ຫົວໜ້າ ຄອສພ ຊີ້ນຳອະນຸກຳມະການເນື້ອໃນສະເຫຼີມສະຫຼອງສາມວັນປະຫວັດສາດປີ 2025 ຂັ້ນສູນກາງ
ໃນວັນທີ 13 ສິງຫາ 2024 ສະຫາຍ ຄໍາພັນ ເຜີຍຍະວົງ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກ, ຮອງຫົວໜ້າອະນຸກຳມະການເນື້ອໃນສະເຫຼີມສະຫຼອງສາມວັນປະຫວັດສາດປີ 2025 ພ້ອມດ້ວຍຄະນະ ແລະ ບັນດາກົມ ຂອງ ຄອສພເຂົ້າຮ່ວມ.
ຈຸດປະສົງເພື່ອແບ່ງໜ້າທີ່ຄວາມຮັບຜິດຊອບພາຍໃນຄະນະເພື່ອສ້າງຄວາມເປັນເອກະພາບ ແລະ ຂັບເຄື່ອນວຽກງານໃຫ້ໄດ້ການຈັດຕັ້ງປະຕິບັດໄປຕາມທິດຊີ້ນໍາ ຂອງກົມການເມືອງສູນກາງພັກ, ຄະນະເລຂາທິການ ສູນກາງພັກ ແລະ ຄະນະຮັບຜິດຊອບລະດັບຊາດ ກະກຽມສະເຫຼີມສະຫຼອງ 3 ປະຫວັດສາດເປັນຕົ້ນ: ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ, ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ ແລະ ວັນເກີດຂອງປະທານ ໄກສອນ ພົມວິຫານ ຄົບຮອບ 105 ປີ; ເພື່ອເປັນການໂຄສະນາຍູ້ແຮງຂະບວນການໃນທົ່ວພັກ, ທົ່ວລັດ, ທົ່ວກອງທັບ ແລະ ທົ່ວປວງຊົນລາວທັງຊາດ ໃຫ້ມີສ່ວນຮ່ວມທຸກຂະບວນການ ເພື່ອຕ້ອນຮັບວັນບຸນໃຫຍ່ທີ່ສໍາຄັນຂອງພັກ ແລະ ຂອງຊາດ ຢ່າງເປັນຂະບວນຟົດຟື້ນແຂງແຮງ, ບັນລຸໄດ້ຕາມຈຸດປະສົງ, ລະດັບຄາດໝາຍທັງຮັບປະກັນຄວາມເປັນລະບຽບຮຽບຮ້ອຍ ແລະ ຄວາມປອດໄພຮ້ອຍເປີເຊັນ.
