ໃນວັນທີ 22 ກໍລະກົດ 2024 ຄະນະສື່ມວນຊົນລາວໄດ້ເດີນທາງໄປທັດສະນະສືກສາທີ່ ບ້ານວັດທະນະພັດທະນາຊົນນະບົດແບບໃໝ່ ແລະ ພິພິຕະພັນມໍລະດົກທາງວັດທະນະທຳຊ້າງຊານ ທີ່ມວນທົນປູ໋ຈຽງ, ເມືອງ ຈີນຮົວ, ແຂວງເຈີ້ຈຽງ ສປ ຈີນ ນໍາພາໂດຍຄະນະຮັບຜິດຊອບຂອງມະຫາວະທະຍາໄລສ້າງຄູເຈີ້ຈຽງ ແລະ ມີນັກສຳມະນາມາຈາກຫຼາຍປະເທດເຂົ້າຮ່ວມຢ່າງພ້ອມພຽງ.
ໃນພິທີ ໄດ້ຮັບຟັງການລາຍງານ ແລະ ຊົມວິດີໂອ ກ່ຽວກັບການພັດທະນາບ້ານວັດທະນະທຳແບບໃໝ່ຂອງສປ ຈີນ ເຊິ່ງເປັນໝູ່ບ້ານອັນເກົ່າແກ່ທີ່ເຕັມໄປດ້ວຍເອກະລັກວັດທະນະທຳ, ວິຖີການດໍາລົງຊີວິດຂອງປະຊາຊົນ ທີ່ຕັ້ງຢູ່ເຂດຕາເວັນອອກສຽງເໜືອຂອງ ມວນທົນປູ໋ຈຽງ, ເມືອງ ຈີນຮົວ, ແຂວງເຈີ້ຈຽງ ສປ ຈີນ (Pujiang, Jinhua, Zhejiang) ໝູ່ບ້ານວັດທະນະທຳແຫ່ງນີ້ເປັນໝູ່ບ້ານທີ່ມີຊື່ສຽງຂອງປະເທດ ແລະ ມີປະຫວັດສາດນັບຫຼາຍພັນປີ.
ຕອນບ່າຍຂອງວັນດຽວກັນຍັງໄດ້ໄປຢ້ຽມຊົມພິພິຕະພັນມໍລະດົກທາງວັດທະນະທຳຊ້າງຊານ ກ່ອນເຂົ້າສູ່ພິພິຕະພັນຄະນະໄດ້ນຳສະເໜີວິດີໂອປະຫວັດຄວາມເປັນມາ ແລະ ນຳພາເຮັດກິດຈະກຳການປັ້ນດິນແບບສະໄໝບູຮານຂອງຊ້າງຊານShangshan. ພ້ອມນັ້ນຍັງໄດ້ນໍຳພາຢ້ຽມຢາມຊົມແຫຼ່ງກໍຳເນີດຂອງວັດທະນະທໍາ Shangshan ເຊິ່ງເປັນວັດທະນະທໍາໃນການປູກເຂົ້າ ແລະ ການປູກຝັງຄັ້ງທໍາອິດໃນພາກໃຕ້ຂອງຈີນທີ່ມີຫຼັກຖານອ້າງອີງສະແດງໃຫ້ເຫັນວ່າບັນພະບຸລຸດສະໄໝປະຖົມບູຮານສ້າງຕັ້ງຊຸມຊົນເຮັດກະສິກໍາການ, ການສ້າງຖິ່ນຖານ ແລະ ການຂະຫຍາຍອານານິຄົມຂອງຄົນສະໄໝກ່ອນ ນອກຈາກນັ້ນຍັງໄດ້ຄົ້ນພົບຮອງຮອຍປະຫວັດສາດຕ່າງໆເຊັ່ນ: ເຄື່ອງປັ້ນດິນເຜົ່າ, ກະດູກຂອງຄົນບູຮານ, ກະດູກສັດ, ເຄື່ອງມືສິກະກໍາ, ເຄື່ອງມືການລ່າສັດ ແລະ ອື່ນໆອັນເປັນ ຫຼັກຖານທີ່ສຳຄັນເຖິງ ຕົ້ນກໍາເນີດຂອງເຂົ້າ 10.000 ປີ ທີ່ນອນຢູ່ໃນບັນຊີລາຍຊື່ມໍລະດົກໂລກທາງດ້ານວັດທະນະທຳ.
