ຂ່າວສານ ຄອສພ

ກອງປະຊຸມຄົບຄະນະກາງສະໄໝຂອງ ຄະນະບໍລິຫານງານພັກ ຄະນະໂຄສະນາອົບຮົມສູນກາງພັກ ສະໄໝທີ V. ໃນວັນທີ 17 ກໍລະກົດ 2023 ຄະນະໂຄສະນາອົບຮົມສູນກາງພັກ ໄດ້ເປີດກອງປະຊຸມຄົບຄະນະກາງສະໄໝຂອງຄະນະບໍລິຫານງານພັກ ຄະນະໂຄສະນາອົບຮົມສູນກາງພັກສະໄໝທີ V ຂຶ້ນທີ່ ຫ້ອງປະຊຸມໃຫຍ່ (ຫຼັກ 6) ພາຍໃຕ້ການເປັນປະທານ ຂອງ ສະຫາຍ ຄຳພັນ ເຜີຍຍະວົງ ເລຂາທິການສູນກາງພັກ ເລຂາຄະນະພັກ ຫົວໜ້າຄະນະໂຄສະນາອົບຮົມສູນກາງພັກ; ເຂົ້າຮ່ວມ: ຄະນະປະຈໍາພັກ, ຄະນະບໍລິຫານງານພັກ, ເລຂາໜ່ວຍພັກ, ຄະນະໜ່ວຍພັກ, ຜູ້ຕາງໜ້າຄະນະຈັດຕັ້ງສູນ ກາງພັກ, ຄະນະກວດກາສູນກາງພັກ, ຫົວໜ້າກົມ, ຮອງຫົວໜ້າກົມ. ໃຫ້ກຽດກ່າວເປີດກອງປະຊຸມໂດຍສະຫາຍ ລາວປາວຊົ່ງ ນະວົງໄຊ ກໍາມະການສູນກາງພັກ ຮອງເລຂາຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ. ໃນກອງປະຊຸມຄັ້ງນີ້ ຈະໄດ້ພ້ອມກັນເຊື່ອມຊຶມເນື້ອໃນເອກະສານຈໍານວນໜຶ່ງເຊັ່ນ: ຄໍາສັ່ງຂອງຄະນະເລຂາທິການສູນກາງພັກ, ສະບັບເລກທີ 268/ຄລສພ, ຄໍາແນະນໍາຂອງຄະນະຈັດຕັ້ງສູນກາງພັກ, ມະຕິຂອງກົມການເມືອງສູນກາງພັກ ສະບັບເລກທີ 030/ກມສພ ແລະ ມາດຕະຖານຄະນະບໍລິຫານງານພັກກະຊວງ-ອົງການ; ສິດ ແລະ ໜ້າທີ່ຂອງຄະນະພັກ […]

ຄະນະໂຄສະນາອົບຮົມສູນກາງພັກ ອອກແຮງງານອານາໄມສໍານັກງານ ແລະ ປູກຕົ້ນໄມ້ ເພື່ອຂໍ່ານັບຮັບຕ້ອນກອງປະຊຸມກາງສະໄໝຂອງຄະນະບໍລິຫານງານພັກ ຄອສພ. ໃນຕອນເຊົ້່າຂອງວັນທີ 14 ກໍລະກົດ 2023, ຄະນະໂຄສະນາອົບຮົມສູນກາງພັກ ອອກແຮງງານອະນາໄມລວມສໍານັກງານ ແລະ ປູກຕົ້ນໄມ້ ເພື່ອຂໍ່ານັບຮັບຕ້ອນກອງປະຊຸມກາງສະໄໝຂອງຄະນະບໍລິຫານງານພັກ ຄອສພ ເຊິ່ງຈະໄດ້ຈັດຂຶ້ນໃນມໍ່ໆນີ້; ໃຫ້ກຽດນໍາພາ ໂດຍທ່ານ ລາວປາວຊົ່ງ ນະວົງໄຊ ກໍາມະການສູນ ກາງພັກ ຮອງເລຂາຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ; ເຂົ້້າຮ່ວມມີ: ທ່ານ ນາງ ວິລະວອນ ພັນທະວົງ ຄະນະປະຈໍາພັກ ຮອງຫົວໜ້າຄະນະໂຄສະນາອົບຮົມສູນກາງພັກ, ມີ ຄະນະພັກ, ຫົວໜ້າກົມ, ຮອງຫົວໜ້າກົມ, ຫົວໜ້າພະແນກ, ຮອງພະແນກ ແລະ ພະນັກງານໃນທົ່ວ ຄອສພ ເຂົ້້າຮ່ວມຢ່າງເປັນຂະບວນຟົດຟື້ນ. ການອອກແຮງງານລວມຄັ້ງນີ້ແມ່ນ ເພື່ອອະນາໄມ, ຕັດຫຍ້າ, ຕົບແຕ່ງສວນດອກໄມ້ ເພື່ອສ້າງຄວາມສະອາດຈົບງາມຕ້ອນຮັບກອງປະຊຸມກາງສະໄໝຂອງ ຄະນະບໍລິຫານງານພັກ ຄະນະໂຄສະນາອົບຮົມສູນກາງພັກ ທີ່ຈະໄຂຂຶ້ນໃນມໍ່ໆນີ້, ທັງເປັນການຮັດແໜ້ນຄວາມສາມັກຄີພາຍໃນຂອງພະນັກງານລັດຖະກອນທັງໝົດໃຫ້ເປັນຈິດໜຶ່ງໃຈດຽວກຽມພ້ອມກ້າວເຂົ້າສູ່ກອງປະຊຸມກາງສະໄໝຂອງຕົນດ້ວຍຈິດໃຈຟົດຟື້ນປະຕິວັດ.

ຄະນະຊ່ຽວຊານຈາກວາລະສານກົ້ງສານ ເຂົ້າຢ້ຽມຂ່ຳນັບການນຳ ຄອ​ສ​ພ ແລະ ມອບເຄື່ອງຊ່ວຍເຫຼືອໃຫ້ແກ່ວາລະສານ ອະລຸນໃໝ່ ​    ໃນວັນທີ 05 ກໍລະກົດ 2023 ນີ້ ທີ່ຄະນະໂຄສະນາອົບຮົມສູນກາງພັກ (ຄອ​ສ​ພ), ຄະນະຊ່ຽວຊານຈາກວາລະສານກົ້ງສານ ນຳໂດຍ ສະຫາຍ ເລຫ່າຍ ຄະນະບັນນາທິການ ຫົວໜ້າກົມວາລະສານເອເລັກໂຕຣນິກ ຂອງວາລະສານກົ້ງສານ

ກອງປະຊຸມສະຫຼຸບວຽກງານກວດກາປະຈໍາປີ 2022 ແລະ ແຜນການປະຈໍາປີ 2023 ຂອງຄະນະໂຄສະນາອົບຮົມສູນກາງພັກ. ໃນຕອນເຊົ້າຂອງວັນທີ 29 ມິຖຸນາ 2023 ຄະນະໂຄສະນາອົບຮົມສູນກາງພັກ ໄດ້ຈັດກອງປະຊຸມສະຫຼຸບວຽກງານກວດກາປະຈໍາປີ 2022 ແລະ ແຜນການປະຈໍາປີ 2023 ຂຶ້ນທີ່ ຫ້ອງປະຊຸມໃຫຍ່ ຫຼັກ6 ພາຍໃຕ້ການເປັນປະທານຮ່ວມຂອງ ທ່ານ ລາວປາວຊົ່ງ ນະວົງໄຊ ກໍາມະການສູນກາງພັກ ຮອງເລຂາຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ ແລະ ທ່ານ ນາງ ວິລະວອນ ພັນທະວົງ ຄະນະປະຈໍາພັກ ປະທານກວດກາ ຄອສພ ຮອງຫົວໜ້າຄະນະໂຄສະນາອົບຮົມສູນກາງພັກ; ເຂົ້າຮ່ວມມີ: ຄະນະພັກ, ຫົວໜ້າກົມ, ຮອງຫົວໜ້າກົມ, ຫົວໜ້າພະແນກ, ຮອງຫົວໜ້າພະແນກ ແລະ ພະນັກງານທົ່ວ ຄອສພ ເຂົ້າຮ່ວມຢ່າງພ້ອມພຽງ. ໃນພິທີ ທ່ານ ອານົງສັກ ອິນທະວົງ ຄະນະພັກ ຮອງປະທານກວດກາຄະນະພັກ ຫົວໜ້າກົມຈັດຕັ້ງພະນັກງານ ໄດ້ຂຶ້ນຜ່ານບົດແນະນໍາ ສະບັບເລກທີ 192/ຄກສພ, […]

ພິທີເປີດຝຶກອົບຮົມວຽກງານໂຄສະນາອົບຮົມ 7 ແຂວງພາກເໜືອປະຈໍາປີ 2023. ຄະນະໂຄສະນາອົບຮົມສູນກາງພັກ ໄດ້ເປີດຝຶກອົບຮົມວຽກງານໂຄສະນາອົບຮົມ 7 ແຂວງພາກເໜືອປະຈໍາປີ 2023 ຂຶ້ນໃນຕອນເຊົ້າຂອງວັນທີ 19 ມິຖຸນາ 2023, ທີ່ ແຂວງ ອຸດົມໄຊ ໂດຍໃຫ້ກຽດເຂົ້າຮ່ວມເປັນຄະນະປະທານຂອງ ສະຫາຍ ລາວປາວຊົ່ງ ນະວົງໄຊ, ກຳມະການສູນກາງພັກ, ຮອງຫົວໜ້າຄະນະໂຄສະ ນາອົບຮົມສູນກາງພັກ, ສະຫາຍ ບັນດິດ ສຈ. ບໍ່ວຽງຄໍາ ວົງດາລາ ກໍາມະການສູນກາງພັກ, ເລຂາຄະນະພັກ, ລັດຖະມົນຕີກະຊວງເຕັກໂນໂລຊີ ແລະ ການສື່ສານ ແລະ ສະຫາຍ ຄຳພຽງ ຢາຈົງວາ ຮອງເລຂາພັກແຂວງ, ຜູ້ຊີ້ນຳວຽກງານການເມືອງ-ແນວຄິດ ແລະ ວຽກງານພັກ-ພະນັກງານ, ມີພະນັກງານຈາກສູນກາງ, ຄູອາ ຈານ ແລະ ບັນດາພະນັກງານໂຄສະນາອົບຮົມ ທີ່ມາຈາກແຂວງ ແລະ ເມືອງໃນ 7 ແຂວງພາກເໜືອ. ຈຸດປະສົງເພື່ອຍົກລະດັບຄວາມຮູ້ ຄວາມສາມາດທາງດ້ານວຽກວິຊາສະເພາະໃຫ້ແກ່ພະນັກງານໂຄສະນາອົບຮົມທົ່ວປະເທດເພື່ອ “ສ້າງການຫັນປ່ຽນດ້ານຈິນຕະ ນາການ, […]