ຂ່າວສານ ຄອສພ

ໃນວັນທີ 18-19 ສິງຫາ 2026 ທີ່ຜ່ານມາ ສະຫາຍ ປອ. ຄໍາມອນ ຈັນທະຈິດ, ກຳມະການສໍາຮອງສູນກາງພັກ, ຮອງຫົວໜ້າຄະນະໂຄສະນາ ອົບຮົມສູນກາງພັກ, ຮອງປະທານສະພາທິດສະດີສູນກາງພັກຜູ້ປະຈຳການ ພ້ອມດ້ວຍຄະນະ ລົງເຄື່ອໄຫວວຽກງານຢູ່ແຂວງຫຼວງພະບາງ ເພື່ອເປັນການເກັບກຳຂໍ້ມູນໃຫ້ແກ່ການກະກຽມເນື້ອໃນ ເພື່ອເຂົ້າຮ່ວມກອງປະຊຸມສໍາມະນາທິດສະດີລະຫວ່າງສອງພັກ ລາວ-ຈີນ ຄັ້ງທີ XIV ທີ່ຈະຈັດຂຶ້ນຢູ່ ສປ. ຈີນ ພາຍໃຕ້ ຫົວຂໍ້: “ບົດຮຽນການຫັນເປັນຕົວເມືອງ ແລະການຄຸ້ມຄອງຕົວເມືອງ ໃນການສ້າງສັງຄົມນິຍົມ ໃຫ້ຫັນເປັນທັນສະໄໝ, ບົດຮຽນ ຂອງລາວ ແລະຈີນ” ໃນທ້າຍເດືອນພະຈິກ 2026 ນີ້ ໃຫ້ຮັບປະກັນທາງດ້ານເນື້ອໃນ, ຂໍ້ມູນ ເພື່ອເປັນບ່ອນອີງໃນການຂຽນບົດໃນຫົວຂໍ້ຍ່ອຍຕ່າງໆ. ນອກຈາກນັ້ນຍັງໄດ້ຮັບຟັ່ງບົດລາຍງານໂດຍສັງເຂບ ກ່ຽວກັບວຽກງານການພັດທະນາຕົວເມືອງຂອງແຂວງຫຼວງພະບາງ ໃນໄລຍະຜ່ານມາ.

ຫ້ອງການ ຄະນະໂຄສະນາອົບຮົມສູນກາງພັກ ຮ່ວມກັບ ຄະນະໂຄສະນາອົບຮົມແຂວງໄຊຍະບູລີ ໄດ້ຈັດຊຸດຝຶກອົບຮົມວຽກງານສັງລວມ-ຫາງສຽງສັງຄົມ ຄັ້ງທີ III ໃຫ້ຄະນະຮັບຜິດຊອບ ແລະ ເພື່ອນຮ່ວມງານ ຢູ່ແຂວງໄຊຍະບູລີ. ພິທີດັ່ງກ່າວໄດ້ຈັດຂຶ້ນໃນວັນທີ 18-19  ສິງຫາ 2026 ທີ່ຫ້ອງປະຊຸມຫ້ອງວ່າການແຂວງ, ພາຍໃຕ້ການເປັນປະທານ ພ້ອມທັງໃຫ້ກຽດຮັບຟັງ, ກ່າວເປີດ-ກ່າວປິດຊຸດຝຶກອົບຮົມ ຂອງສະຫາຍ ເພັງນິລັນ ຄຳພັນເພັງ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ປະທານສະພາປະຊາຊົນແຂວງ; ໃຫ້ກຽດເປັນວິທະຍາກອນ ຂອງສະຫາຍ ບຸນເພັງ ຈັນທະດາລາ ກໍາມະການພັກ, ຫົວໜ້າຫ້ອງການ ຄະນະໂຄສະນາອົບຮົມສູນກາງພັກ ພ້ອມດ້ວຍທີມງານ; ມີບັນດາສະຫາຍກຳມະການພັກແຂວງ, ຄະນະປະຈໍາສະພາປະຊາຊົນແຂວງ, ຫົວໜ້າ-ຮອງຫົວໜ້າພະແນກການ, ຫົວໜ້າ-ຮອງຫົວໜ້າກອງບັນຊາການ ປກຊ-ປກສ ແຂວງ, ບັນດາສະຫາຍ ຮອງເລຂາຄະນະບໍລິຫານພັກເມືອງ, ຫົວໜ້າຄະນະໂຄສະນາອົບຮົມ 11 ເມືອງ ພາຍໃນແຂວງໄຊຍະບູລີ (ນັກສໍາມະນາກອນ) ແລະ ພະນັກງານຫຼັກແຫຼ່ງ ຂອງຄະນະໂຄສະນາອົບຮົມແຂວງ ເຂົ້າຮ່ວມທັງໝົດ ຈໍານວນ 80 ສະຫາຍ, ຍິງ 22 ສະຫາຍ. […]

ວິທະຍຸກະຈາຍສຽງແຫ່ງຊາດລາວ ຫຼື ວສລ ຈັດກອງປະຊຸມເຜີຍແຜ່ເຊື່ອມຊຶມມະຕິເລກທີ 04/ກມສພ ວ່າດ້ວຍການສ້າງເສດຖະກິດເອກກະລາດ ເປັນເຈົ້າຕົນເອງໃນໄລຍະໃໜ່, ເລົ່າມູນເຊື້ອວັນສ້າງຕັ້ງສື່ມວນຊົນລາວ ຄົບຮອບ 76 ປີ, ເຜີຍແຜ່ມະຕິກອງປະຊຸມວຽກງານສື່ມວນຊົນທົ່ວປະເທດ ຄັ້ງທີ I ແລະ ມະຕິກອງປະຊຸມໃຫຍ່ຄັ້ງທີ IX ຂອງຄະນະພັກຮາກຖານ ວສລ ໃນໂອກາດວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ທີ 13 ສິງຫາ ຄົບຮອບ 66 ປີ ຈັດຂຶ້ນໃນຕອນບ່າຍວັນທີ 20 ສິງຫາ 2026 ໂດຍການໃຫ້ກຽດເຂົ້າຮ່ວມເປັນປະທານ ແລະ ເຜີຍແຜ່ມະຕິ 04/ກມສພ ຂອງທ່ານ ສາຄອນ ພົມມະລາດ ຄະນະປະຈຳພັກ,ປະທານກວດກາພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ຜູ້ຊີ້ນຳ ວສລ, ມີທ່ານ ວຽງວັດທະນາ ຊະນະພານ ກຳມະການຄະນະພັກຄະນະໂຄສະນາອົບຮົມສູນກາງພັກ, ເລຂາຄະນະພັກຮາກຖານ ວສລ, ທ່ານນາງ ສິມມະນີ ແກ້ວແກ່ນ ຜູ້ອຳນວຍໃຫຍ່ ວສລ ພ້ອມດ້ວຍສະມາຊິກພັກ, ພະນັກງານ ວສລ […]