ໃນຕອນເຊົ້າ ວັນທີ 6 ພະຈິກ 2024 ສະມາຊິກກຳມະບານຮາກຖານກົມກວດກາ ຄະນະໂຄສະນາອົບຮົມສູນກາງພັກ ໄດ້ເປີດກອງປະຊຸມໃຫຍ່ ຄັ້ງທີ I ຂອງຕົນຂຶ້ນຢູ່ຫ້ອງປະຊຸມຊັ້ນ 5 ພາຍໃຕ້ການເປັນປະທານຂອງ ສະຫາຍ ວັນຕຸລາ ຣັກນຸດ ກໍາມະການຄະນະພັກ, ປະທານສະຫະພັນກຳມະບານ ຄະນະໂຄສະນາອົບຮົມສູນກາງພັກ, ຫົວໜ້າກົມຂໍ້ມູນຂ່າວ ສານ ແລະ ຝຶກອົບຮົມ, ມີສະຫາຍ ສະຫວ່າງ ດາລະແສນ ເລຂາໜ່ວຍພັກ ວ່າການກົມກວດກາ , ສະຫາຍ ບຸນຊູ ວື່ ປະທານຄະນະກຳມະບານ ຮາກຖານກົມກວດກາ ມີຜູ້ຕາງໝ້າຄະນະກໍາມະບານຮາກຖານບັນດາກົມ ໃນທົ່ວຄະນະໂຄສະນາອົບຮົມສູນກາງພັກ ມີຜູ້ຕ່າງໜ້າ 3 ອົງການຈັດຕັ້ງມະຫາຊົນ ຂອງກົມກວດກາ ແລະ ສະມາຊິກກຳມະບານທັງໜົດພາຍໃນກົມ.
ໃນກອງປະຊຸມ ສະຫາຍ ບຸນຊູ ວື່ ປະທານຄະນະກໍາມະບານຮາກຖານກົມກວດກາ ໄດ້ຂຶ້ນກ່າວເປີດກອງປະຊຸມໃຫຍ່ ແລະ ຜ່ານບົດລາຍງານການເມືອງ ຕໍ່ກອງປະຊຸມໃຫຍ່ ຄັ້ງທີ I ຂອງສະມາຊິກກໍາມະບານຮາກຖານກົມກວດ ກາ ເຊິ່ງໄດ້ຍົກໃຫ້ເຫັນບັນດາຜົນງານ ການເຄື່ອນໄຫວວຽກງານ ໃນຕະຫຼອດໄລຍະ 5 ປີ ຜ່ານມາ, ດ້ານດີ, ດ້ານອອ່ນ ແລະ ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ທິດທາງແຜນການໃນຕໍ່ໜ້າ, ຫຼັງຈາກນັ້ນຄະນະກໍາມະບານຊຸດເກົ່າໄດ້ຂຶ້ນຜ່ານບົດສໍາຫຼວດການນໍາພາ ຕະຫຼອດໄລຍະ 5 ປີຜ່ານມາ ພ້ອມທັງອໍາລາໜ້າທີ່.
ກອງປະຊຸມໄດ້ບ່ອນບັດເລືອກຕັ້ງເອົາຄະນະກໍາມະບານຮາກຖານຊຸດໃໝ່ ເພື່ອສຶບຕໍ່ຊີ້ນໍາ-ນໍາພາ ວຽກງານກໍາມະບານໃຫ້ມີຜົນສໍາເລັດ ຜົນການບ່ອນບັດຄັດເລືອກເອົາຄະນະຊຸດໃໝ່ ແລະ ກອງປະຊຸມຄັ້ງປະຖົມມະລຶກ ໄດ້ເປັນເອກະພາບຄັດເລືອກເອົາຄະນະກໍາມະບານຮານຖານກົມກວດກາຊຸດໃໝ່ເຊິ່ງມີລາຍຊື່ດັ່ງນີ້:
- ສະຫາຍ ໄຊຍະວົງ ອຸດົມ ເປັນປະທານຄະນະກໍາມະບານຮາກຖານກົມກວດກາ.
- ສະຫາຍ ນ. ດວງມາລາ ຈັນທະວົງສາ ເປັນຮອງປະທານຄະນະກໍາມະບານຮາກຖານກົມກວດກາ.
- ສະຫາຍ ນ. ມິດຕະພອນ ແດງດວງດາລາ ເປັນຄະນະກໍາມະການທັງເປັນຜູ້ກວດກາ ກໍາມະບານຮາກຖານກົມ.
ໃນຕອນທ້າຍກອງປະຊຸມ ສະຫາຍ ວັນຕຸລາ ຣັກນຸດ ກໍາມະການຄະນະພັກ, ປະທານສະຫະພັນກໍາມະບານ ຄະນະໂຄສະນາອົບຮົມສູນກາງພັກ ໄດ້ໃຫ້ກຽດໂອ້ລົມ ເຊິ່ງກ່ອນອື່ນສະຫາຍໄດ້ສະແດງຄວາມຊົມເຊີຍ ຕໍ່ຜົນສໍາເລັດທີ່ຄະນະກໍາມະບານຮາກຖານກົມກວດກາ ຍາດມາໄດ້ໃນຫຼາຍດ້ານ ພ້ອມນັ້ນສະຫາຍຍັງໄດ້ເນັ້ນໜັກໃຫ້ຄະນະກໍາມະບານຊຸດໃໝ່ ຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງ ຕິດພັນກັບການປະຕິບັດເນື້ອໃນຂໍ້ແຂ່ງຂັ້ນ 5 ເປັນເຈົ້າ ທີ່ທາງສູນກາງສະຫະພັນກຳມະບານລາວວາງອອກເພື່ອການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ I ສໍາເລັດຜົນຕາມຄາດໝາຍທີ່ວາງໄວ້ທຸກປະການ.
ຂຽນໂດຍ: ສະຫາຍ ນ. ສີມອນ ກາຖະຍະລາດ.