ສາລະໜ້າຮູ້

ຮູ້ຈັກຫຼວງພະບາງເມືອງມໍລະດົກໂລກ ການສັງລວມໂດຍຫຍໍ້ ເມືອງຫຼວງພະບາງ ເປັນເມືອງມໍລະດົກໂລກທັງເປັນເມືອງທີ່ເກົ່າແກ່ຂອງ ສປປ ລາວ ທີ່ເຕັມໄປດ້ວຍມົນສະເໜ່, ມີຄວາມເປັນເອກະລັກທາງດ້ານວັດທະນະທຳ ແລະ ມີປະຫວັດສາດຄວາມເປັນມາ ຕິດພັນກັບຂະບວນວິວັດຂອງຊາດ ຫຼາຍຍຸກຫຼາຍສະໄໝ. ຕົ້ນກຳເນີດ ຫຼວງພະບາງ ອີງຕາມປະຫວັດສາດຂອງສະໄໝຂຸນບູລົມ, ຜູ້ທີ່ເປັນລູກຊາຍຂອງພະຍາແຖນ ເຊິ່ງເພິ່ນໄດ້ພາຊາວໄຕອົບພະຍົບຈາກອານາຈັກໜອງແສ ແລະ ນ່ານເຈົ້າ ພາຍຫຼັງຖືກຮຸກຮານ, ແລ້ວລົງມາຢູ່ຮ່ວມກັບຊາວອາຊີໃຕ້ (Austro-Asiatic) ທີ່ອາໄສຢູ່ເຂດນີ້. ຂຸນບູລົມມີລູກຊາຍ 7 ຄົນ ເຊິ່ງໄດ້ສ້າງເມືອງຂຶ້ນ 7 ເມືອງ ແລະ ໄດ້ສົ່ງລູກຊາຍຂອງແຕ່ລະຄົນໄປປົກຄອງ ແລະ ລູກຊາຍກົກຊື່ ຂຸນລໍ ໄດ້ຖືກສົ່ງມາສ້າງເມືອງຫຼວງພະບາງແຫ່ງນີ້. ຂໍ້ມູນທີ່ແນ່ນອນ ແລະ ຖືກຕ້ອງກ່ຽວກັບປະຫວັດສາດລາວນັ້ນແມ່ນ ເລີ່ມມາແຕ່ສະຕະວັດທີ XIV, ໃນເວລາທີ່ເຈົ້າຟ້າງຸ່ມໄດ້ປົກຄອງ ແລະ ທ້ອນໂຮມເຂດແດນຕ່າງໆເຂົ້າກັນ ເຊິ່ງປັດຈຸບັນແມ່ນເມືອງຊຽງຂວາງ, ພູພຽງໂຄລາດ (ທິດຕາເວັນອອກຂອງປະເທດໄທ) ແລະ ເມືອງຫຼວງພະບາງ ເຂົ້າເປັນອານາຈັກລ້ານຊ້າງ ຫຼື ເອີ້ນອີກຊື່ໜຶ່ງວ່າ “ແຜ່ນດິນທີ່ມີຊ້າງລ້ານໂຕ”. ຫຼວງພະບາງ ກັບສາດສະໜາພຸດ ພະເຈົ້າຟ້າງຸ່ມໄດ້ນຳເອົາສາສະໜາພຸດນິກາຍດີລາວະດາ […]

ມັກກິນສຸກໆດິບໆລະວັງພະຍາດມະເຮັງທໍ່ນໍ້າບີ ມະເຮັງທໍ່ນ້ຳບີ ເປັນພະຍາດທີ່ພົບໄດ້ຫຼາຍທີ່ສຸດໃນປະເທດລາວ ແລະ ເປັນສາເຫດຂອງການເສຍຊີວິດອັນດັບຕົ້ນໆຂອງປະເທດເຮົາ. ສາເຫດຕົ້ນຕໍຂອງພະຍາດມະເຮັງທໍ່ນ້ຳບີມີດັ່ງນີ້: ການຕິດເຊື້ອພະຍາດໃບໄມ້ໃນຕັບ ເຊິ່ງເກີດຈາກການກິນອາຫານສຸກໆດິບໆ ໂດຍສະເພາະປານ້ຳຈືດທີ່ມີເກັດ ເຊັ່ນ ກ້ອຍປາດິບ, ປາແດກດິບ ແລະ ເມນູປາດິບອື່ນໆ. ພາວະທໍ່ນ້ຳບີອັກເສບຊຳເຮື້ອ, ພາວະໜິ້ວຂອງທໍ່ນ້ຳບີພາຍໃນຕັບ ແລະ ຄວາມຜິດປົກກະຕິຂອງທໍ່ສົ່ງທາງເດີນນ້ຳບີມາແຕ່ກຳເນີດ ເຊັ່ນ ພະຍາດທໍ່ນ້ຳບີໂປ່ງໂພງ ເກີດຈາກພາວະອື່ນໆ ເຊັ່ນ ການຕິດເຊື້ອໄວຣັສຕັບອັກເສບບີ ຫຼື ຊິ, ພາວະຕັບແຂງ, ເບົາຫວານ, ພາວະຕຸ້ຍ, ການສູບຢາ ແລະ ການດື່ມເຫຼົ້າ-ເບຍ ເປັນຕົ້ນ. ອາການມະເຮັງທໍ່ນ້ຳບີມັກບໍ່ສະແດງອາການໃນໄລຍະຕົ້ນ ເມື່ອພະຍາດແຜ່ລາມຫຼາຍຂຶ້ນ ອາດມີອາການປະກົດໃຫ້ເຫັນດັ່ງຕໍ່ໄປນີ້: ໂຕເຫຼືອງ, ຕາເຫຼືອງ, ຍ່ຽວເປັນສີເຫຼືອງເຂັ້ມ, ອາຈົມສີຈາງລົງ, ຄັນຕາມຮ່າງກາຍ ມີອາການອິດເມື່ອຍອ່ອນເພຍ ຫຼື ມີໄຂ້ ເບື່ອອາຫານ, ນ້ຳໜັກຫຼຸດ ວິການປິ່ນປົວ ໄລຍະເລີ່ມຕົ້ນ ສ່ວນຫຼາຍປິ່ນປົວດ້ວຍການຜ່າຕັດ ໄລຍະແຜ່ລາມ ປິ່ນປົວດ້ວຍເຄມີບຳບັດ ກໍລະນີທີ່ຄົນເຈັບມີພາວະໂຕເຫຼືອງ ຕາເຫຼືອງ ອາດພິຈາລະນາໃສ່ທໍ່ລະບາຍທາງເດີນທໍ່ນ້ຳບີ ຂໍ້ມູນຈາກ : […]

“ໜິ້ວໃນຖົງນໍ້າບີ” ໄພໃກ້ຕົວທີ່ບໍ່ຄວນເບິ່ງຂ້າມ           ໜິ້ວໃນຖົງນໍ້າບີ (Gall Stone) ເປັນພະຍາດທີ່ສາມາດເກີດຂຶ້ນກັບທຸກຄົນໄດ້ ແລະ ມີຄວາມອັນຕະລາຍ