ່.