ໜ່ວຍພັກກົມຂໍ້ມູນຂ່າວສານ ແລະ ຝຶກອົບຮົມ ຈັດກອງປະຊຸມສະຫຼຸບຕີລາຄາປະເມີນສະມາຊິກພັກ ແລະ ໜ່ວຍພັກປອດໃສ, ເຂັ້ມແຂງ, ຫນັກແໜ້ນ ປະຈໍາປີ 2024.
ໃນຕອນເຊົ້າວັນທີ 11ພະຈິກ 2024 ຫນ່ວຍພັກກົມຂໍ້ມູນຂ່າວສານ ແລະ ຝຶກອົບຮົມ ໄດ້ຈັດກອງປະຊຸມສະຫລຸບຕີລາຄາປະເມີນສະມາຊິກພັກ ແລະ ໜ່ວຍພັກປອດໃສ, ເຂັ້ມແຂງ, ຫນັກແໜ້ນ ປະຈໍາປີ 2024 ໂດຍການເປັນປະທານຂອງ ສະຫາຍ ວັນຕຸລາ ຣັກນຸດ ກໍາມະການພັກ, ເລຂາຫນ່ວຍພັກກົມຂໍ້ມູນຂ່າວສານ ແລະ ຝຶກອົບຮົມ ເຂົ້າຮ່ວມມີ: ສະມາຊິກພັກສົມບູນ ສຳຮອງພາຍໃນໜ່ວຍ, ມີຜູ້ຕາງຫນ້າພະແນກພັກ-ພະນັກງານ ແລະ ພະແນກກວດກາພັກ ກໍໄດ້ເຂົ້າຮ່ວມຕິດຕາມ.
ໃນພິທີ ສະຫາຍ ວັນຕຸລາ ຣັກນຸດ ກຳມະການພັກ, ເລຂາຫນ່ວຍພັກກົມຂໍ້ມູນຂ່າວສານ ແລະ ຝຶກອົບຮົມ ໄດ້ກ່າວຈຸດປະສົງຂອງການຈັດກອງປະຊຸມ ພ້ອມທັງຜ່ານຮ່າງລາຍງານຜົນບົດສະຫຼຸບກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈຳປີ 2024 ແລະ ທິດທາງກໍ່ສ້າງໜ່ວຍພັກປະຈຳປີ 2025 ຫລັງຈາກນັ້ນ ບັນດາສະມາຊິກພັກພາຍໃນໜ່ວຍພັກ ໄດ້ຜ່ານບົດສໍາຫຼວດຂອງຕົນປະຈໍາປີ 2024 ຕໍ່ທີ່ປະຊຸມ ພ້ອມທັງ ປະກອບຄໍາຄິດຄໍາເຫັນໃຫ້ແກ່ບັນດາສະມາຊິກຢ່າງກົງໄປກົງມາດ້ວຍຄວາມຮັບຜິດຊອບສູງ.
ໃນກອງປະຊຸມ, ບັນດາສະຫາຍສະມາຊິກພັກ ຍັງໄດ້ໃຊ້ສິດປະຊາທິປະໄຕລົງຄະແນນບຸກຄົນສະມາຊິກພັກແລະ ໜ່ວຍພັກ ຕີລາຄາການແບ່ງປະເພດໜ່ວຍພັກ ຕາມ 5 ເນື້ອໃນສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນປີ2024.
