ກອງປະຊຸມປະກອບຄຳເຫັນຕໍ່ຮ່າງລາຍງານການເມືອງ, ຮ່າງແຜນພັດ ທະ ນາວຽກງານໂຄສະນາອົບຮົມ, ຮ່າງບົດສໍາຫຼວດການນໍາພາລວມຂອງ ຄະນະບໍລິຫານງານພັກ ຄອສພ ສະໄໝທີ V ແລະ ທາບທາມບຸກຄະລາກອນທີ່ຈະສະໝັກເຂົ້າເປັນຄະນະບໍລິຫານງານພັກ ຄອສພ ສະໄໝທີ VI (ຮອບ II).
ໃນຕອນເຊົ້າວັນທີ 13 ພຶດສະພາ 2026 ຄະນະໂຄສະນາອົບຮົມສູນກາງພັກ ໄດ້ຈັດກອງປະຊຸມປະກອບຄຳເຫັນໃສ່ຮ່າງລາຍງານການເມືອງ, ແຜນພັດທະນາວຽກງານໂຄສະນາອົບຮົມ, ບົດສຳຫຼວດການນຳພາລວມຂອງ ຄະນະບໍລິຫານງານພັກ ຄອສພ ສະໄໝທີ V ແລະ ທາບທາມບຸກຄງະລາກອນທີ່ຈະສະໝັກເຂົ້າເປັນຄະນະບໍລິຫານງານພັກ ສະໄໝທີ VI ອົງຄະນະພັກຄະນະໂຄສະນາອົບຮົມສູນກາງພັກ ຂຶ້ນທີ່ຫ້ອງປະຊຸມໃຫຍ່ ຄະນະໂຄສະນາອົບຮົມສູນກາງພັກ; ໂດຍໃຫ້ກຽດເປັນປະທານກອງປະຊຸມ ໂດຍສະຫາຍ ຄຳພັນ ເຜີຍຍະວົງ ກໍາມະການກົມການເມືອງສູນກາງພັກ, ເລຂາຄະນະພັກ, ຫົວໜ້າຄະນະໂຄສະນາອົບຮົມສູນກາງພັກ ເຂົ້າຮ່ວມມີ: ຮອງເລຂາຄະນະພັກ, ຄະນະບໍລິຫານງານພັກ, ຄະນະພັກຮາກ ຖານ, ຄະນະໜ່ວຍພັກ ແລະ ຜູ້ແທນສົມບູນ, ສໍາຮອງ ເຂົ້າຮ່ວມ.
