ຄະນະໂຄສະນາອົບຮົມສູນກາງພັກ ແລະ ລັດວິສາຫະກິດຖືຮຸ້ນລາວສ້າງຂະບວນການຫຼີ້ນກິລາເຕະບານຕ້ອນຮັບກອງປະຊຸມໃຫຍ່ຄັ້ງທີ V ຂອງໜ່ວຍພັກລັດວິສາຫະກິດຖືຮຸ້ນລາວ
ໃນຕອນແລງວັນທີ 14 ມິຖຸນາ 2024 ຜ່ານມາທີ່ເດີນບານເຕະວິກຕໍຣີ ຫຼັກ4 ນະຄອນຫຼວງວຽງຈັນ, ໄດ້ຈັດການແຂ່ງຂັນເຕະບານມິດຕະພາບ ລະຫວ່າງ ທີມນັກກິລາຊາຍ ຄະນະໂຄສະນາອົບຮົມສູນກາງພັກ ກັບ ທີມກິລາລັດວິສາຫະກິດຖືຮຸ້ນລາວເພື່ອຕ້ອນຮັບກອງປະຊຸມໃຫຍ່ຂອງຕົນ, ໃຫ້ກຽດເຂົາຮ່ວມມີ ທ່ານ ປອ ຄຳມອນ ຈັນທະຈິດ ຮອງຫົວໜ້າຄະນະໂຄສະນາອົບຮົມ ພ້ອມດ້ວຍນັກກິລາ ເພື່ອເປັນການສ້າງຄວາມສາມັກຄີພາຍໃນພາຍນອກໃຫ້ ແໜ້ນແຟ້ນທັງເປັນການພັດທະນາຮ່າງກາຍໃຫ້ມີຄວາມແຂງແກ່ນ, ມີອາລົມຈິດທີ່ດີ ແລະ ມີສຸຂະພາບແຂງແຮງ ເພື່ອກຽມພ້ອມປະຕິບັດວຽກງານວິຊາສະເພາະໃຫ້ມີຄຸນນະພາບ ແລະ ສໍາເລັດຕາມລະດັບຄາດໝາຍທີ່ວາງໄວ້.
