ໃນຕອນບ່າຍຂອງວັນທີ 28 ພະຈິກ 2025 ຄະນະໂຄສະນາອົບຮົມສູນກາງພັກໄດ້ຈັດພິທີປະດັບຫຼຽນກາລະນຶກ 50 ປີວັນສະຖາປະນາ ສປປ ລາວໃຫ້ແກ່ ພະນັກງານລັດຖະກອນ ປະຈຳການ ແລະ ບຳນານທີ່ຂື້ນກັບ ຄະນະໂຄສະນາອົບຮົມສູນກາງພັກ ໃຫ້ກຽດເປັນປະທານໂດຍ ສະຫາຍ ຄຳພັນ ເຜີຍຍະວົງ ຄະນະເລຂາທິການການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກ ເຂົ້າຮ່ວມມີ: ຄະນະປະຈຳພັກ, ຄະນະບໍລິຫານງານພັກຄະນະໂຄສະນາອົບຮົມສູນກາງພັກ, ບັນດາກົມ, ທຽບເທົ່າກົມເຂົ້າຮ່ວມຢ່າງພ້ອມພຽງ.
ສໍາເລັດພິທີອົບຮົມວຽກງານການເມືອງ-ແນວຄິດ ໃຫ້ແກ່ຄູ-ອາຈານ ສອນວິຊາສັງຄົມ-ການເມືອງ ພາຍໃນເມືອງເລົ່າງາມ ແຂວງສາລະວັນ. ໃນວັນທີ 28-29 ສິງຫາ 2025 ນີ້ ຄະນະໂຄສະນາອົບຮົມສູນກາງພັກ (ກົມອົບຮົມ) ໄດ້ຮ່ວມກັບຄະນະໂຄສະນາອົບຮົມແຂວງສາລະວັນ ເປີດຊຸດອົບຮົມວຽກງານການເມືອງ-ແນວຄິດ ໃຫ້ຄູ-ອາຈານສອນວິຊາສັງຄົມ-ການເມືອງ ຢູ່ເມືອງເລົ່າງາມ ທີ່ສະໂມສອນໂຮງຮຽນມັດທະະຍົມສົມບູນເລົ່າງາມ ໂດຍການເປັນທານຂອງສະຫາຍ ຈັນສະໜອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນໂຄສະນາອົບຮົມແຂວງສາ ລະວັນ, ມີສະຫາຍ ຄໍາກອງ ທໍາມະວາ ກໍາມະການ ຄະນະພັກ ຫົວໜ້າກົມອົບຮົມ ຄະນະໂຄສະນາອົບຮົມສູນກາງພັກ, ສະຫາຍ ສັງວານ ສາຍແສງ ຮອງເລຂາພັກເມືອງ ຜູ້ຊີ້ນໍາວຽກງານການເມືອງ-ແນວຄິດ ຫົວໜ້າຄະນະຈັດຕັ້ງເມືອງເລົ່າງາມ ພ້ອມດ້ວຍນັກສໍາມະນາກອນອ້ອມຂ້າງເມືອງເລົ່າງາມເຂົ້າຮ່ວມຢ່າງພ້ອມພຽງ.
ລັດຖະທຳມະນູນ ແຫ່ງ ສປປ ລາວ ແມ່ນກົດຫມາຍພື້ນຖານຂອງຊາດ ທີ່ຫັນເອົາແນວທາງປ່ຽນແປງໃຫມ່ຢ່າງຮອບດ້ານທີ່ມີຫລັກການຂອງພັກ ມາເປັນເນື້ອໃນພື້ນຖານ ເຊິ່ງໄດ້ກຳນົດແຈ້ງລະບອບການເມືອງ, ລະບອບເສດຖະກິດ-ສັງຄົມ, ກົງຈັກການຈັດຕັ້ງລັດປະຊາທິປະໄຕປະຊາຊົນ, ການປ້ອງກັນຊາດ-ປ້ອງກັນຄວາມສະຫງົບ, ສິດ ແລະ ພັນທະຂອງພົນລະເມືອງ, ພາສາ, ຕົວອັກສອນ, ເຄື່ອງຫມາຍຊາດ, ເພງຊາດ, ສະກຸນເງິນ ແລະ ນະຄອນຫລວງປະເທດ.
ເພື່ອສະເຫຼີມສະຫຼອງວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 75 ປີ (13/8/1950-13/8/2025) ຕິດພັນກັບເຫດການພາຍຫຼັງທີ່ມີການໂອນເອົາ 5 ພາກສ່ວນວຽກງານຖະແຫຼງຂ່າວ ຈາກກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ໃນໄລຍະເມື່ອບໍ່ດົນຜ່ານມານີ້ ເຊິ່ງ 1 ໃນ 5 ພາກສ່ວນນັ້ນ ກໍຄືກົມສື່ມວນຊົນ ທີ່ເຮັດບົດບາດຄຸ້ມຄອງສື່ປະເພດຕ່າງໆ ທັງສື່ແບບເກົ່າ ແລະ ສື່ແບບໃໝ່ ເຊິ່ງກົມສື່ມວນຊົນ ມີພາລະບົດບາດ ໜ້າທີ່ ໃນການຄຸ້ມຄອງ ແລະ ບໍລິການສື່ມວນຊົນ ກໍຄືການຄຸ້ມຄອງຜະລິດຕະພັນສື່ມວນຊົນ ແລະ ພັດທະນາເຕັກໂນໂລຊີຖະແຫຼງຂ່າວ ແລະ ສື່ມວນຊົນ ລວມທັງຂໍ້ມູນ-ຂ່າວສານ, ອິນເຕີເນັດ ແລະ ດາວທຽມ.
ກົມອົບຮົມຈັດຕັ້ງຂະບວນການແຂ່ງຂັນວຽກງານວິຊາສະເພາະ ປະຈໍາປີ 2025 ໃນຕອນເຊົ້າວັນທີ 5 ສິງຫາ 2025 ທີ່ຜ່ານມາ ກົມອົບຮົມໄດ້ຈັດຕັ້ງຂະບວນການແຂ່ງຂັນເຮັດວຽກງານວິຊາສະເພາະຂອງກົມ ປະຈໍາປີ 2025 ຊຸດທີ 1 ຂຶ້ນ ທີ່ຫ້ອງປະຊຸມຊັ້ນ 2 ຂອງຄະນະໂຄສະນາອົບຮົມສູນກາງພັກ ໂດຍການເປັນປະທານຂອງສະຫາຍນາງ ສຸກສະຫວັນ ອິນຄະວິໄລ ຮອງຫົວໜ້າກົມອົບຮົມ, ມີບັນດາຫົວໜ້າພະແນກ, ຮອງຫົວໜ້າພະແນກ ແລະ ພະນັກງານວິຊາການເຂົ້າຮ່ວມທັງໜົດ 17 ສະຫາຍ, ຍິງ 9 ສະຫາຍ. ການແຂ່ງຂັນດັ່ງກ່າວຈັດຂຶ້ນໃນຮູບແບບສໍາມະນາວິທະຍາສາດພາຍໃຕ້ຫົວຂໍ້ “ສ້າງການຫັນປ່ຽນຢ່າງແຂງແຮງວຽກງານໂຄສະນາອົບຮົມໄປສູ່ຄຸນນະພາບໃໝ່”, ຈຸດປະສົງແມ່ນແນ່ໃສ່ຍົກລະດັບຄວາມຮູ້, ຄວາມເຂົ້າໃຈກ່ຽວກັບທິດສະດີ, ແນວທາງນະໂຍບາຍຂອງພັກ, ລັດ, ຄວາມສາມາດ ໃນການຂຽນບົດສໍາມະນາວິທະຍາສາດ ຂອງບັນດາພະນັກງານຂັ້ນພະແນກ ແລະ ວິຊາການ ແລະ ເພື່ອເປັນການແລກປ່ຽນບົດຮຽນເຊິ່ງກັນ ແລະ ກັນທັງເປັນການສ້າງພະນັກງານສືບທອດໃຫ້ເປັນລະບົບ ແລະ ສືບຕໍ່ຖອດຖອນບົດຮຽນ ເພື່ອປູທາງໄປສູ່ການສືບຕໍ່ເປີດຂະບວນການແຂ່ງຂັນຊຸດທີ 2 ໃນຫົວຂໍ້: “ຮໍ່າຮຽນເອົາແບບ ແຜນວິທີເຮັດວຽກຂອງປະທານ ໄກສອນ ພົມວິຫານ” […]
