ປະທານສະຫະພັນກຳມະບານ ຄະນະໂຄສະນາອົບຮົມສູນກາງພັກ ເຂົ້າຮ່ວມຝຶກອົບຮົມວຽກງານກຳມະບານ ໃນຫົວຂໍ້
“ການສ້າງຄວາມເຂັ້ມແຂງໃຫ້ວຽກງານໂຄສະນາອົບຮົມ ແລະ ຂ່າວສານ ຂອງກໍາມະບານຈີນ”
ໃນວັນທີ 25 ພະຈິກ2024, ຄະນະຜູ້ແທນສະຫະພັນກຳມະບານລາວ ໄດ້ເຂົ້າຮ່ວມຝຶກອົບຮົມຢູ່ທີ່ ສປ ຈີນ ໃນຫົວຂໍ້ “ສ້າງຄວາມເຂັ້ມແຂງວຽກງານກຳມະບານໂຄສະນາອົບຮົມ ແລະ ວຽກງານຂ່າວສານ” ນຳໂດຍທ່ານ ນາງ ອາລິຍາວັນ ອັກຄະວົງ ຮອງປະທານຄະນະບໍລິຫານງານສູນກາງສະຫະພັນກຳມະບານລາວ, ທ່ານ ວັນຕຸລາ ຣັກນຸດ ກຳມະການພັກ,ປະທານສະຫະພັນກຳມະບານ ຄະນະໂຄສະນາອົບຮົມສູນກາງພັກ ມີບັນດາສະຫາຍຄະນະບໍລິຫານງານສູນກາງກຳມະບານລາວ, ປະທານຄະນະບໍລິຫານງານສະຫະພັນກຳມະບານແຂວງ, ນະຄອນຫຼວງ,ກະຊວງ, ອົງການ, ຫົວໜ້າກົມ ຈາກສູນກາງສະຫະພັນກຳມະບານລາວເຂົ້າຮ່ວມໃນຊຸດຝຶກອົບຮົມຫົວຂໍ້ດັ່ງກ່າວຈຳນວນ 30ທ່ານ.
ໃນຊຸດຝຶກອົບຮົມຄັ້ງນີ້ບັນດາຜູ້ແທນຈະໄດ້ຮັບຟັງ ແລະ ແລກປ່ຽນບົດຮຽນປະສົບການຂອງສະຫະພັນກຳມະບານຈີນໃນສະຕະວັດທີ່ຜ່ານມາ ແລະ ສະຖານະການປັດຈຸບັນ, ບົດຮຽນກ່ຽວກັບວຽກງານໂຄສະນາສຶກສາອົບຮົມ, ບົດຮຽນໃນການກໍ່ສ້າງວຽກງານກຳມະບານຈີນ ໃຫ້ເປັນດິຈິຕອນ ທັນສະໄໝ ພ້ອມທັງຮັບຟັງການບັນຍາຍກ່ຽວກັບແນວຄວາມຄິດ, ນະວັດຕະກຳ ແລະ ສະແຫວງຫາການປ່ຽນແປງ, ເປີດປະຕູອອກສູ່ທະເລ ແລະ ການພັດທະນາຕາມຮູບແບບທີ່ທັນສະໄໝ ນອກຈາກນັ້ນບັນດາຜູ້ແທນຍັງຈະໄດ້ຢ້ຽມຢາມສະຖານທີ່ສຳຄັນຕ່າງໆຕື່ມອີກ, ເຊີ່ງຊຸດຝຶກອົບຮົມຄັ້ງນີ້ແມ່ນກຳນົດເວລາ 10 ວັນ.
