Day: April 7, 2025

ເຊີນຊວນພໍ່ແມ່ພີ່ນ້ອງ ປະຊາຊົນລາວບັນດາເຜົ່າ, ນັກທ່ອງທ່ຽວ ທັງພາຍໃນ ແລະ ຕ່າງປະເທດ ເຂົ້າຮ່ວມກິດຈະກໍາງານສະເຫຼີມສະຫຼອງບູນປີໃໝ່ລາວ ປະຈໍາປີ ພສ 2568 ທີ່ເຂດເສດຖະກິດພິເສດສາມຫຼ່ຽມຄໍາ ແຂວງບໍ່ແກ້ວ ເຊິ່ງຈະຈັດຂຶ້ນໃນວັນພຸດ ທີ 9 ເມສາ 2025 ໃນວາລະກິດຈະກໍາງານດັ່ງກ່າວ ຈະມີພິທີໃສ່ບາດຕາມປະເພນີ ໂດຍມີພຣະສົງ ຈໍານວນ 29 ອົງ ຢູ່ທີ່ຂົວສ່ວນສາທາລະນະແກ້ວມະນີຕະຫຼາດນໍ້າ ເລີ່ມເວລາ 6:30 ນາທີ, ຫຼັງຈາກນັ້ນ ຈະຈັດພິທີບາສີສູ່ຂວັນ ແລະ ຊົມສິລະປະການສະແດງ, ຟ້ອນລໍາວົງລາວ ພ້ອມທັງ ຫົດນໍ້າ ອວຍພອນເຊິ່ງກັນ ແລະ ກັນ ຢ່າງເບິກບານມ່ວນຊື່ນ.  ນອກຈາກນັ້ນ, ຈະມີການສະແດງດົນຕີ, ສະແດງສິລະປະ ແລະ ຫົດນໍ້າ ຕະຫຼອດເທດສະການປີໃໝ່ລາວ ໃນລະຫວ່າງວັນທີ 9-16 ເມສາ 2025 ທີ່ເຂດເສດຖະກິດພິເສດສາມຫຼ່ຽມຄໍາ