ພະນັກງານຄະນະໂຄສະນາອົບຮົມສູນກາງພັກ ທີ່ສໍາເລັດການສຶກສາຄົ້ນຄວ້າປະລິນຍາໂທໄດ້ມອບປື້ມວິທະຍານິພົນຂອງຕົນໃຫ້ ແກ່ຫ້ອງສະໝຸດ ຄອສພ
ໃນວັນທີ 6 ທັນວາ 2024 ພະນັກງານຄະນະໂຄສະນາອົບຮົມສູນກາງພັກທີ່ໄດ້ສຳເລັດການສຶກສາຄົ້ນຄວ້າປະລິນຍາໂທທີ່ສະຖາບັນ ການເມືອງ ແລະ ການປົກຄອງແຫ່ງຊາດ (ສມປຊ) ໄດ້ນໍາປຶ້ມວິທະຍານິພົນມາມອບໃຫ້ແກ່ຫ້ອງສະໝຸດ ຄະນະໂຄສະນາອົບຮົມສູນກາງພັກໃຫ້ ກຽດຮັບໂດຍ ທ່ານ ພູວັນ ສຸວັນ, ຮອງຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ. ບັນດາປຶ້ມວິທະຍານິພົນປະລິນຍາໂທທີ່ນໍາມາມອບໃຫ້ ໃນຄັ້ງນີ້ ມີທັງໝົດ 3 ເຫຼັ້ມ 3 ຫົວຂໍ້ຄື:
1. ວິທະຍານິພົນ ປະລິນຍາໂທ ການປົກຄອງ, ຫົວຂໍ້: ສ້າງການຫັນປ່ຽນວຽກງານໂຄສະນາອົບຮົມໄປສູ່ຄຸນະພາບໃໝ່ ຢູ່ ສປປ ລາວ ໂດຍ: ປທ ສອນໄພ ບົວຄຳໄຊ
2. ວິທະຍານິພົນ ປະລິນຍາໂທ ການເມືອງວິທະຍາ, ຫົວຂໍ້ ເພີ່ມທະວີການສຶກສາອົບຮົມການເມືອງ-ແນວຄິດ ໃຫ້ພະນັກງານ, ສະມາຊິກ ພັກ ຢູ່ ຄະນະໂຄສະນາອົບຮົມສູນກາງພັກ ໂດຍ: ປທ ປາວຊົງ ຈື່ໄຊຊົ່ວຄົງ
3. ວິທະຍານິພົນ ປະລິນຍາໂທ ກໍ່ສ້າງພັກ, ຫົວຂໍ້ ສ້າງການຫັນປ່ຽນຢ່າງແຂງແຮງ ໃນວຽກງານແນວຄິດ ແລະ ທິດສະດີ ຂອງພັກປະຊາຊົນປະຕິວັດລາວໂດຍ: ປທ ສຸກສະຫວາດ ຈິດລະພົນ
ປຶ້ມຈຳນວນດັ່ງກ່າວໄດ້ມອບໃຫ້ຫ້ອງສະໝຸດ ຄອສພ ເພື່ອເປັນເອກະສານຄົ້ນຄວ້າຂີດຂຽນຕອບແກ້ບັນດາບັນຫາທີ່ກ່ຽວພັນກັບບັນດາຫົວຂໍ້ ເຫຼົ່ານັ້ນໃຫ້ແກ່ບັນດາພະນັກງານ, ນັກຮຽນ, ນັກສຶກສາ ຫຼື ຜູ້ສົນໃຈອື່ນໆທັງເປັນການປະກອບສ່ວນຜົນສຳເລັດຂອງຕົນເຂົ້າໃນການໂຄສະນາເຜີຍແຜ່ບັນດາຂໍ້ມູນ ທາງດ້ານທິດສະດີ, ແນວທາງຂອງພັກ ແລະ ວຽກງານການເມືອງ-ແນວຄິດຂອງພັກໃນແຕ່ລະໄລຍະ.