ແລກປ່ຽນບົດຮຽນວຽກງານອົບຮົມໃນໄລຍະໃໝ່ ລະຫວ່າງ ກົມອົບຮົມ ຄະນະໂຄສະນາອົບຮົມສູນກາງພັກ ປ ປ ລາວ ກັບກົມທິດສະດີການເມືອງ ຂອງຄະນະໂຄສະນາສຶກສາສູນກາງພັກກອມມູນິດຫວຽດນາມ
ເພື່ອເປັນການຊົມເຊີຍຜົນສໍາເລັດກອງປະຊຸມຂອງອົງການຈັດຕັ້ງມະຫາຊົນ ແລະ ທັງເປັນການສ້າງຂະ ບວນການ ຕ້ອນຮັບກອງປະຊຸມໃຫຍ່ຄັ້ງທີ IX ຂອງໜ່ວຍພັກກົມອົບຮົມ ຄະນະໂຄສະນາອົບຮົມສູນກາງພັກ ທີ່ຈະມາເຖິງໃນມໍ່ໆນີ້. ສາມອົງການຈັດຕັ້ງມະຫາຊົນຂອງກົມອົບຮົມໄດ້ສ້າງຂະບວນການທັດສະນະສຶກສາຢູ່ເມືອງວັງວຽງ ແຂວງວຽງຈັນ ໃນວັນທີ 28-29 ກັນຍາ 2024 ຊຶ່ງຂະບວນການດັ່ງກ່າວນໍາໂດຍສະຫາຍ ຄໍາກອງ ທໍາມະເທວາ ກໍາມະການຄະນະພັກ, ຫົວໜ້າກົມອົບຮົມ ພ້ອມດ້ວຍພະນັກງານພາຍໃນກົມເຂົ້າຮ່ວມຢ່າງພ້ອມພຽງ. ຈຸດປະສົງຂອງການໄປທັດສະນະສຶກສາໃນຄັ້ງນີ້ ແມ່ນແນໃສ່ສ້າງຂະບວນການໃຫ້ຟົດຟື້ນທັງເປັນການເສີມສ້າງຄວາມສາມັກຄີພາຍໃນກົມອົບຮົມໃຫ້ມີຄວາມແໜ້ນແຟ້ນຍິ່ງຂຶ້ນ ແລະ ເປັນການສ້າງບັນຍາກາດໃນການເຮັດວຽກງານວິຊາສະເພາະ ຊຶ່ງສະຖານທີ່ໄປທັດສະນະປະກອບມີ: ຖໍ້າລົມ, ຖໍ້າຈັງ ແລະ ຖໍ້າປູຄໍາ (ຮູລາກູນ 1).
ກໍາມະບານຮາກຖານກົມອົບຮົມ ຄະນະໂຄສະນາອົບຮົມສູນກາງພັກ ໄດ້ຈັດຕັ້ງກອງປະຊຸມໃຫຍ່ຄັ້ງທີ II ຂອງຕົນຂຶ້ນໃນວັນທີ 26 ກັນຍາ ປີ 2024 ນີ້ ຢູ່ທີ່ຫ້ອງປະຊຸມຊັ້ນ 5 ຂອງຄະນະໂຄສະນາອົບຮົມສູນກາງພັກ ໂດຍການເປັນປະທານຂອງສະຫາຍ ຄໍາກອງ ທໍາມະເທວາ ກໍາມະການຄະນະພັກ ເລຂາໜ່ວຍພັກ ຫົວໜ້າກົມອົບຮົມ, ມີສະຫາຍ ວັນຕຸລາ ຣັກນຸດ ກໍາມະການຄະນະພັກ ປະທານຄະນະບໍລິຫານງານກໍາມະບານ ຄະນະໂຄສະນາອົບຮົມສູນກາງພັກ ຫົວການກົມຂໍ້ມູນຂ່າວສານ ແລະ ຝຶກອົບຮົມ, ສະຫາຍ ພູໄຊ ບຸນມີຈິດ ປະທານກໍາມະບານຮາກຖານກົມອົບຮົມ ພ້ອມດ້ວຍຜູ້ຕາງໜ້າຈາກກໍາມະບານຮາກຖານ ຄະນະໂຄສະນາອົບຮົມສູນກາງພັກ ແລະ ສະມາຊິກກໍາມະບານກົມອົບຮົມ ເຂົ້າຮ່ວມທັງໝົດ 28 ສະຫາຍ, ຍິງ 15 ສະຫາຍ. ສະຫາຍ ພູໄຊ ບຸນມີຈິດ ປະທານຮາກຖານກໍາມະບານກົມອົບຮົມ ໄດ້ຂຶ້ນຜ່ານບົດລາຍງານການເຄື່ອນ ໄຫວໃນໄລຍະ 5 ປີຜ່ານມາ , ເຊິ່ງຍົກໃຫ້ເຫັນເຖິງດ້ານດີ, ດ້ານອ່ອນ, ບາງບົດຮຽນທີ່ຖອດຖອນໄດ້ ນອກນັ້ນກໍໄດ້ວາງທິດທາງ, […]
ຜົນສໍາເລັດກອງປະຊຸມໃຫຍ່ ຄັ້ງທີ II ຂອງໜ່ວຍຊາວໜຸ່ມກົມອົບຮົມ ຄອສພ ກອງປະຊຸມໃຫຍ່ ຄັ້ງທີ II ຂອງໜ່ວຍຊາວໜຸ່ມກົມອົບຮົມ ຄະນະໂຄສະນາອົບຮົມສູນກາງພັກ ໄດ້ໄຂຂຶ້ນໃນຕອນບ່າຍ ວັນພຸດ, ວັນທີ 28 ສິງຫາ 2024 ຢູ່ຫ້ອງປະຊຸມຊັ້ນ 5 ຄອສພ
ຄູ-ອາຈານສອນວິຊາສັງຄົມ-ການເມືອງອ້ອມຂ້າງເມືອງວາປີ ແຂວງ ສາລະວັນ ສຳເລັດການຝຶກອົບຮົມ ການເມືອງ-ແນວຄິດ ໃນວັນທີ 17 ມິຖຸນາ 2024 ໄດ້ຈັດພິທີເປີດຊຸດອົບຮົມ ຝຶກອົບຮົມ ການເມືອງ-ແນວຄິດໃຫ້ຄູ-ອາຈານສອນວິຊາສັງຄົມ-ການເມືອງ ອ້ອມຂ້າງເມືອງວາປີ ແຂວງ ສາລະວັນ ຂຶ້ນຢູ່ສະໂມສອນຫ້ອງການປົກຄອງເມືອງວາປີ ແຂວງສາລະວັນ ໂດຍພາຍໃຕ້ການເປັນປະທານຂອງ ສະຫາຍ ຈັນສະໝອນ ພົມມະແສງ ກໍາມະການປະຈຳພັກແຂວງພັກແຂວງ ຫົວໜ້າຄະນະໂຄສະນາອົບຮົມແຂວງສາລະວັນ, ມີສະຫາຍ ບຸນຍູ້ ຈັນທະລັງສີ ກໍາມະການພັກແຂວງ, ເລຂາພັກເມືອງ ເຈົ້າເມືອງໆວາປີ ແຂວງສາລະວັນ, ສະຫາຍ ລີຈາວ ໄຊເຍ່ຍຊ່າງ ຮອງຫົວໜ້າກົມອົບຮົມ ຄະນະໂຄສະນາອົບຮົມສູນກາງພັກ, ພ້ອມດ້ວຍພະນັກງານຈາກກົມອົບຮົມ, ເເຂວງ, ເມືອງ ແລະ ນັກຝຶກອົບຮົມອ້າງຂ້າງເມືອງວາປີ ເຂົ້າຮ່ວມ. ການຝຶກອົບຮົມໃນຄັ້ງນີ້ ແນ່ໃສ່ສ້າງຄວາມເຂັ້ມແຂງໃຫ້ແກ່ຖັນແຖວຄູ-ອາຈານສອນວິຊາສັງຄົມ-ການເມືອງ ຢູ່ເມືອງວາປີ ແຂວງ ສາລະວັນ, ການຝຶກອົບຮົມໃຊ້ເວລາ 2 ວັນ ແຕ່ວັນທີ 17-18 ມິຖຸນາ 2024 ຊຶ່ງມີນັກສຳມະນາກອນເຂົ້າຮ່ວມທັງໝົດ […]
