ຫລັກການພື້ນຖານຂອງອາຊຽນ
ອາຊຽນຖືວ່າເປັນອົງການຈັດຕັ້ງທີ່ຢຶດຫມັ້ນໃນຫລັກການຂອງຄວາມ ປານີປານອມ, ການຜ່ອນສັ້ນຜ່ອນຍາວ ແລະ ດວ້ຍຄວາມສະຫມັກໃຈຂອງບັນດາ ປະເທດສະມາຊິກເປັນຕົ້ນຕໍ, ໃນການຕັດສິນໃຈ ຫລື ການຕົກລົງບັນຫາໃດຫນຶ່ງແມ່ນ ອີງໃສ່ຫລັກການຂອງການປຶກສາຫາລືລະຫວ່າງປະເທດສະມາຊິກເພື່ອໃຫ້ບັນລຸໄດ້ ເຖິງຄວາມເປັນເອກະສັນ, ສິ່ງສໍາຄັນທີ່ສຸດແມ່ນການຫລີກລຽງການອ້າງສິດ ຫລື ການແຊກແຊງເຂົ້າໃນກິດຈະການພາຍໃນຂອງກັນ ແລະ ກັນ ໂດຍສະເພາະແມ່ນ ທາງດ້ານການເມືອງ ແລະ ຄວາມຫມັ້ນຄົງເຊິ່ງຮູ້ກັນໂດຍທົ່ວໄປກໍ່ຄື: ວິຖີທາງອາ ຊຽນ ຫລື ASEAN WAY ຫມາຍຄວາມວ່າ ຮ່ວມມືກັນໂດຍປັດສະຈາກການໃຊ້ ຄວາມຮຸນແຮງຕໍ່ກັນ, ເຖິງແມ່ນວ່າ ແຕ່ລະປະເທດສະມາຊິກອາຊຽນຈະມີຄວາມ ແຕກຕ່າງກັນໃນດ້ານໂຄງສ້າງທາງການເມືອງ, ເສດຖະກິດ, ສັງຄົມ ແລະ ວັດທະນະທຳກໍຕາມ. ສະນັ້ນ, ເພື່ອເຮັດໃຫ້ວັດຖຸປະສົງທີ່ກ່າວມາຂ້າງເທິງຖືກ ນໍາໄປຈັດຕັ້ງຜັນຂະຫຍາຍຢ່າງເປັນຮູບປະທຳ, ບັນດາປະເທດສະມາຊິກອາຊຽນ ຈິ່ງໄດ້ຢືນຢັນ ແລະ ຢຶດໝັ້ນໃນຫລັກການດັ່ງຕໍ່ໄປນີ້:
- ການເຄົາລົບເອກະລາດ, ອະທິປະໄຕ, ຄວາມສະເຫມີພາບ, ຜືນແຜ່ນດີນ ອັນຄົບຖວັນ ແລະ ເອກະລັກຂອງປະເທດສະມາຊິກອາຊຽນທັງປວງ.
- ມີຄວາມຜູກພັນ ແລະ ມີຄວາມຮັບຜິດຊອບຮວມກັນໃນການປົກປັກຮັກສາ ສັນຕິພາບ, ຄວາມ ຫມັ້ນຄົງ ແລະ ຄວາມສົມບູນພູນສຸກຂອງພາກພື້ນ
- ການບໍ່ໃຊ້ການຮຸກຮານ ແລະ : ການນາບຂູ່ທີ່ຈະໃຊ້ ຫລື ການໃຊ້ກຳລັງ ຫລື ການກະທໍາອື່ນໃດໃນລັກສະນະທີ່ຂັດຕໍ່ກົດຫມາຍສາກົນ.
- ການແກ້ໄຂຂໍ້ຂັດແຍ່ງ ໂດຍສັນຕິວິທີ
- ການບໍ່ແຊກແຊງກິດຈະການພາຍໃນຂອງປະເທດສະມາຊິກອາຊຽນ
- ການເຄົາລົບສິດທິຂອງປະເທດສະມາຊິກໃນການດໍາລົງຄົງໂຕຂອງຕົນ ໂດຍປັດສະຈາກການແຊກແຊງ, ການທໍາລາຍ ແລະ ການປິບບັງຄັບຈາກພາຍນອກ, ການປຶກສາຫາລືທີ່ເພີ່ມພູນຂື້ນໃນເລື່ອງທີ່ມີຜົນກະທົບ ຢ່າງຮ້າຍແຮງຕໍ່ຜົນປະໂຫຍດຮ່ວມກັນຂອງອາຊຽນ.
- ການຢຶດຫມັ້ນໃນຫລັກນິຕິທໍາ, ການປົກຄອງທ ີ່ດີ, ຫລັກການ ປະຊາທິປະໄຕ ແລະ ລັດຖະ ບານຕາມລັດຖະທຳມະນູນ
- ການເຄົາລົບເສລີພາບຂັ້ນພື້ນຖານ, ການສົ່ງເສີມ ແລະ ຄຸ້ມຄອງສິດທິ ມະນຸດ ແລະ ການສົ່ງເສີມຄວາມຍຸຕິທໍາໃນສັງຄົມ
- ການຢຶດຫມັ້ນໃນກົດບັດສະຫະປະຊາຊາດ ແລະ ກົດຫມາຍສາກົນລວມ ທັງກົດຫມາຍມະນຸດ ສະທຳສາກົນທີ່ປະເທດສະມາຊິກໃຫ້ການຍອມຮັບ
- ການລະເວັ້ນຈາກການມີສວນຮວມໃນນະໂຍບາຍ ຫລື ກິດຈະກຳຕ່າງໆ ລວມທັງການນໍາໃຊ້ດິນແດນຂອງຕົນທີ່ດຳເນີນການໂດຍປະເທດ ສະມາຊິກອາຊຽນ ຫລື ບໍ່ແມ່ນສະມາຊິກ ທີ່ເປັນໄພຂົ່ມຂູ່ອະທິປະໄຕ, ຜືນ ແຜ່ນດິນ ຫລື ສະຖຽນລະພາບທາງການເມືອງ ແລະ ເສດຖະກິດຂອງ ລັດສະມາຊິກອາຊຽນ
11. ການເຄົາລົບໃນວັດທະນະທຳ, ພາສາ ແລະ ສາສະຫນາທີ່ແຕກຕ່າງ ຂອງອາຊຽນໂດຍຖືເອົາຄຸນຄ່າຮວມກັນຂອງປະຊາຄົມອາຊຽນໃນຈິດໃຈ ຂອງຄວາມເປັນເອກະພາບທີ່ມີຄວາມຫລາກຫລາຍ
- ຄວາມເປັນສູນລວມຂອງອາຊຽນໃນການພົວພັນກັບພາຍນອກທາງດ້ານ ການເມືອງ, ເສດຖະ ກິດ, ສັງຄົມ ແລະ ວັດທະນະທຳໂດຍຮັກສາໄວ້ໃນ ການມີສ່ວນຮ່ວມທີ່ແຂງແຮງໃນການເບິ່ງໄປຂ້າງນອກ, ການບໍ່ປິດກັ້ນ.
ແລະ ການບໍ່ເລືອກປະຕິບັດ ແລະ ການຢຶດຫມັ້ນໃນກົດລະບຽບການຄ້າ ແບບຫລາຍຝ່າຍ ຫລື ແບບພະຫຸພາຄີ ແລະ ລະບອບລະບຽບການ ອາຊຽນເຊິ່ງເປັນກົດລະບຽບພື້ນຖານສໍາລັບການປະຕິບັດຕາມຂໍ້ຜູກພັນ ທາງເສດຖະກິດຢ່າງມີປະສິດພາບ ແລະ ການຫລຸດຜອນເທື່ອລະກ້າວ ເພື່ອກ້າວໄປສູ່ການກຳຈັດສິ່ງກີດ ຂວາງຕ່າງໆຕໍ່ການລວມໂຕກັນທາງ ເສດຖະກິດພາກພື້ນທີ່ຂັບເຄື່ອນໂດຍກົນໄກຕະຫລາດ.
ນອກຈາກນີ້, ອາຊຽນຍັງມີຫລັກການອີກຈໍານວນໜຶ່ງທີ່ນໍາໃຊ້ເພື່ອເປັນ ພື້ນຖານໃຫ້ແກ່ການພົວ ພັນຮ່ວມມືກັບບັນດາປະເທດຄູ່ເຈລະຈາ ແລະ ຫລັກການ ດັ່ງກ່າວນັ້ນໄດ້ກຳນົດໄວ້ຢູ່ໃນກົດບັດອາຊຽນ ຄືດັ່ງ ຕໍ່ໄປນີ້:
- ເຄົາລົບເອກະລາດ, ອະທິປະໄຕ, ຄວາມສະເຫນີພາບ, ຜືນແຜ່ນດິນອັນຄົບ ຖ້ວນ ແລະເອກະລັກ ແຫ່ງຊາດຂອງທຸກປະເທດສະມາຊິກອາຊຽນ, ບໍ່ແຊກແຊງ ເຂົ້າໃນກິດຈະການພາຍໃນຂອງກັນ ແລະ ກັນ ແລະ ແກ້ໄຂບັນຫາ ໂດຍສັນຕິວິທີ.
- ມີພັນທະ ແລະຄວາມຮັບຜິດຊອບຮ່ວມກັນ ໃນການສົ່ງເສີມສັນຕິພາບ, ຄວາມຫມັ້ນຄົງ ແລະຄວາມວັດທະນາຖາວອນຂອງພາກພື້ນ.
- ບໍ່ຮຸກຮານ, ຂົ່ມຂູ່ ຫລື ໃຊ້ກຳລັງ ຫລື ການກະທໍາທຸກຮູບແບບທີ່ບໍ່ ສອດຄ່ອງກັບກົດຫມາຍສາກົນ.
- ເຄົາລົບສິດຂອງແຕ່ລະປະເທດໃນການດຳລົງຄົງຕົວ ໂດຍປາສະຈາກ ການແຊກແຊງ, ການໂຄ່ນລົ້ມ ແລະ ການປິບບັງຄັບຈາກພາຍນອກ. ການປັບບັງຄັບຈາ
- ຢຶດໝັ້ນຫລັກການປົກຄອງດ້ວຍກົດຫມາຍ, ການປົກຄອງທີ່ດີ, ຫລັກການ ປະຊາທິປະໄຕ ແລະ ລັດຖະບານທີ່ຖືກ ຕ້ອງຕາມລັດຖະທຳມະນູນ.
- ເຄົາລົບສິດທິຂັ້ນພື້ນຖານ, ສົ່ງເສີມ ແລະ ປົກປ້ອງສິດທິມະນຸດ ແລະ ຄວາມຍຸດຕິທໍາໃນສັງຄົມ.
- ລະເວັ້ນຈາກການມີສ່ວນຮ່ວມໃນການດໍາເນີນນະໂຍບາຍ ຫລື ກິດຈະກຳ ໃດໆ, ລວມທັງການນໍາ ໃຊ້ດິນແດນ ຂອງຕົນໂດຍປະເທດສະມາຊິກອາຊຽນ ຫລື ປະເທດທີ່ບໍ່ແມ່ນສະມາຊິກອາຊຽນ ຫລື ຜູ້ກະ ທຳທີ່ບໍ່ແມ່ນປະເທດໃດໆໜຶ່ງ ເປັນ ໄພຂົ່ມຂູ່ຕໍ່ອະທິປະໄຕ, ຜືນແຜ່ນດິນອັນຄົບຖ້ວນ ຫລື ສະຖຽນ ລະພາບທາງດ້ານ ການເມືອງ ແລະ ເສດຖະກິດ ຂອງບັນດາປະເທດສະມາຊິກອາຊຽນ.
- ເຄົາລົບວັດທະນະທຳ, ພາສາ ແລະ ສາສະໜາທີ່ແຕກຕ່າງກັນຂອງ ປະຊາຊົນອາຊຽນ, ໃນຂະນະດຽວກັນ, ກໍຍົກສູງຄ່ານິຍົມບົນພື້ນຖານຈິດໃຈແຫ່ງ ຄວາມເປັນເອກະພາບ, ທ່າມກາງຄວາມຫລາກຫລາຍໃນອາຊຽນ.
- ຢຶດໝັ້ນຄວາມເປັນແກນກາງຂອງອາຊຽນໃນການພົວພັນຮ່ວມມືກັບພາຍ ນອກ, ຮັກສາທັດສະນະ ແຫ່ງການ ມີສ່ວນ ຮ່ວມຢ່າງຫ້າວຫັນ, ການເບິ່ງໄປຂ້າງ ຫນ້າ, ການເປີດກ້ວາງ ແລະ ບໍ່ແບ່ງແຍກ.
- ສົ່ງເສີມ ການປຶກສາຫາລືບັນຫາທີ່ສົ່ງຜົນກະທົບຕໍ່ສິດຜົນປະໂຫຍດລວມ ຂອງອາຊຽນ:
- ແກ້ໄຂບັນຫາໂດຍສັນຕິວິທີ:
- ບໍ່ແຊກແຊງເຂົ້າໃນກິດຈະການພາຍໃນ:
- ຢຶດຫມັ້ນ ກົດບັດສະຫະປະຊາຊາດ & ກົດຫມາຍສາກົນ.
- ເພື່ອສ້າງຕະຫລາດ ແລະ ຖານການຜະລິດຫນຶ່ງດຽວທີ່ມີສະຖຽນລະ ພາບ, ຄວາມຫມັ້ນຄົງ ແລະ ມີຄວາມສາມາດໃນການແຂ່ງຂັນສູງ ແລະ ມີ ການລວມໂຕກັນທາງເສດຖະກິດເຊິ່ງມີການອໍານວຍຄວາມສະດວກທາງການຄ້າ ແລະ ການລົງທຶນຢ່າງມີປະສິດທິພາບໂດຍມີການເຄື່ອນຍ້າຍສິນຄ້າ, ການ ບໍລິການ ການລົງທຶນຢ່າງເສລີ, ການເຄື່ອນຍ້າຍທີ່ໄດ້ຮັບຄວາມສະດວກຂອງ ນັກທຸລະກິດ, ຜູ່ປະກອບການ, ຜູ່ມີຄວາມສາມາດພິເສດ, ແຮງງານ ແລະ ການ ເຄື່ອນຍ້າຍຢ່າງເສລີຍິ່ງຂື້ນຂອງເງິນທຶນເພື່ອຫລຸດຜ່ອນຄວາມທຸກຍາກ ແລະ ຫລຸດຜ່ອນ ຊອງຫວ່າງການພັດທະນາໃນອາຊຽນຜ່ານການຊວຍເຫລືອເຊິ່ງກັນ ແລະ ກັນ ແລະ ຮວມມືກັນເພື່ອເສີມສ້າງປະຊາທິປະໄຕ, ການປົກຄອງທີ່ດີ ແລະ ຫລັກນິຕິທໍາຕະຫລອດຮອດການສົ່ງເສີມ ແລະ ຄຸ້ມຄອງສິດທິມະນຸດ ເສລີພາບຂັ້ນພື້ນຖານ ໂດຍຄໍານຶງເຖິງສິດທິ ແລະ ຫນ້າທີ່ຂອງປະເທດສະມາຊິກ ແລະ ອາຊຽນເພື່ອປະເສີນຫນ້າຢ່າງມີປະສິດທິພາບຕາມຫລັກຄວາມໝັ້ນຄົງທີ່ຄວບຄຸມ ຮອບດ້ານຕໍ່ກັບສິ່ງທ້າຍທາຍໃນທຸກຮູບແບບ, ອາດຊະຍາກຳຂ້າມຊາດ, ສິ່ງທ້າ ທາຍຂ້າມຊາຍແດນ ແລະ ອື່ນໆ.
- ເພື່ອສະຫນັບສະຫນູນການພັດທະນາແບບຍືນຍົງເພື່ອເຮັດໃຫ້ແນ່ໃຈວ່າມີ ການຄຸ້ມຄອງສະພາບແວດລອ້ມໃນພາກພື້ນ, ຄວາມຍືນຍົງຂອງທຳມະຊາດ ໃນພາກພື້ນ, ການອານຸລັກຮັກສາມໍລະດົກທາງວັດທະນະທໍາໃນພາກພື້ນ ແລະ ຄຸນນະພາບຊີວິດຂອງປະຊາຊົນໃນພາກພື້ນ.
- ເພື່ອພັດທະນາຊັບພະຍາກອນມະນຸດໂດຍຜ່ານການຮ່ວມມືທີ່ໄກ້ຊິດຍິ່ງຂຶ້ນໃນດ້ານການສຶກສາ ແລະ ການຮຽນຮູ້ຕະຫຼອດຊີວິດ, ວິທະຍາສາດ ແລະ ເຕັກໂນໂລຊີເພື່ອເພີ່ມພະລັງຂອງປະຊາຊົນ ແລະ ເສີມສ້າງຄວາມເຂັ້ມແຂງຂອງປະຊາຄົມອາຊຽນ.
- ເພື່ອເພີ່ມພູນຄວາມຢູ່ດີກິນດີ ແລະ ການດຳລົງ ແລະ ການດໍາລົງຊີວິດຂອງປະຊາຊົນ ອາຊຽນດວ້ຍການໃຫ້ປະຊາຊົນມີໂອກາດທີ່ເທົ່າທຽມກັນໃນການເຂົ້າເຖິງ ການພັດທະນາຊັບພະຍາກອນມະນຸດ, ສະຫວັດດີສັງຄົມ ແລະ ຄວາມຍຸຕິທຳ.
- ເພື່ອເສີມສ້າງຄວາມຮ່ວມມືໃນການສ້າງສະພາບແວດລ້ອມທີ່ປອດໄພ. ຫມັ້ນຄົງ ແລະ ປັດສະຈາກຢາເສບຕິດສໍາລັບປະຊາຊົນອາຊຽນ ເພື່ອເສີມສ້າງ ອາຊຽນທີ່ມີປະຊາຊົນເປັນສູນກາງເຊິ່ງທຸກພາກສ່ວນຂອງສັງຄົມໄດ້ຮັບການ ສົ່ງເສີມໃຫ້ມີສ່ວນຮ່ວມ ແລະ ໄດ້ຮັບຜົນປະໂຫຍດຈາກຂະບວນການການລວມ ໂຕ ແລະ ການສ້າງປະຊາຄົມຂອງອາຊຽນ
- ເພື່ອສົ່ງເສີມອັດຕະລັກຂອງອາຊຽນດວ້ຍການສົ່ງເສີມຄວາມສຳນຶກ ເຖິງຄວາມຫລາກຫລາຍທາງດ້ານວັດທະນະທຳ ແລະ ມໍລະດົກຂອງພາກພື້ນຍິ່ງ ຂື້ນ ແລະ ເພື່ອຮັກສາໄວ້ຄວາມເປັນສູນລວມ ແລະ ບົດບາດທີ່ຕັ້ງຫນ້າຂອງ ອາຊຽນໃນຖານະເປັນພະລັງຂັບເຄື່ອນພື້ນຖານຂອງການພົວພັນ ແລະ ການຮ່ວມ ມີລະຫວ່າງອາຊຽນກັບປະເທດນອກພາກພື້ນທີ່ມີຄວາມໂປ່ງໃສ ແລະ ບໍ່ປິດກັ້ນ.”
ທີ່ມາ: ປຶ້ມປະຫວັດສາດວຽກງານການຕ່າງປະເທດຂອງກອງທັບປະຊາຊົນລາວ 1945-2015