• ຄະນະໂຄສະນາອົບຮົມສູນກາງພັກ ຕາງໜ້າໃຫ
  • ກອງປະຊຸມໃຫຍ່ ຄັ້ງທີ I ຂອງໜ່ວຍພັກບໍານ
  • ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິກ
  • ການພົບປະສອງຝ່າຍລະຫວ່າງ ຄະນະໂຄສະນາອ
  • ທ່ານ ສຈ ປອ ກິແກ້ວ ໄຂຄຳພິທູນ ເລຂາທິກາ
  • ຄະນະໂຄສະນາອົບຮົມສູນກາງພັກ ໄດ້​ເປີດ
ຄະນະໂຄສະນາອົບຮົມສູນກາງພັກ ຕາງໜ້າໃຫ້ລັດ....

ຄະນະໂຄສະນາອົບຮົມສູນກາງພັກ ຕາງໜ້າໃຫ້ລັດ....

ຄະນະໂຄສະນາອົບຮົມສູນກາງພັກ ຕາງໜ້າໃຫ້ລັດຖະບານ ຈັດພິທີປະດັບຫຼຽນໄຊແຮງງານຊັ້ນ I, ຊັ້ນ II &...
ກອງປະຊຸມໃຫຍ່ ຄັ້ງທີ I ຂອງໜ່ວຍພັກບໍານານ.....

ກອງປະຊຸມໃຫຍ່ ຄັ້ງທີ I ຂອງໜ່ວຍພັກບໍານານ.....

ກອງປະຊຸມໃຫຍ່ ຄັ້ງທີ I ຂອງໜ່ວຍພັກບໍານານ ຄະນະໂຄສະນາອົບຮົມສູນກາງພັກ.    ...
ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ

ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ

ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ເຂົ້າຮ່ວມງ...
ການພົບປະສອງຝ່າຍລະຫວ່າງ ຄະນະໂຄສະນາອົບຮົມ..

ການພົບປະສອງຝ່າຍລະຫວ່າງ ຄະນະໂຄສະນາອົບຮົມ..

ການພົບປະສອງຝ່າຍລະຫວ່າງ ຄະນະໂຄສະນາອົບຮົມສູນກາງພັກ ແລະ ສະຖາບັນການເມືອງການປົກຄອງແຫ່ງຊາດ ສ.ສ ຫ...
ທ່ານ ສຈ ປອ ກິແກ້ວ ໄຂຄຳພິທູນ ເລຂາທິການສູນ..

ທ່ານ ສຈ ປອ ກິແກ້ວ ໄຂຄຳພິທູນ ເລຂາທິການສູນ..

ທ່ານ ສຈ ປອ ກິແກ້ວ ໄຂຄຳພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ເຂົ້າຮ່ວມພິ...
ຄະນະໂຄສະນາອົບຮົມສູນກາງພັກ ໄດ້​ເປີດ​ກອງ.

ຄະນະໂຄສະນາອົບຮົມສູນກາງພັກ ໄດ້​ເປີດ​ກອງ.

ຄະນະໂຄສະນາອົບຮົມສູນກາງພັກ ໄດ້​ເປີດ​ກອງ​ປະຊຸມແນະນຳ ການ​ປາຖະກະຖາ ກ່ຽວກັບ​ “ເມືອງວຽງໄຊ&...
Previous
Next

ກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ IX

ກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ IX ຂອງພັກ

ກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ IX ຂອງພັກ ປະຊາຊົນ ປະຕິວັດລາວ ໄດ້ດຳເນີນວັນທີ 17 ເຖິງວັນທີ 21 ມີນາ 2011 ທີ່ນະຄອນຫຼວງວຽງຈັນ, ມີຜູ້ແທນສົມບູນເຂົ້າຮ່ວມ 576 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກທັງໝົດ 191.780 ສະຫາຍ ໃນທົ່ວປະເທດ.

ກອງປະຊຸມໃຫ່ຍໄດ້ຄົ້ນຄວ້າຕົກລົງບັນຫາສຳຄັນຂອງພັກ ແລະ ຂອງຊາດ ພາຍໃຕ້ບັນຍາກາດເອົາການເອົາງານ, ສ້າງສັນ ທັງມີຄວາມສາມັກຄີ ເປັນເອກະພາບສູງ ແລະ ໄດ້ສິ້ນສຸດລົງດ້ວຍຜົນສຳເລັດອັນຈົບງາມ ຊຶ່ງສະແດງອອກດັ່ງນີ້:

ກອງປະຊຸມໃຫ່ຍໄດ້ຄົ້ນຄ້ວາຢ່າງເລິກເຊິ່ງ ແລະ ໄດ້ຮັບຮອງເອົາຢ່າງເປັນເອກະສັນ ລາຍງານການເມືອງຂອງຄະນະບໍລິຫານງານສູນກາງພັກ ສະໄໝທີ VIII ຕໍ່ກອງປະຊຸມໃຫ່ຍຄັ້ງທີ IX ສະເໜີໂດຍສະຫາຍ ຈູມມະລີ ໄຊຍະສອນ ເລຂາທິການໃຫ່ຍຄະນະບໍລິຫານງານສູນກາງພັກປະຊາຊົນ ປະຕິວັດລາວ, ກອງປະຊຸມໃຫ່ຍໄດ້ສະແດງຄວາມເຫັນດີເຫັນພ້ອມ ນຳການສະຫຼຸບຕີລາຄາຜົນການຈັດຕັ້ງປະຕິບັດ ມະຕິກອງປະຊຸມໃຫ່ຍຄັ້ງທີ VIII ເປັນຕົ້ນແມ່ນບັນດາຜົນງານອັນພົ້ນເດັ່ນທີ່ຍາດມາໄດ້ ໃນຂົງເຂດວຽກງານປ້ອງກັນຊາດ-ປ້ອງກັນຄວາມສະຫງົບ, ການພັດທະນາເສດຖະກິດສັງຄົມ, ການປັບປຸງບູລະນະລະບົບອຳນາດແຫ່ງລັດ, ວຽກງານແນວໂຮມ ແລະ ວຽກງານມະຫາຊົນຂອງພັກ, ວຽກງານການຕ່າງປະເທດ ແລະ ການເຊື່ອມໂຍງສາກົນ, ວຽກງານກໍ່ສ້າງພັກພະນັກງານ, ບັນດາຜົນສຳເລັດທີ່ບັນລຸໄດ້ ໃນ 5 ປີທີ່ຜ່ານມາ ໄດ້ສ້າງພື້ນຖານ ແລະ ທ່ວງທ່າໃໝ່ໃຫ້ແກ່ການສືບຕໍ່ຂະຫຍາຍຕົວຂອງປະເທດຊາດ ພວກເຮົາໄປຕາມທິດທາງ ແລະ ຈຸດໝາຍທີ່ວາງໄວ້.

ກອງປະຊຸມໃຫ່ຍໄດ້ປະກອບຄວາມເຫັນຢ່າງກົງໄປກົງມາກ່ຽວກັບ ຂໍ້ຄົງຄ້າງໃນການຊີ້ນຳນຳພາຂອງພັກ ຊຶ່ງໄດ້ເປັນສາເຫດພາໃຫ້ການຈັດຕັ້ງປະຕິບັດວຽກງານຈຸດສຸມ ໃນບາງດ້ານບໍບັນລຸຜົນສຳເລັດ ຕາມຄາດມາຍທີ່ວາງໄວ້, ເປັນຕົ້ນແມ່ນຂໍ້ຄົງຄ້າງ ກ່ຽວກັບການຊີ້ນຳ-ບັນຊາ ການຜັນຂະຫຍາຍເປັນແຜນງານ ແລະ ໂຄງການລະອຽດຂອງຂະແໜງການ ແລະ ທ້ອງຖິ່ນຈຳນວນໜຶ່ງ ຍັງຊັກຊ້າພາໃຫ້ເສຍເວລາ ໃນການເຮັດຕົວຈິງ ໂດຍສະເພາະແມ່ນ ດ້ານການພັດທະນາຊົນນະບົດ ຕິດພັນກັບການສົ່ງເສີມການຜະລິດສິນຄ້າ ເພື່ອແກ້ໄຂຄວາມທຸກຍາກຂອງຄອບຄົວ; ການເຕີບໂຕຂອງເສດຖະກິດຍັງບໍ່ໜັກແໜ້ນ ຍ້ອນຍັງອີງໃສ່ຂະແໜງການຂະໜາດໃຫ່ຍ ດ້ານການຂຸດຄົ້ນແຮ່ທາດ ແລະ ການສົ່ງອອກ ແຫຼ່ງຊັບພະຍາກອນທຳມະຊາດທີ່ເປັນວັດຖຸດິບເປັນຕົ້ນ: ການພັດທະນາຂົງເຂດສັງຄົມ ມີບາງດ້ານບໍ່ໄດ້ຕາມຄາດໝາຍ, ປະກົດການຫຍໍ້ທໍ້ໃນສັງຄົມທີ່ມີທ່າອ່ຽງເພີ່ມຂຶ້ນ... ກອງປະຊຸມໃຫ່ຍໄດ້ເລັ່ງທວງ ໃຫ້ດຳເນີນການແກ້ໄຂຂໍ້ຄົງຄ້າງ ທີ່ຜ່ານມາຢ່າງຈິງຈັງ ເພື່ອສ້າງການຫັນປ່ຽນຢ່າງຕັ້ງໜ້າຫຼາຍຂຶ້ນ ໃນການຈັດຕັ້ງປະຕິບັດແນວທາງຂອງພັກ.

ກອງປະຊຸມໃຫ່ຍໄດ້ໄຈ້ແຍກຢ່າງເລິກເຊິ່ງ ບັນດາສາເຫດທີ່ພາໃຫ້ເກີດມີຂໍ້ຄົງຄ້າງ, ຈາກນັ້ນໄດ້ຮັບຮອງເອົາຂໍ້ສະຫຼຸບທີ່ເປັນ ບົດຮຽນກ່ຽວກັບການນຳພາຈັດຕັ້ງປະຕິບັດແນວທາງຂອງພັກ ໃຫ້ມີຜົນສຳເລັດ ໂດຍຖືວ່າຂໍ້ສະຫຼຸບທີ່ເປັນບົດຮຽນທັງ 5 ຂໍ້ນັ້ນ ມີຄວາມໝາຍສຳຄັນພິເສດສຳລັບການສືບຕໍ່ຊີ້ນຳ-ນຳພາຂອງພັກເຮົາ ເວົ້າລວມກໍ່ຄືຄະນະພັກທຸກຂັ້ນ ແລະ ທຸກຂະແໜງການໃນທົ່ວປະເທດ. ຂໍ້ສະຫຼຸບເຫຼົ່ານັ້ນມີຄື:

1.    ການເພີ່ມທະວີຄວາມສາມັກຄີເປັນອັນໜຶ່ງອັນດຽວຂອງທົ່ວປວງຊົນລາວ ແລະ ຄວາມເປັນເອກະພາບພາຍໃນພັກ ເປັນປັດໃຈພື້ນຖານເພື່ອຮັບປະກັນສະຖຽນລະພາບທາງການເມືອງ, ມີແຕ່ເຮັດໄດ້ແນວນັ້ນຈຶ່ງຈະສ້າງສະພາບແວດລ້ອມທາງສັງຄົມທີ່ສະຫງົບປອດໄພ ແລະ ມີຄວາມເປັນລະບຽບຮຽບຮ້ອຍ ສຳລັບການປະຕິບັດສອງໜ້າທີ່ຍຸດທະສາດ ກໍຄືການເຊື່ອມໂຍງກັບສາກົນໃຫ້ບັນລຸຜົນສຳເລັດ.

2.    ການເພີ່ມທະວີບົດບາດ ແລະ ຄວາມສາມາດນຳພາຂອງພັກ ຢ່າງສົມຄູ່ຕໍ່ທຸກຂົງເຂດວຽກງານ ເປັນຕົ້ນແມ່ນການນຳພາຊີ້ນຳ ອົງການລັດໃນການຜັນຂະຫຍາຍແນວທາງ ແລະ ທິດທາງໜ້າທີ່ລວມຂອງພັກອອກເປັນແຜນງານ ໂຄງການລະອຽດຢ່າງຖືກຕ້ອງ ແລະ ທັນການທັງສອດຄ່ອງກັບຈຸດພິເສດ ແລະ ທ່າແຮງຂອງແຕ່ລະບ່ອນ, ໄປຄວບຄູ່ກັບກັານຮູ້ເສີມຂະຫຍາຍກຳລັງແຮງຂອງບັນດາພາກສ່ວນເສດຖະກິດ ແລະ ມູນເຊື້ອປະຊາຊົນບັນດາເຜົ່າ, ບັນດາຊັ້ນຄົນເຂົ້າຮ່ວມປະຕິບັດ. ອັນນີ້ແມ່ນເງື່ອນໄຂສຳຄັນແຫ່ງຜົນສຳເລັດຂອງການຈັດຕັ້ງປະຕິບັດແນວທາງຂອງພັກ.

3.    ການຊີນຳ-ບັນຊາຢ່າງເປັນເອກະພາບ ແລະ ແທດເຖິງຕົວຈິງຂອງຄະນະພັກແຕ່ລະຂັ້ນ ແລະ ແຕ່ລະຂະແໜງການ ບວກກັບການເອົາໃຈໃສ່ບຳລຸງສ້າງ ແລະ ເສີມຂະຫຍາຍຄວາມຮູ້ຄວາມສາມາດຂອງພະນັກງານ, ເຊີດຊູຄວາມເປັນແບຢ່າງນຳໜ້າສະມາຊິກພັກ, ພະນັກງານໃນການປະຕິບັດໜ້າທີ່ ດ້ວຍຄວາມຮັບຜິດຊອບສູງ, ອັນນີ້ແມ່ນສິ່ງຄ້ຳປະກັນໃຫ້ການຈັດຕັ້ງປະຕິບັດມະຕິ, ແນວທາງຂອງພັກມີຜົນສຳເລັດ.

4.    ການຫັນລົງຮາກຖານ, ຕິດແທດກັບກັບຕົວຈິງ, ດຳເນີນການຕິດຕາມກວດກາປະເມີນຜົນຢ່າງເປັນລະບົບປົກກະຕິຕໍ່ ແຕ່ລະບາດກ້າວຂອງການຈັດຕັ້ງປະຕິບັດ; ເບິ່ງບັນຫາຕາມຄວາມເປັນຈິງ ທັງມີຄວາມສະດຸ້ງໄວ ແລະ ມີຄວາມຕັດສີນໃຈສູງໃນການແກ້ໄຂ; ພ້ອມກັນນີ້ກໍດຳເນີນການຍ້ອງຍໍສັນລະເສີນ ແລະ ປະຕິບັດນະໂຍບາຍອັນເໝາະສົມທັນການ ຕໍ່ຜູ້ທີ່ເຮັດວຽກດີ-ມີຜົນງານຕົວຈິງແທ້, ດ້ານໜຶ່ງອີກກໍ່ຕ້ອງລົງວິໄນຕໍ່ຜູ້ທີ່ກະທຳຜິດຕາມສະຖານໜັກ ຫຼື ເບົາ ຢ່າງເດັດຂາດ ແລະ ທັນການ; ອັນນີ້ກໍ່ເປັນມາດຕະການອັນສຳຄັນຂອງການຈັດຕັ້ງປະຕິບັດແນວທາງຂອງພັກໃຫ້ມີຜົນສຳເລັດ.

5.    ການຢຶດໝັນແນວທາງການຕ່າງປະເທດ ສັນຕິພາບ, ເອກະລາດ, ມິດຕະພາບ ແລະ ການຮ່ວມມືຢ່າງສະເໝີຕົ້ນສະເໝີປາຍ ຕິດແໜ້ນກັບການເຊີດຊູຄວາມຕັ້ງໜ້າເປັນເຈົ້າການ ໃນການປັບປຸງພາຍໃນໃຫ້ມີຄວາມເຂັ້ມແຂງ, ສ້າງສະພາບແວດລ້ອມທີ່ອຳນວຍ, ທັງປະຕິບັດຄຳໝັ້ນສັນຍາທີ່ປະເທດເຮົາມີກັບຕ່າງປະເທດ. ອັນນີ້ແມ່ນປັດໄຈທີ່ຈຳເປັນ ແລະ ຂາດບໍ່ໄດ້ ສຳລັບການຮັກສາບົດບາດການເປັນຄູ່ຮ່ວມມືທີ່ໜ້າໄວ້ວາງໃຈຂອງພວກເຮົາ ຕໍ່ເພື່ອນມິດສາກົນ, ທັງເຮັດໃຫ້ພວກເຮົາສາມາດຍາດແຍ່ງກຳລັງແຮງຈາກພາຍນອກນັບມື້ນັບເພີ່ມຂຶ້ນ ສຳລັບການປະຕິບັດແນວທາງຂອງພັກ ໃຫ້ມີຜົນສຳເລັດ.

ບົນພື້ນຖານຜົນສຳເລັດອັນສຳຄັນ ໃນຫຼາຍດ້ານທີ່ຍາດມາໄດ້ໃນ 5 ປີທີ່ຜ່ານມາ, ກອງປະຊຸມໃຫ່ຍໄດ້ຢືນຢັນຄວາມຕັດສີນໃຈ ທີ່ຈະສືບຕໍ່ປະເທດຊາດກ້າວຂຶ້ນສູ່ຄວາມມັ່ງຄັ່ງເຂັ້ມແຂງ, ພາປະຊາຊົນໄປສູ່ຄວາມຮັ່ງມີຜາສຸກ, ແລະ ສ້າງສັງຄົມເຮົາໃຫ້ເປັນສັງຄົມສາມັກຄີປອງດອງ, ປະຊາທິປະໄຕ, ຍຸດຕິທຳ ແລະ ສີວິໄລເປັນກ້າວໆ ພາຍໃຕ້ຄຳຂວັນທີ່ເປັນທິດນຳລວມດັ່ງນີ້:” ເພີ່ມທະວີຄວາມສາມັກຄີເປັນປຶກແຜ່ນຂອງທົ່ວປວງຊົນລາວ ແລະ ຄວາມເປັນເອກະພາບພາຍໃນພັກ, ເຊີດຊູບົດບາດ ແລະ ຄວາມສາມາດນຳພາຂອງພັກ, ສ້າງບາດກ້າວບຸກທະລຸໃນການຈັດຕັ້ງປະຕິບັດແນວທາງປ່ຽນແປງໃໝ່, ສ້າງພື້ນຖານອັນໜັກແໜ້ນໃຫ້ການນຳ ເອົາປະເທດຊາດເຮົາຫຼຸດພົ້ນອອກຈາກຄວາມດ້ອຍພັດທະນາ ໃນປີ 2020 ແລະ ສືບຕໍ່ກ້າວຂຶ້ນຈຸດມາຍສັງຄົມນິຍົມ”.

ກອງປະຊຸມໃຫ່ຍໄດ້ເປັນເອກະພາບ ຮັບຮອງເອົາຄາດໝາຍໃຫ່ຍທີ່ສຳຄັນຈຳນວນໜຶ່ງ ເພື່ອສູ້ຊົນປະຕິບັດ ສຳລັບໄລຍະແຕ່ນີ້ເຖິງປີ 2015 ໃຫ້ເປັນຈິງດັ່ງນີ້:

1.    ສະຖຽນລະພາບທາງດ້ານການເມືອງມີຄວາມໜັກແໜ້ນ ບົນພື້ນຖານການປັບປຸງ ບູລະນະລະບອບປະຊາທິປະໄຕ ປະຊາຊົນ ທີ່ພັກເຮົາເປັນແກນນຳໃຫ້ມີຄວາມເຂັ້ມແຂງ, ໝັນຄົງ ແລະ ມີປະຊາທິປະໄຕ; ຄວາມເປັນປຶກແຜ່ນພາຍໃນຊາດ ແລະ ຄວາມສາມັກຄີປອງດອງລະຫວ່າງເຜົ່າ ມີຄວາມໜັກແໜ້ນ; ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍໂດຍພື້ນຖານ.

2.    ເສດຖະກິດແຫ່ງຊາດຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຍງ, ລວມຍອດມູນຄ່າຜະລິດຕະພັນພາຍໃນ (ຫຼື GDP) ເພີ່ມຂຶ້ນ 8% ຂຶ້ນໄປ ແຕ່ລະປີ ແລະ ເມື່ອຮອດປີ 2015 ລວມຍອດມູນຄ່າຜະລິດຕະພັນພາຍໃນສະເລ່ຍຕໍ່ຫົວຄົນບັນລຸ 1.700 ໂດລາສະຫະລັດ; ຫັນການພັດທະນາໄປຕາມທິດທີ່ຍືນຍົງດ້ວຍການສົມທົບຢ່າງກົມກຽວການພັດທະນາທາງດ້ານສັງຄົມ, ວັດທະນາທຳໄປສົມຄູ່ກັບການພັດທະນາທາງເສດຖະກິດ ແລະ ການຮັກສິ່ງແວດລ້ອມ, ດຳເນີນຍຸດທະສາດຫັນເປັນອຸດສະຫະກຳ ແລະ ຫັນເປັນທັນສະໄໝ.

3.    ເມື່ອຮອດປີ 2015 ອັດຕາສ່ວນຄອບຄົວທຸກຍາກໃຫ້ຍັງເຫຼືອບໍ່ເກີນ 10% ຂອງຈຳນວນຄອບຄົວໃນທົ່ວປະເທດ; ປະຕິບັດລະບອບການສຶກສາຊັ້ນປະຖົມພາກບັງຄັບໃຫ້ເປັນຈິງ ແລະ ໃຫ້ພົນລະເມືອງສ່ວນໃຫ່ຍມີລະດັບການສຶກສາຈົບມັດທະຍົມຕອນຕົ້ນ ແລະ ມີອາຍຸຍືນສະເລ່ຍ 68,3 ປີ; ບັນລຸເປົ້າໝາຍສະຫັດສະວັດດ້ານການພັດທະນາ (MDGs). ວັດທະນາທຳແຫ່ງຊາດຍັງຄົງຄຸນຄ່າອັນດີງາມ ແລະ ໄດ້ຮັບການສືບທອດ, ເສີມຂະຫຍາຍໃຫ້ອຸດົມຮັ່ງມີ.

4.    ສປປ ລາວມີເພື່ອມິດສາກົນຢ່າງກ້ວາງຂວາງ, ສາມາດເຂົ້າຮ່ວມໃນຂະບວນການວິວັດແຫ່ງການເຊື່ອມໂຍງພາກພື້ນ ແລະ ສາກົນໄດ້ເປັນເເຈົ້າການ, ທັງມີການປະກອບສ່ວນອັນຕັ້ງໜ້າໃນພາລະກິດສັນຕິພາບ, ມິດຕະພາບ ແລະ ການຮ່ວມມືພັດທະນາໃນພາກພື້ນ ແລະ ໃນໂລກ.

ກອງປະຊຸມໃຫ່ຍເຫັນເປັນເອກະພາບກັນວ່າ ຄາດມາຍທີ່ໄດ້ຮັບຮອງເອົານັ້ນແມ່ນສິ່ງຈຳເປັນພາວະວິໄສທີ່ຕ້ອງສູ້ຊົນ ປະຕິບັດໃຫ້ໄດ້ເພື່ອສ້າງພື້ນຖານໃຫ້ແກ່ການຫຼຸດພົ້ນອອກຈາກຄວາມດ້ອຍພັດທະນາໃນປີ 2020, ຫັນການພັດທະນາປະເທດໄປຕາມທິດເປັນອຸດສະຫະກຳ-ເປັນທັນສະໄໝ ແລະ ມີຄວາມໝັນຄົງຍືນຍົງ.

ກອງປະຊຸມໃຫ່ຍເລັ່ງທວງໃຫ້ນຳເອົານ້າທີ່ລວມແຫ່ງການບຸກທະລຸທັງ 4 ດ້ານນັ້ນ ເຂົ້າສູ່ພາກປະຕິບັດໂດຍໄວ ແລະ ໃຫ້ດຳເນີນໄປພ້ອມໆກັນຢ່າງກົມກຽວ ໂດຍມອບໃຫ້ຄະນະບໍລິຫານງານສູນກາງພັກ ແລະ ຄະນະພັກທຸກຂັ້ນນຳພາຊີ້ນຳ ປະຕິບັດຢ່າງເປັນທາງການ ເອກະພາບ ແລະ ແທດເຖິງຕົວຈິງ.

ກອງປະຊຸມຄົບຄະນະຄັ້ງປະຖົງມະລຶກຂອງຄະນະບໍລິຫານງານສູນກາງພັກ ສະໄໝທີ IX ໄດ້ເປັນເອກະສັນຢ່າງສົມບູນ ເລືອກຕັ້ງສະຫາຍຈູມມະລີ ໄຊຍະສອນ ເປັນເລຂາທິການໃຫ່ຍ ຄະນະບໍລິຫານງານສູນກາງພັກ ອີກສະໄໝໜຶ່ງ; ເລືອກຕັ້ງກຳມະການກົມການເມືອງປະກອບດ້ວຍ 11 ສະຫາຍ, ເລືອກຕັ້ງຄະນະເລຂາທິການສູນກາງພັກປະກອບດ້ວຍ 9 ສະຫາຍ, ເລືອກຕັ້ງສະຫາຍ ບຸນຍັງ ວໍລະຈິດ ເປັນຜູ້ປະຈຳການຄະນະເລຂາທິການສູນກາງພັກ ພ້ອມກັນນັ້ນກໍໄດ້ເລືອກຕັ້ງປະທານ, ຮອງປະທານຄະນະກວດກາສູນກາງພັກ.

 

 

 

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ເຊື່ອມຕໍ່ເວັບໄຊສ

ສົນທະນາແລກປ່ຽນຄຳເຫັນ

ແລກປ່ຽນຄຳຄິດເຫັນ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 54  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

1223644
ມື້ນີ້ມື້ນີ້28
ມື້ວານນີ້ມື້ວານນີ້105
ອາທິດນີ້ອາທິດນີ້105
ເດືອນນີ້ເດືອນນີ້1729
ທັງໝົດທັງໝົດ1223644