ບໍລິສັດ ເທບວົງສາ ພາວເວີ ຈຳກັດ ແລະ ບໍລິສັດ ຈີໂລ ໂຄໂປເລຊັນຈຳກັດ ຮ່ວມກັນມອບຄອມພິວເຕີໃຫ້ແກ່ຄະນະໂຄສະນາອົບຮົມສູນກາງພັກ
ໃນຕອນບ່າຍວັນທີ 31ມີນາ 2022 ທີ່ຫ້ອງຮັບແຂກຄະນະໂຄສະນາອົບຮົມສູນກາງພັກ(ຫຼັກ6) ທ່ານ ຄຳປະສິດ ເທບວົງສາປະທານ ບໍລິສັດ ເທບວົງສາ ພາວເວີ ຈຳກັດ ແລະ ທ່ານ ນາງ ລັດປະໄພ ເຫລືອງແຈ່ມ ປະທານ ບໍລິສັດ ຈີໂລ ໂຄໂປເລຊັນຈຳກັດ ໄດ້ມອບເຄື່ອງຄອມພິວເຕີຈຳນວນ 3 ຊຸດມູນຄ່າ 15,000,000 ກີບໃຫ້ແກ່ຄະນະໂຄສະນາອົບຮົມສູນກາງພັກໃຫ້ກຽດຮັບໂດຍ ທ່ານ ນາງ ວິລະວອນ ພັນທະວົງ ຄະນະປະຈຳພັກ, ຮອງຫົວໜ້າຄະນະໂຄສະນາອົບຮົມສູນກາງພັກເຂົ້າຮ່ວມເປັນສັກຂີພະຍານມີຫົວໜ້າກົມ, ຮອງຫົວໜ້າກົມ ແລະ ຫົວໜ້າພະແນກທີ່ກ່ຽວຂ້ອງ.
ໃນພິທີ ທ່ານ ຄຳປະສິດ ເທບວົງສາ ກ່າວວ່າ: ຂ້າພະເຈົ້າ ຮູ້ສຶກດີໃຈ ແລະ ເປັນກຽດຢ່າງສູງ ທີ່ໄດ້ເປັນສ່ວນໜຶ່ງທີ່ໃຫ້ການຊ່ວຍເຫຼືອປະກອບສ່ວນເຂົ້າໃນວຽກງານຂອງພັກເວົ້າລວມ ເວົ້າສະເພະາກໍແມ່ນວຽກງານໂຄສະນາອົບຮົມໃນໄລຍະໃໝ່ ແລະ ໃນໂອກາດນີ້, ທ່ານ ນາງ ວີລະວອນ ພັນທະວົງ ຄະນະປະຈຳພັກ, ຮອງຫົວໜ້າຄະນະໂຄສະນາອົບຮົມສູນກາງພັກ ໄດ້ສະແດງຄວາມຂອບໃຈ ຕໍ່ 2 ບໍລິສັດທີ່ໃຫ້ການສະໜັບສະໜູນອຸປະກອນດັ່ງກ່າວ ເຊິ່ງຈະຊ່ວຍຍົກສູງຄຸນນະພາບວຽກງານໂຄສະນາອົບຮົມ ໂດຍສະເພາະແມ່ນບັນດາແຂວງທ້ອງຖິ່ນທີ່ຍັງຂາດເຂີນອຸປະກອນເອເລັກໂຕຼນິກ ເພື່ອຮັບໃຊ້ໃນການເຄື່ອນໄຫວວຽກງານໂຄສະນາອົບຮົມໃຫ້ມີຄວາມທັນສະໄໝ, ວ່ອງໄວ. ຫຼັງຈາກນັ້ນຄະນະນຳຄະນະໂຄສະນາອົບຮົມສູນກາງພັກກໍໄດ້ມອບໃບກຽດຕິຄຸນໃຫ້ແກ່ທັງສອງບໍລິສັດທີ່ໄດ້ປະກອບສ່ວນຊ່ວຍເຫຼືອອຸປະກອນຄອມພິວເຕີເພື່ອໄປຊ່ວຍເຫຼືອບັນດາແຂວງ ແລະ ເມືອງຢູ່ພາກເໜືອ.
