ຂ່າວສານ ຄອສພ

ໃນວັນທີ 8 ພະຈິກ 2023 ຄະນະໂຄສະນາອົບຮົມສູນກາງພັກ ໄດ້ຈັດກອງປະຊຸມເຊື່ອມຊຶມມະຕິກອງປະຊຸມຄົບຄະນະກາງສະໄຫມຂອງຄະນະບໍລິຫານງານສູນກາງພັກສະໄຫມທີ XI ໃຫ້ແກ່ພະນັກງານຫຼັກແຫຼ່ງ ທົ່ວຄອສພ ຢູ່ທີ່ ຫ້ອງປະຊຸມໃຫຍ່ ຫຼັກ6 ໂດຍໃຫ້ກຽດເປັນປະທານຂອງ ທ່ານ ປອ ຄໍາພັນ ເຜີຍຍະວົງ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ ຊຶ່ງກອງປະຊຸມຄັ້ງນີ້ໄດ້ເຊື່ອມຊຶມ 4 ເອກະສານສໍາຄັນເປັນຕົ້ນເອກະສານມະຕິກອງປະຊຸມຄົບຄະນະກາງສະໄຫມຂອງຄະນະບໍລິຫານງານສູນກາງພັກ ສະໄຫມທີ XI, ເອກະສານແຜນພັດທະນາ-ເສດຖະກິດສັງຄົມແຫ່ງຊາດ 5 ປີຄັ້ງທີ IX ໄລຍະເຄິ່ງສະໄຫມ ຕິດພັນກັບການປະຕິບັດສອງວາລະແຫ່ງຊາດ, ເອກະສານບົດໂອ້ລົມຂອງສະຫາຍ ທອງລຸນ ສີສຸລິດ ເລຂາທິການໃຫຍ່ ຕໍ່ກອງປະຊຸມຄົບຄະນະກາງສະໄຫມຂອງຄະນະບໍລິຫານງານສູນກາງພັກ ສະໄຫມທີ XI, ການຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານໃນການນໍາພາຂອງພັກ ແລະ ເອກະສານແຜນກະກຽມກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ຄະນະໂຄສະນາອົບຮົມສູນກາງພັກ.

ໃນຕອນບ່າຍ ຂອງວັນທີ 6 ພະຈິກ 2023 ທ່ານ ປອ ຄໍາພັນ ເຜີຍຍະວົງ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດ ສະດີສູນກາງພັກ ໄດ້ໃຫ້ສໍາພາດຕໍ່ກົມຮູບເງົາ ກະຊວງຖະແຫຼ່ງຂ່າວ, ວັດທະນະທໍາ ແລະ ທ່ອງທ່ຽວ ເນື່ອງໃນໂອກາດກະກຽມພິທີສະເຫຼີມສະຫລອງວັນຄ້າຍວັນ ເກີດ ຂອງປະທານ ຄໍາໄຕ ສີພັນດອນ ທີ່ຈະມາເຖີງນີ້ ຢູ່ທີ່ ຄະນະໂຄສະນາອົບຮົມສູນກາງພັກ; ເຊິ່ງທ່ານໄດ້ກ່າວວ່າ: ຂ້າພະເຈົ້າສຸດທີ່ພາກພູມໃຈ ໃນເມື່ອກ່ອນໄດ້ເປັນເລຂາຮັບໃຊ້ ປະທານ ຄໍາໄຕ ສີພັນດອນ ເປັນເວລາ 10 ກວ່າປີ, ຊຶ່ງໄດ້ຮໍ່າຮຽນເອົາແບບແຜນວິທີເຮັດວຽກ ແລະ ແບບແຜນດໍາລົງຊີວິດອັນປະເສີດ ຂອງປະທານ ຄໍາໄຕ ສີພັນດອນ ແລະ ໄດ້ຈາລຶກໄວ້ໃນດວງໃຈ ຂອງຂ້າພະເຈົ້້າຕະຫຼອດມາ.

ໃນຕອນເຊົ້າຂອງ ວັນທີ 23 ຕຸລາ 2023 ຫ້ອງການ ຄະນະໂຄສະນາອົບຮົມສູນກາງພັກ ສົມທົບກັບ ກົມຂໍ້ມູນຂ່າວສານ ແລະ ຝຶກອົບຮົມ ຈັດພິທີເປີດຊຸດຝຶກອົບຮົມນໍາໃຊ້ລະບົບຫ້ອງການທັນສະໄໝ (E-Office) ຂຶ້ນທີ່ ຫ້ອງປະຊຸມໃຫຍ່ ຄະນະໂຄສະນາອົບຮົມສູນກາງພັກ ໃຫ້ກຽດເປັນປະທານໂດຍ ທ່ານ ນາງ ວິລະວອນ ພັນທະວົງ ຄະນະປະຈໍາພັກ ຮອງຫົວໜ້າຄະນະໂຄສະນາອົບຮົມສູນກາງພັກ; ເຂົ້້າຮ່ວມມີ: ທ່ານ ນາງ ວັນນະພາ ພົມມະທັນສີຮອງຫົວໜ້າສູນບໍລິຫານລັດດິຈີຕ່ອນ ກະຊວງເຕັກໂນໂລຊີ ແລະ ການສື່ສານ ພ້ອມດ້ວຍຄະນະ, ຫົວໜ້າພະແນກ, ຮອງພະແນກ ແລະ ພະນັກງານວິຊາການ ຕາງໜ້າຈາກບັນດາກົມ ພາຍໃນ ຄອສພ ເຂົ້າຮ່ວມທັງໝົດ 29 ທ່ານ.

ໃນວັນທີ 19 ຕຸລາ 2023 ຄະນະຮັບຜິດຊອບຊຸດຮຽນທິດສະດີການເມືອງຂັ້ນຕົ້ນ ຮຸ່ນທີ 1 ຄະນະໂຄສະນາອົບຮົມສູນກາງພັກ ໄດ້ຈັດກິດຈະກຳກິລາບານເຕະ ຢູ່ ເດີນບານເຕະຂອງກົມໃຫຍ່ພາລາທິການກອງທັບ ໂດຍການໃຫ້ກຽດເຂົ້າຮ່ວມຂອງ ທ່ານ ລາວປາວຊົ່ງ ນະວົງໄຊ, ກໍາມະການສູນກາງພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ມີບັນດາຄະນະຮັບຜິດຊອບຊຸດຮຽນຊຸດຮຽນທິດສະດີການເມືອງຂັ້ນຕົ້ນ ຮຸ່ນທີ 1 ຄະນະໂຄສະນາອົບຮົມສູນກາງພັກ ພ້ອມດ້ວຍນັກສຶກສາທັງໝົດເຂົ້າຮ່ວມຢ່າງຟົດຟື້ນ. ໃນການຈັດກິດຈະກຳກິລາໃນຄັ້ງນີ້ ແມ່ນນອນຢູ່ໃນຫຼັກສູດການຮຽນທິດສະດີການເມືອງຂັ້ນຕົ້ນ ເພື່ອໃຫ້ນັກສຶກສາໄດ້ມີການຜ່ອນຄາຍຈາກການຄົ້ນຄວ້າຮໍ່າ ຮຽນ ທັງເປັນການອອກກໍາລັງກາຍເພື່ອສຸຂະພາບທີ່ດີ ແລະ ເປັນການຮັດແໜ້ນຄວາມສາມັກຄີຮັກແພງ ລະຫວ່າງນັກສຶກສາດ້ວຍກັນ ແລະ ຄະນະຮັບຜິດຊອບຊຸດຮຽນ.

ໃນຕອນເຊົ້າ ຂອງວັນທີ 17 ຕຸລາ 2023 ຄະນະໂຄສະນາອົບຮົມສູນກາງພັກ ຮ່ວມກັບສະຖານເອກອັກຄະລັດຖະທູດ ສສ ຫວຽດນາມ ປະຈໍາ ສປປລາວ ຈັດປາ ຖະກະຖາພາຍໃຕ້ຫົວຂໍ້: ຜົນສໍາເລັດອັນພົ້ນເດັ່ນ ຂອງພັກກອມມູນິດຫວຽດນາມ ໃນການນໍາພາປະເທດຊາດກ້າວຂຶ້ນສັງຄົມນິຍົມ ແລະ ນະໂຍບາຍຕ່າງປະເທດໃນເງື່ອນໄຂປັດຈຸບັນ; ໃຫ້ກຽດເຂົ້າຮ່ວມມີ: ທ່ານ ລາວປາວຊົ່ງ ນະວົງໄຊ ກໍາມະການສູນກາງພັກ ຮອງເລຂາຄະນະພັກ ຮອງຫົວໜ້າຄະນະໂຄສະນາອົບຮົມສູນ ກາງພັກ, ມີບັນດາຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ຮອງລັດຖະມົນຕີບັນດາກະຊວງ-ອົງການອ້ອມຂ້າງສູນກາງພັກ, ຫົວໜ້າກົມ, ຮອງຫົວ ໜ້າກົມ, ຫົວໜ້າພະແນກ, ຮອງຫົວໜ້າພະແນກ, ຄະນະໂຄສະນາອົບຮົມເມືອງ, ນະຄອນຫຼວງ ແລະ ພະນັກງານວິຊາການທັງໝົດ ພາຍໃນ ຄອສພ ເຂົ້າຮ່ວມຢ່າງພ້ອມພຽງ.