ເພສກົມອົບຮົມ

ກໍາມະບານຮາກຖານກົມອົບຮົມ ຄະນະໂຄສະນາອົບຮົມສູນກາງພັກ ໄດ້ຈັດຕັ້ງກອງປະຊຸມໃຫຍ່ຄັ້ງທີ II ຂອງຕົນຂຶ້ນໃນວັນທີ 26 ກັນຍາ ປີ 2024 ນີ້ ຢູ່ທີ່ຫ້ອງປະຊຸມຊັ້ນ 5 ຂອງຄະນະໂຄສະນາອົບຮົມສູນກາງພັກ ໂດຍການເປັນປະທານຂອງສະຫາຍ ຄໍາກອງ ທໍາມະເທວາ ກໍາມະການຄະນະພັກ ເລຂາໜ່ວຍພັກ ຫົວໜ້າກົມອົບຮົມ, ມີສະຫາຍ ວັນຕຸລາ ຣັກນຸດ ກໍາມະການຄະນະພັກ ປະທານຄະນະບໍລິຫານງານກໍາມະບານ ຄະນະໂຄສະນາອົບຮົມສູນກາງພັກ ຫົວການກົມຂໍ້ມູນຂ່າວສານ ແລະ ຝຶກອົບຮົມ, ສະຫາຍ ພູໄຊ ບຸນມີຈິດ ປະທານກໍາມະບານຮາກຖານກົມອົບຮົມ ພ້ອມດ້ວຍຜູ້ຕາງໜ້າຈາກກໍາມະບານຮາກຖານ ຄະນະໂຄສະນາອົບຮົມສູນກາງພັກ ແລະ ສະມາຊິກກໍາມະບານກົມອົບຮົມ ເຂົ້າຮ່ວມທັງໝົດ 28 ສະຫາຍ, ຍິງ 15 ສະຫາຍ. ສະຫາຍ ພູໄຊ ບຸນມີຈິດ ປະທານຮາກຖານກໍາມະບານກົມອົບຮົມ ໄດ້ຂຶ້ນຜ່ານບົດລາຍງານການເຄື່ອນ ໄຫວໃນໄລຍະ 5 ປີຜ່ານມາ , ເຊິ່ງຍົກໃຫ້ເຫັນເຖິງດ້ານດີ, ດ້ານອ່ອນ, ບາງບົດຮຽນທີ່ຖອດຖອນໄດ້ ນອກນັ້ນກໍໄດ້ວາງທິດທາງ, […]

ຜົນສໍາເລັດກອງປະຊຸມໃຫຍ່ ຄັ້ງທີ II ຂອງໜ່ວຍຊາວໜຸ່ມກົມອົບຮົມ ຄອສພ           ກອງປະຊຸມໃຫຍ່ ຄັ້ງທີ II ຂອງໜ່ວຍຊາວໜຸ່ມກົມອົບຮົມ ຄະນະໂຄສະນາອົບຮົມສູນກາງພັກ ໄດ້ໄຂຂຶ້ນໃນຕອນບ່າຍ ວັນພຸດ, ວັນທີ 28 ສິງຫາ 2024 ຢູ່ຫ້ອງປະຊຸມຊັ້ນ 5 ຄອສພ

  ຄະນະໂຄສະນາອົບຮົແຂວງບໍ່ແກ້ວສົມທົບກັບຄະນະໂຄສະນາອົບຮົມສູນກາງພັກຈັດຊຸດອົບຮົມການເມືອງ-ແນວຄິດຂຶ້ນໃນວັນທີ 29 ພຶດສະພາ 2024 ທີ່ໂຮງຮຽນມັດທະຍົມກຸ່ມບ້ານກ້ອນຕື່ນ ເມືອງປາກທາ ແຂວງບໍ່ແກ້ວ ພາຍໃຕ້ການເປັນປະທານ ຂອງສະຫາຍ ອຸ່ນແສງ ທຸນອິນໃຈ ຮອງຫົວໜ້າຄະນະໂຄສະນາອົບຮົມແຂວງບໍ່ແກ້ວ, ສະຫາຍ ນາງ ສຸກສະຫວັນ ອິນຄະວິໄລ ຮອງຫົວໜ້າກົມອົບຮົມ ຄະນໂຄສະນາອົບຮົມສູນກາງພັກ, ສະຫາຍ ຄໍາມູນ ສີຫານຸວົງ ກໍາມະການພັກເມືອງ ຜູ້ຊີ້ນໍາກຸ່ມບ້ານກ້ອນຕື່ນ ແລະ ພ້ອມດ້ວຍຄະນະຮັບຜິດຊອບຂອງຄະນະໂຄສະນາອົບຮົມສູນກາງພັກ, ຄະນະໂຄສະນາອົບຮົມແຂວງ ແລະ ເມືອງເຂົ້າຮ່ວມ; ຊຸດອົບຮົມຄັ້ງນີ້ປະກອບມີ: ຜູ້ຊົງຄຸນວຸດທິເຂົ້າຮ່ວມທັງໝົດ 44 ທ່ານ, ຍິງ 5 ທ່ານ. ເຊິ່ງໄດ້ນໍາໃຊ້ເອກະສານ 3 ບົດຄື: ບົດທີ1: ເສີມຂະຫຍາຍມູນເຊື້ອອັນສະຫງ່າລາສີຂອງປະຊາຊົນລາວບັນດາເຜົ່າ, ບົດທີ2: ບົດບາດ ແລະ ໜ້າທີ່ຂອງຜູ້ຊົງຄຸນວຸດທິບັນດາຊົນເຜົ່າ ແລະ ບົດທີ3: ເພີ່ມທະວີຄວາມສາມັກຄີເປັນປືກແຜນ ແລະ ຄວາມສະເໜີພາບຂອງປະຊາຊົນລາວບັນດາເຜົ່າ ທີ່ກົມອົບຮົມ ຄະນະໂຄສະນາອົບຮົມສູນກາງພັກ ເຂົ້າໃນການອົບຮົມວຽກງານການເມືອງ-ແນວຄິດໃຫ້ແກ່ຜູ້ຊົງຄຸນວຸດທິບັນດາຊົນເຜົ່າ. ຜ່ານການອົບຮົມການເມືອງ-ແນວຄິດເຫັນໄດ້ວ່າຜູ້ຊົງຄຸນວຸດທິບັນດາຊົນເຜົ່າ ໄດ້ມີຄວາມຮັບຮູ້-ເຂົ້າໃຈ […]

   ອົບຮົມວຽກງານ 3 ສ້າງ ແລະ ຊາຍແດນ ໃຫ້ແກ່ເລຂາໜ່ວຍ ພັກບ້ານ ແລະ ພະນັກງານຫຼັກແຫຼ່ງຢູ່ກຸ່ມບ້ານສົມບູນ ເມືອງພູວົງ ແຂວງອັດຕະປື  ໂດຍ: ສີ​ວອນ ຈັນ​ສຸລີ ໃນວັນທີ 21-23 ພຶດສະພາ 2024 ຄະນະໂຄສະນາອົບຮົມສູນກາງພັກ ຮ່ວມກັບ ຄະນະໂຄສະນາອົບຮົມແຂວງອັດຕະປື ໄດ້ລົງສົມທົບກັບຄະນະໂຄສະນາອົບຮົມເມືອງພູວົງ ຈັດຕັ້ງຊຸດອົບຮົມຄວາມຮູ້ພື້ນຖານດ້ານການເມືອງ-ການປົກຄອງ, ການສ້າງບ້ານພັດທະນາ​ ແລະ ອົບຮົມປະຊາຊົນລຽບຕາມຊາຍແດນ ຢູ່ກຸ່ມບ້ານສົມບູນ ໃຫ້ແກ່ເລຂາໜ່ວຍພັກບ້ານ, ນາຍບ້ານ, ຮອງນາຍບ້ານ; ຫົວໜ້າໜ່ວຍງານ ທີ່ມາຈາກ 4 ບ້ານ ແລະ ພະນັກງານຫຼັກແຫຼ່ງລົງກໍ່ສ້າງຮາກຖານການເມືອງ ຢູ່ກຸ່ມບ້ານສົມບູນ ໃຫ້ກຽດເປັນປະທານຮ່ວມຂອງ ສະຫາຍ ສີທົນ ຊາວພູວົງ ຮອງເລຂາພັກເມືອງ ເມືອງພູວົງ ຜູ້ຊີ້ນໍາວຽກງານການເມືອງ-ແນວຄິດ, ສະຫາຍ ຄຳກອງ ທໍາມະເທວາ ຄະນະພັກ ຫົວໜ້າກົມອົບຮົມ ຄະນະໂຄສະນາອົບຮົມສູນກາງພັກ, ສະຫາຍ ຄອນສະຫງ່າ ພິມມະສອນ ກໍາມະການພັກແຂວງ […]