ປາຖະກະຖາ ວັນສ້າງຕັ້ງແນວລາວສ້າງຊາດ ຄົບຮອບ 75 ປີ, ວັນລັດຖະທໍາມະນູນ ແຫ່ງ ສປປ ລາວ ຄົບຮອບ 34ປີ,  ວັນຍຶດອໍານາດທົ່ວປະເທດ23 ສິງຫາ 1945 ຄົບຮອບ 80ປີ ແລະ 23 ສິງຫາ 1975 ຄົບຮອບ 50ປີ.

ປາຖະກະຖາ ວັນສ້າງຕັ້ງແນວລາວສ້າງຊາດ ຄົບຮອບ 75 ປີ, ວັນລັດຖະທໍາມະນູນ ແຫ່ງ ສປປ ລາວ ຄົບຮອບ 34ປີວັນຍຶດອໍານາດທົ່ວປະເທດ23 ສິງຫາ 1945 ຄົບຮອບ 80ປີ ແລະ 23 ສິງຫາ 1975 ຄົບຮອບ 50ປີ.

     ໃນຕອນເຊົ້າຂອງວັນທີ 21 ສິງຫາ 2025 ຄະນະໂຄສະນາອົບຮົມສູນກາງພັກ ໄດ້ຈັດພິທີປາຖະກະຖາ 4 ວັນປະຫວັດສາດຂຶ້ນຢູ່ທີ່ ຫ້ອງປະຊຸມໃຫຍ່ ຄອສພ; ໃຫ້ກຽດປາຖະກະຖາໂດຍ ທ່ານ ນາງ ວິລະວອນ ພັນທະວົງ ຄະນະປະຈໍາພັກ ຮອງຫົວໜ້າຄະນະໂຄສະນາອົບຮົມສູນກາງພັກ  ແລະ ທ່ານ ປອ ຄຳມອນ ຈັນທະຈິດ ກຳມະການຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ຮອງປະທານສະພາທະດສະດີສູນກາງພັກ ເຂົ້າຮ່ວມມີ: ຄະນະບໍລິຫານງານພັກ, ບັນດາກົມ, ຫ້ອງການສະພາທິດສະດີສູນກາງພັກ ແລະ ບັນດາສື່ມວນຊົນເຂົ້າຮ່ວມຢ່າງພ້ອມພຽງ.

ໃນພິທີໄດ້ແບ່ງອອກເປັນສອງວາລະ, ວາລະທີ່ໜຶ່ງແມ່ນ ທ່ານ ນາງ ວິລະວອນ ພັນທະວົງ ຄະນະປະຈໍາພັກ ຮອງຫົວໜ້າຄະນະໂຄສະນາອົບຮົມສູນກາງພັກ ໃຫ້ກຽດປາຖະກະຖາວັນສ້າງຕັ້ງແນວລາວສ້າງຊາດ ຄົບຮອບ 75 ປີ ເຊີ່ງທ່ານໄດ້ຍົກໃຫ້ເຫັນເຖິງການກຳເນີດ, ການເຕີບໃຫຍ່ຂະຫຍາຍຕົວຂອງແນວລາວສ້າງຊາດ ແລະ ຜົນງານພົ້ນເດັ່ນຂອງແນວລາວສ້າງຊາດ ໃນແຕ່ລະໄລຍະການເຕົ້າໂຮມຄວາມປອງດອງສາມັກຄີແຕ່ກຳເນີດຈົນເຖີງປັດຈຸບັນ, ເສີມຂະຫຍາຍມູນເຊື້ອຂອງແນວລາວສ້າງຊາດເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດ ໃນໄລຍະໃໝ່.

ໃນວາລະທີສອງແມ່ນ ທ່ານ ປອ ຄຳມອນ ຈັນທະຈິດ ກຳມະການຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ຮອງປະທານສະພາທະດສະດີສູນກາງພັກ ໄດ້ໃຫ້ກຽດປາຖະກະຖາ ວັນລັດຖະທໍາມະນູນ ແຫ່ງ ສປປ ລາວ ຄົບຮອບ 34ປີ ແລະ  ວັນຍຶດອໍານາດທົ່ວປະເທດ ວັນຢຶດອານາດ ຄົບຮອບ 80 ປີ (23 ສິງຫາ 1945-23 ສິງຫາ 2025) ແລະ ຄົບຮອບ 50 ປີ (23 ສິງຫາ 1975-23 ສິງຫາ 2025) ເຊີ່ງທ່ານໄດ້ຍົກໃຫ້ເຫັນເຖິງຕົ້ນກໍາເນີດ ແລະ ຄວາມຫມາຍສໍາຄັນຂອງວັນລັດຖະທໍາມະນູນ ແຫ່ງ ສປປ ລາວ, ຕີລາຄາສະພາບການຈັດຕັັ້ງປະຕິບັດລັດຖະທໍາມະນູນ ແລະ ກົດໝາຍ ທີ່ສະແດງອອກໃຫ້ເຫັນທັງດ້ານດີ ແລະ ດ້ານອ່ອນຂໍ້ຄົງຄ້າງ ໃນຕະຫຼອດໄລຍະ34ປີ ທີີ່ຜ່ານມາ, ບາງບົດຮຽນທີ່ຖອດຖອນໄດ້. ນອກນັ້ນ ທ່ານຍັງໄດ້ຫວນຄືນມູນເຊື້ອປະຫວັດຄວາມເປັນມາຂອງວັນຍຶດອໍານາດ 23 ສິງຫາ 1945, 23 ສິງຫາ 1975 ໃຫ້ແກ່ສະມາຊິກພັກ-ພະນັກງານໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງເຖິງຄວາມຫມາຍຄວາມສໍາຄັນຕໍ່ປະຊາຊົນລາວທັງຊາດ ໄຊຊະນະດັ່ງກ່າວ ມັນແມ່ນຫມາກຜົນແຫ່ງການຕໍ່ສູ້ປະຕິວັດອັນຍືດເຍື້ອຍາວນານ ຂອງປະຊາຊົນລາວບັນດາເຜົ່າ ພາຍໃຕ້ການນໍາພາຂອງພັກປະຊາຊົນປະຕິວັດລາວ; ມັນແມ່ນຄວາມກ້າຫານປະດິດສ້າງໃນການນໍາໃຊ້ 3 ບາດຄ້ອນຍຸດທະສາດ ທີ່ສຳຄັນເພືຶ່ອຍຶດອໍານາດການປົກຄອງໃນທົ່ວປະເທດແບບ ” ບົວບໍ່ຊໍ້ານໍ້າບໍ່ຂຸ້ນ ແຕ່ຈັບປາໄດ້ທຸກໂຕ ” ທັງໝົດນັ້ນແມ່ນໄຊຊະນະຂອງການວາງແນວທາງປະຕິວັດອັນຖືກຕ້ອງ ແລະ ການນໍາພາອັນສະຫລາດສ່ອງໃສຂອງພັກ ທີ່ຮູ້ຫມູນໃຊ້ລັດທິມາກ-ເລນິນ ເຂົ້າໃນພຶດຕິກໍາຕົວຈິງຂອງການປະຕິວັດລາວ ຢ່າງປະດິດສ້າງ; ມັນແມ່ນໄຊຊະນະຂອງກໍາລັງແຮງ ແຫ່ງຄວາມສາມັກຄີເປັນຈິດຫນຶ່ງໃຈດຽວກັນຂອງກອງທັບ ແລະ ປວງຊົນລາວທັງຊາດ, ແມ່ນໄຊຊະນະແຫ່ງຄວາມສາມັກຄີຮ່ວມສໍາພັນສູ້ຮົບຂອງສາມຊາດອີນດູຈີນອ້າຍນ້ອງ ທີ່ໄດ້ຄຽງບ່າຄຽງໄຫລ່ກັນຕ້ານສັດຕູໂຕດຽວກັນ. ຕະຫລອດໄລຍະການປະຕິວັດປົດປ່ອຍຊາດໃນເມື່ອກ່ອນ ກໍຄືໃນພາລະກິດປົກປັກຮັກສາ ແລະ ກໍ່ສ້າງປະເທດຊາດໃນປັດຈຸບັນ. ເພື່ອເສີມຂະຫຍາຍມູນເຊື້ອ 23 ສິງຫາເຂົ້າໃນການພັດທະນາປະເທດພວກເຮົາໃຫ້ຈະເລີນຮຸ່ງເຮືອງຈະຕ້ອງໄດ້ຮ່ຳຮຽນເອົາບົດຮຽນດັ່ງກ່າວຄື:

  1. ເພີ່ມທະວີການສກສາອົບຮົມການເມືອງ-ແນວຄິດ ໃຫ້ແກ່ພະນັກງານ, ສະມາຊິກພັກ ແລະປະຊາຊົນບັນດາເຜົ່າ ໄດ້ຮັບຮູ້ຄວາມເຂົ້າໃຈກ່ຽວກັບມູນເຊື້ອ 23 ສິງຫາ ດ້ວຍຮູບການຕ່າງໆໃຫ້ກວ້າງຂວາງແລະ ເລິກເຊິ່ງ, ພ້ອມກັນເຊີດຊູນໍ້າໃຈຮັກຊາດ, ເອກະລາດ, ເປັນເຈົ້າຕົນເອງ, ສ້າງຄວາມເຂັັ້ມແຂງດ້ວຍຕົນເອງ, ສ້າງປະເທດຊາດໃຫ້ມັ່ງຄັ່ງເຂັັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສາມັກຄີປອງດອງ, ຍຸຕິທໍາ ແລະ ສີວິໄລ.
  2. ຕັັ້ງໜ້າປຸກລະດົມຂົນຂວາຍປະຊາຊົນຊັັ້ນຄົນຕ່າງໆ, ເຕົ້າໂຮມກາລັງແຮງມະຫາຊົນ, ການຈັດຕັັ້ງສັງຄົມທຸກພາກສ່ວນ ເຂົ້າຮ່ວມພາລະກິດປົກປັກຮັກສາ ແລະ ພັດທະນາປະເທດຊາດໃນໄລຍະໃໜ່ໂດຍສະເພາະ ໄລຍະແຫ່ງການປະຕິບັດມະຕິ XI ຂອງພັກ, ບົນຈິດຕໍ່ສູ້ຊົນຈັດຕັ້ງປະຕິບັດຄາດໝາຍ ຂອງແຜນການພັດທະນາເສດຖະກິດ-ສັງຄົມຄັ້ງທີ IX ໃນປີມ້ວນທ້າຍໃຫ້ບັນລຸຜົນເປັນຈິງ;
  3. ປຸກລະດົມທຸກພາກສ່ວນໃນສັງຄົມ ແລະ ເງື່ອນໄຂໃຫ້ແກ່ບັນດາການຈັດຕັ້ງເຂົ້າຮ່ວມຂະບວນການຮັກຊາດ ແລະ ພັດທະນາ ກໍ່ຄືຂະບວນການຮັກບ້ານເກີດ, ມີສ່ວນຮ່ວມເສີມສ້າງຄວາມສາມັກຄີ, ຄຸນງາມຄວາມດີ, ຄວາມຮັກຊາດ ແລະ ເພີຶ່ມທະວີຄວາມສາມັກຄີເປັນເອກະພາບໃນທົຶ່ວພັກ, ທົຶ່ວປວງຊົນຕິດແໜ້ນກັບການເຊີດຊູນໍ້າໃຈຮັກຊາດ, ເສີມຂະຫຍາຍຈິດໃຈເອກະລາດ, ເປັນເຈົ້າຕົນເອງ ແມ່ນປັດໄຈຕັດສິນຜົນສາເລັດ ຂອງພາລະກິດປ່ຽນແປງໃໜ່ຂອງພັກ.
  4. ຄະນະພັກແຕ່ລະຂັັ້ນ ຕ້ອງໄດ້ເພີ່ມທະວີຄວາມເອົາໃຈໃສ່ ຕໍ່ການໂຄສະນາ, ປຸກລະດົມໃຫ້ທົ່ວສັງຄົມ ຍົກສູງສະຕິລະວັງຕົວຕໍ່ກົນອຸບາຍຂອງພວກຄົນບໍ່ດີ ທີຶ່ສວຍໃຊ້ຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ບັນຫາຢາເສບຕິດ ເພື່ອມ້າງເພຄວາມສາມັກຄີພາຍໃນປະເທດເຮົາ; ຮັບປະກັນການປົກປັກຮັກສາ ແລະ ເພີຶ່ມທະວີຄວາມສາມັກຄີເປັນປຶກແຜ່ນພາຍໃນສັງຄົມໃຫ້ໜັກແໜ້ນຍິ່ງໆຂື້ນ.
  5. ເອົາໃຈໃສ່ປະຕິບັດນະໂຍບາຍຕ່າງປະເທດຂອງພັກ ແລະ ລັດວາງອອກໃຫ້ຖືກຕ້ອງສອດຄ່ອງກັບຄວາມເປັນຈິງ ພ້ອມທັງຕັັ້ງໜ້າເສີມຂະຫຍາຍກຳລັງແຮງຂອງຊາດ ສົມທົບກັນກໍາລັງແຮງຂອງຍຸກສະໄໝຍາດແຍງເອົາການສະໜັບສະໜູນ ແລະ ການຊ່ວຍເຫຼືອຈາກສາກົນຢ່າງມີຫຼັກການນັ້ນແມ່ນສິ່ງທີ່ຂາດບໍ່ໄດ້ສໍາລັບການສ້າງສາພັດທະນາປະເທດຊາດໃນໄລຍະໃໝ່.