ສົມພິນິດ ວົງສົມບັດ

ກອງປະຊຸມໃຫຍ່ຄັ້ງທີ II ຂອງໜ່ວຍພັກກົມຂໍ້ມູນຂ່າວສານ ໃນວັນທີ 10 ມີນາ 2021 ໜ່ວຍພັກກົມຂໍ້ມູນຂ່າວສານຄະນະໂຄສະນາອົບຮົມສູນກາງພັກ ໄດ້ເປີດກອງປະ ຊຸມໃຫຍ່ ຄັ້ງທີ II ຂອງຕົນຂຶ້ນຢູ່ທີ່ຫ້ອງປະຊຸມ ຊັ້ນ 5 ຂອງຄະນະໂຄສະນາອົບຮົມສູນກາງພັກ ໂດຍໃຫ້ກຽດເປັນປະທານຮ່ວມຂອງ ສະຫາຍ ອານົງສັກ ອິນທະວົງ ຄະນະພັກ ຄະນະໂຄສະນາອົບຮົມສູນກາງພັກ, ສະ ຫາຍເລ ຂາ ແລະ ຮອງເລຂາໜ່ວຍພັກກົມຂໍ້ມູນຂ່າວສານ, ມີແຂກຖືກເຊີນຕາງໜ້າໜ່ວຍພັກບັນດາກົມອ້ອມຂ້າງ ຄອສພ ແລະ ບັນດາສະມາຊິກພັກສົມບູນພາຍໃນກົມຂໍ້ມູນຂ່າວສານເຂົ້າຮ່ວມຢ່າງພ້ອມພຽງ. ໃນກອງປະຊຸມ ສະຫາຍ ວັນຕຸລາ ຣັກນຸດ ເລຂາໜ່ວຍພັກກົມຂໍ້ມູນຂ່າວສານ ໄດ້ຂຶ້ນຜ່ານຮ່າງລາຍງານການເມືອງ ຕໍ່ກອງປະຊຸມໃຫຍ່ ຄັ້ງທີ II ຂອງໜ່ວຍພັກກົມຂໍ້ມູນຂ່າວສານຄະນະໂຄສະນາອົບຮົມສູນກາງພັກເຊິ່ງໄດ້ສະຫຼຸບຕີລາຄາດ້ານດີ, ດ້ານອ່ອນ ແລະ ຂໍ້ຄົງຄ້າງ ໃນການເຄື່ອນໄຫວປະຕິບັດໜ້າທີ່ໃນໄລຍະ 5 ປີຜ່ານມາ (2015-2019) ແລະ ວາງທິດທາງວຽກງານຈຸດສຸມໃນ 5 ປີຕໍ່ໜ້າ; ກອງປະຊຸມໄດ້ຄົ້ນຄວ້າ, ປະກອບຄໍາເຫັນໃສ່ຮ່າງບົດລາຍງານການ ເມືອງ […]

ຄຸນປະໂຫຍດຂອງໝາກຕູມ ໝາກຕູມມີຄຸນປະໂຫຍດ ແກ້ອາການຮ້ອນໃນ ເວລາດື່ມນໍ້າໝາກຕູມຈະຮູ້ສຶກສົດຊື່ນ ນອກຈາກນີ້ ຍັງມີຄຸນ ປະໂຫຍດຫຼາຍຢ່າງເຊັ່ນ: 1. ຊ່ວຍຟຶ້ນຟູຮ່າງກາຍຈາກການເປັນໄຂ້ 2. ຊ່ວຍຫຼຸດຜ່ອນນໍ້າຕານໃນເລືອດ 3. ໝາກຕູມຊ່ວຍໃນການດູດຊຶມອິນຊູລິນ ຂອງຜູ້ມີພະຍາດເບົາຫວານ 4. ຊ່ວຍແກ້ອາການອ່ອນເພຍຈາກອາການເຈັບທ້ອງ, ຖອກທ້ອງ ຫຼື ອາຫານເປັນພິດ 5. ດື່ມນໍ້າໝາກຕູມຊ່ວຍແກ້ອາການອືດທ້ອງ, ອາຫານບໍ່ຍ່ອຍ 6. ຊ່ວຍໃຫ້ກິນເຂົ້າແຊບ ແລະ ຮັກສາລໍາໃສ້ 7. ຊ່ວຍຂ້າເຊື້້ອໂລກໃນລໍາໃສ້ 8. ນໍ້າໝາກຕູມເປັນຢາລະບາຍອ່ອນໆ ເຮັດໃຫ້ເຮົາຮູ້ສຶກເບົາໂຕ. 9. ຮາກຂອງໝາກຕູມເປັນຢາສະໝຸນໄພຊ່ວຍຮັກສາອາການໄຂ້ 10. ໃບໝາກຕູມເປັນຢາຊ່ວຍຮັກສາບາດແຜ 11. ຊ່ວຍປັບຄວາມສົມດຸນ ຂອງຮ່າງກາຍ 12. ເປັນຢາແກ້ຫຼອດລົມອັກເສບ 13. ໝາກຕູມມີລົດຊາດຫວານ ແຕ່ບໍ່ເປັນອັນຕະລາຍຕໍ່ສຸຂະພາບ 14. ຊ່ວຍຫຼຸດຜ່ອນອາການບວມຊໍ້າ ຂອງຜິວໜັງ 15. ຊ່ວຍແກ້ໄອ ແລະ ແກ້ຫອບຫືດ 16. ປະໂຫຍດ ຂອງໝາກຕູມຊ່ວຍຂັບສານຜິດອອກທາງປັດສະວະ ວິທີປຸງແຕ່ງ 1. […]

ຜົນຮ້າຍຂອງແປ້ງນົວ. ແປ້ງນົວ ເປັນອັນຕະລາຍກວ່າທີ່ຄິດເນື່ອງຈາກວ່າແປ້ງນົວມີໂຊດຽມທີ່ເຮັດມາຈາກໂຊດາໄຟ, ເປັນອົງປະກອບສໍາຄັນແຕ່ມີຜົນຮ້າຍຕໍ່ສຸຂະພາບຂອງຄົນເຮົາເຊັ່ນ: • ເຮັດໃຫ້ພູມຕ້ານທ້ານ ຫຼື ພູມຄຸ້ມກັນຂອງຮ່າງກາຍຄົນເຮົາຫຼຸດລົງ. • ເປັນອັນຕະລາຍຕໍ່ຜູ້ທີ່ເປັນພະຍາດເຊັ່ນ: ຄວາມດັນເລືອດສູງ, ໂລກໄຕ, ໂລກຫົວໃຈເປັນຕົ້ນ. • ໃນເວລາປຸງແຕ່ງອາຫານຫາກໃສ່ແປ້ງນົວຫຼາຍກິນເຂົ້າໄປຈະເກີດມີອາການຊາ ແລະ ຮ້ອນວູບວາບທີ່ປາກ, ລິ້ນ ແລະ ໃບໜ້າ, ແໜ້ນເອິກ, ຫົວໃຈເຕັ້ນຊ້າລົງ, ຫາຍໃຈບໍ່ສະດວກເປັນຕົ້ນ. • ແປ້ງນົວເປັນອັນຕະລາຍຕໍ່ລະບົບປະສາດສາຍຕາ, ເສຍສາຍຕາ ຫຼື ເກີດຕາບອດ. • ເຮັດໃຫ້ກະດູກ ແລະ ໄຂກະດູກຂອງທ່ານຊຶ່ງເປັນສ່ວນຜະລິດເມັດເລືອດແດງໃນຮ່າງ ກາຍເຮັດໃຫ້ເລືອດຈາງໄດ້ໃນທີ່ສຸດ. • ມີສ່ວນທໍາຮ້າຍສະໝອງສ່ວນໜ້າຊຶ່ງເປັນສ່ວນສໍາຄັນໃນການຄວບຄຸມການຈະເລີນເຕີບໂຕ ແລະ ລະບົບສືບພັນຂອງຮ່າງກາຍ, ອາດຈະເປັນໝັນໄດ້.

ຄະນະໂຄສະນາອົບຮົມສູນກາງພັກ ສົມທົບກັບ ກະຊວງຍຸຕິທຳ ເປີດຊຸດຝຶກອົບຮົມຄວາມຮູ້ພື້ນຖານກ່ຽວກັບວຽກງານໂຄສະນາ-ປາຖະກະຖາຄັ້ງທີ II. ໃນວັນທີ 1-5 ກຸມພາ 2021 ຜ່ານມາ, ກົມໂຄສະນາ ຄະນະໂຄສະນາອົບຮົມສູນກາງພັກ ສົມທົບກັບ ກະຊວງຍຸຕິທຳ ເປີດຊຸດຝຶກອົບຮົມຄວາມຮູ້ພື້ນຖານກ່ຽວກັບວຽກງານໂຄສະນາ-ປາຖະກະຖາຄັ້ງທີ II ຂຶ້ນຢູ່ທີ່ ຫ້ອງປະ ຊຸມຂອງກະຊວງຍຸຕິທໍາ; ໂດຍການເປັນປະທານຮ່ວມຂອງ ທ່ານ ໄພວີ ສີບົວລີພາ ກຳມະການສູນກາງພັກ, ເລ ຂາຄະນະບໍລິຫານງານພັກ ກະຊວງຍຸຕິທຳ ຮອງລັດຖະມົນຕິກະຊວງຍຸຕິທຳ ແລະ ທ່ານ ນ. ບົວລີ ບັນຊາລິດ ຄະ ນະພັກ ຫົວໜ້າກົມໂຄສະນາ ຄະນະໂຄສະນາອົບຮົມສູນກາງພັກ, ເຂົ້າຮ່ວມມີ: ຄູອາຈານພ້ອມດ້ວຍ ນັກສຳມະນາກອນຂອງກະຊວງຍຸຕິທຳທັງໝົດ 50 ສະຫາຍ, ຍິງ 23 ສະຫາຍ. ຈຸດປະສົງໃນການເປີດຊຸດອົບຮົມວຽກງານໂຄສະນາ-ປາຖະກະຖາໃນຄັ້ງນີ້ ເພື່ອແນ່ໃສ່ບຸກທະລຸທາງດ້ານຈິນ ຕະນາການຂອງວຽກງານແນວຄິດ, ເພື່ອຍົກລະດັບຄວາມຮູ້ທາງດ້ານວິທີການໂຄສະນາດ້ວຍປາກ ໃຫ້ບັນດານັກສຳມະນາກອນຮັບຮູ້ເຂົ້າໃຈຢ່າງເລິກເຊິ່ງຕໍ່ວຽກງານໂຄສະນາ-ປາຖະກະຖາ ແລະ ມີຄວາມເອກະພາບກັນ ໃນການຈັດຕັ້ງປະຕິບັດວຽກງານໂຄສະນາ-ປາຖະກະຖາ ໃຫ້ມີຄວາມເຂັ້ມແຂງ. ເນື້ອໃນເອກະສານໃນການຝຶກອົບຮົມ […]

ກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກ ພົບປະແລກປ່ຽນບົດຮຽນທາງດ້ານວຽກງານເອເລັກໂຕຣນິກ ກັບ ສະຖາບັນເຕັກໂນໂລຊີຄອມພິວເຕີ ແລະ ເອເລັກໂຕຣນິກ ກະຊວງວິທະຍາສາດເຕັກໂນໂລຊີ. ໃນຕອນບ່າຍຂອງວັນທີ 4 ກຸມພາ 2021 ຜ່ານມາ, ກົມຂໍ້ມູນຂ່າວສານ, ຄະນະໂຄສະນາອົບຮົມສູນກາງພັກ ໄດ້ພົບປະແລກປ່ຽນບົດຮຽນທາງດ້ານວຽກງານເອເລັກໂຕຣນິກ (ໄອຊີທີ) ກັບ ສະຖາບັນເຕັກໂນໂລຊີຄອມພິວເຕີ ແລະ ເອເລັກໂຕຣນິກ ກະຊວງວິທະຍາສາດເຕັກໂນໂລຊີ, ເຊິ່ງນໍາໂດຍ ທ່ານ ວັນຕຸລາ ຣັກນຸດ ຫົວ ໜ້າກົມຂໍ້ມູນຂ່າວສານ, ພ້ອມດ້ວຍຄະນະ ໂດຍການຕ້ອນຮັບຂອງທ່ານ ວິລະສັກ ອິນທະປະຖາ ຫົວໜ້າສະຖາ ບັນເຕັກໂນໂລຊີຄອມພິວເຕີ ແລະ ເອເລັກໂຕຣນິກ ພ້ອມດ້ວຍຄະນະ. ໃນພິທີ ທ່ານ ວັນຕຸລາ ຣັກນຸດ ໄດ້ກ່າວຈຸດປະສົງ ແລະ ສະແດງຄວາມຂອບໃຈຕໍ່ການຕ້ອນຮັບຂອງຄະນະ ແລະ ພະນັກງານຂອງ ສະຖາບັນເຕັກໂນໂລຊີຄອມພິວເຕີ ແລະ ເອເລັກໂຕຣນິກ. ໃນການພົບປະແລກປ່ຽນບົດ ຮຽນໃນຄັ້ງນີ້ແນ່ໃສ່ ເພື່ອເຮັດໃຫ້ພະນັກງານວິຊາການທັງສອງຝ່າຍໄດ້ແລກປ່ຽນບົດຮຽນເຊິ່ງກັນ ແລະ ກັນຢ່າງເລິກເຊິ່ງກ່ຽວກັບວຽກງານໄອທີ ກໍຄືການພັດທະນາ, […]