ກົມສັງລວມ ເປີດຊຸດຝຶກອົບຮົມວຽກງານສັງລວມ-ຫາງສຽງສັງຄົມ ທີ່ແຂວງ ຊຽງຂວາງ.
ໃນລະຫວ່າງ ວັນທີ 28-29 ມິຖຸນາ 2021 ຜ່ານມາ, ກົມສັງລວມ ຄະນະໂຄສະນາອົບຮົມສູນ ກາງພັກ ໄດ້ສົມທົບກັບຄະນະໂຄສະນາອົບຮົມແຂວງ ຊຽງຂວາງ ຈັດຊຸດຝຶກອົບຮົມວຽກງານສັງລວມ-ຫາງສຽງສັງຄົມ ໃຫ້ແກ່ພະນັກງານບັນດາພະແນກການ, ກົມກອງອ້ອມຂ້າງແຂວງ, ຊຶ່ງຈັດຂຶ້ນທີ່ຫ້ອງປະ ຊຸມຂອງຫ້ອງວ່າການແຂວງ ພາຍໃຕ້ການເປັນປະທານຂອງທ່ານ ຄອນສະມຸດ ບຸນແພງພັນ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ.
ຊຸດຝຶກອົບຮົມຄັ້ງນີ້ ມີນັກສໍາມະນາກອນເຂົ້າຮ່ວມທັງຫມົດ 32 ທ່ານ, ຍິງ 04 ທ່ານ, ເອກະສານທີ່ນຳມາຝຶກອົບຮົມໃນຄັ້ງນີ້ມີປຶ້ມຄູ່ມືໃຫ້ແກ່ນັກຝຶກອົບຮົມ ຈຳນວນ 4 ບົດ, ເອກະສານກ່ຽວກັບວຽກງານຫາງ ສຽງສັງຄົມ ຈຳນວນ 3 ບົດ ແລະ ວຽກງານຄົ້ນຄ້ວາສັງລວມ 1 ບົດ
ຈຸດປະສົງຂອງການຝຶກອົບຮົມຄັ້ງນີ້ ແມ່ນເພື່ອເຮັດໃຫ້ນັກຝຶກອົບຮົມ ມີຄວາມຮັບຮູ້, ເຂົ້າໃຈ ກ່ຽວກັບວຽກງານຄົ້ນຄວ້າ-ສັງລວມ ແລະ ການເກັບກຳສະພາບແນວຄິດ-ຫາງສຽງສັງຄົມ, ຮັບຮູ້ພາລະ ບົດບາດ, ຫນ້າທີ່, ຄວາມຮັບຜິດຊອບຂອງຜູ້ຮັບຜິດຊອບວຽກງານຕິດຕາມ, ເກັບກຳສະພາບແນວຄິດ-ຫາງສຽງສັງຄົມ ແລະ ນຳໃຊ້ຫາງສຽງສັງຄົມເຂົ້າໃນວຽກງານການເມືອງ-ແນວຄິດ;ພາຍຫຼັງສຳເລັດການຝຶກອົບຮົມຈະເຮັດໃຫ້ຜູ້ເຂົ້າຮ່ວມຝຶກອົບຮົມສາມາດນຳເອົາບົດຮຽນທີ່ໄດ້ໄປນຳໃຊ້ໃນການຈັດຕັ້ງປະຕິບັດວຽກງານຕິດຕາມ, ເກັບກຳສະພາບແນວຄິດ-ຫາງສຽງສັງຄົມ ແລະ ວຽກງານສັງລວມໄດ້ດີຂຶ້ນກວ່າເກົ່າ; ໃຫ້ກຽດມອບໃບຢັ້ງຢືນໃຫ້ແກ່ນັກຝຶກອົບຮົມ ແລະ ໂອ້ລົມໂດຍທ່ານ ໜໍບີ ຫາຕົງປາວ, ຮອງເລຂາພັກແຂວງ, ຜູ້ຊີ້ນຳວຽກງານການເມືອງ-ແນວຄິດ.
