ເພສກົມຂໍ້ມູນຂ່າວສານ ແລະ ຝຶກອົບຮົມ
ໃນວັນທີ 27 ສິງຫາ 2026 ທີ່ນະຄອນຊີໜິງ ແລະ ເມືອງຢູຊູ ແຂວງຊິງໄຫ່, ສປ ຈີນ, ໂດຍມີຕົວແທນຈາກ 6 ປະເທດລຽບຕາມແມ່ນ້ຳລ້ານຊ້າງ-ແມ່ນ້ຳຂອງ ເຂົ້າຮ່ວມ. ການຈັດງານຄັ້ງນີ້ ມີຈຸດປະສົງສຳຄັນໃນການເປັນເວທີແລກປ່ຽນທັດສະນະ, ປະສົບການ ແລະ ເສີມສ້າງການຮ່ວມມືດ້ານສື່ມວນຊົນລະຫວ່າງບັນດາປະເທດໃນພາກພື້ນ. ພາຍໃນງານມີທັງການສົນທະນາຈາກແຫຼ່ງກຳເນີດແມ່ນ້ຳລ້ານຊ້າງ-ແມ່ນ້ຳຂອງ ແລະ ເວທີປຶກສາຫາລືສື່ມວນຊົນການຮ່ວມມືລ້ານຊ້າງ-ແມ່ນ້ຳຂອງ. ໃນໂອກາດດັ່ງກ່າວ, ທ່ານ ນາງ ສີວັນໄຊ ສີພັນຄໍາ, ຮອງຜູ້ອໍານວຍການໃຫຍ່ ສຳນັກຂ່າວສານປະເທດລາວ (ຂປລ) ໄດ້ຕາງໜ້າໃຫ້ຄະນະສື່ມວນຊົນລາວ ສະແດງທັດສະນະວ່າ: ການຮ່ວມມືດ້ານສື່ມວນຊົນແລກປ່ຽນຂ່າວສານ ເປັນກົນໄກສ້າງສາຍພົວພັນ, ເພີ່ມຄວາມເຂົ້າໃຈ ແລະ ຮ່ວມກັນບອກເລົ່າເລື່ອງລາວຂອງພາກພື້ນຢ່າງເລິກເຊິ່ງ, ຮອບດ້ານ ແລະ ສະທ້ອນສະພາບຕົວຈິງ. ສຳລັບພະນັກງານກົມຂໍ້ມູນຂ່າວສານ ຄອສພ, ການເຂົ້າຮ່ວມງານຄັ້ງນີ້ ເປັນໂອກາດສຳຄັນໃນການຮຽນຮູ້, ແລກປ່ຽນປະສົບການ ແລະ ເກັບກ່ຽວບົດຮຽນຈາກສື່ມວນຊົນພາກພື້ນ ເພື່ອນຳມາປັບໃຊ້ໃນການພັດທະນາງານຂໍ້ມູນຂ່າວສານ ໃຫ້ມີຄວາມທັນສະໄໝ, ຊັດເຈນ, ຫຼາກຫຼາຍ, ຖືກຕ້ອງ […]
ໂຄງການຝຶກອົບຮົມນັກຂ່າວ ແລະ ສື່ມວນຊົນຮຸ່ນໜຸ່ມຈາກບັນດາປະເທດສະມາຊິກ ແລະ ປະເທດຄູ່ຮ່ວມມືຂອງອົງການຮ່ວມມືຊຽງໄຮ (SCO) ໄດ້ສຳເລັດໃນວັນທີ 25 ສິງຫາ 2026 ພາຍຫຼັງດຳເນີນການຝຶກອົບຮົມແຕ່ວັນທີ 06 ສິງຫາ 2026 ຫາ 25ສິງຫາ2026 ທີ່ ສປ ຈີນ ໂດຍມີຜູ້ແທນ ແລະ ນັກຂ່າວສື່ມວນຊົນຈາກ 7 ປະເທດ ເຂົ້າຮ່ວມມີ: ອາເມນີ, ອາເຊີໄບຈານ, ອີຢິບ, ອີຣັກ, ສປປ ລາວ, ມົງໂກເລຍ ແລະ ຊູດານໃຕ້. ໂຄງການດັ່ງກ່າວ ເປັນເວທີໃຫ້ນັກຂ່າວ ແລະ ສື່ມວນຊົນຈາກບັນດາປະເທດ ໄດ້ແລກປ່ຽນຄວາມຮູ້, ປະສົບການ ແລະ ແນວຄິດດ້ານວຽກງານສື່ມວນຊົນ ພ້ອມທັງສົ່ງເສີມສາຍພົວພັນ ແລະ ການຮ່ວມມືດ້ານສື່ສານລະຫວ່າງ ສປ ຈີນ ກັບ ບັນດາປະເທດຜູ້ເຂົ້າຮ່ວມ, ຕະຫຼອດໄລຍະ 20 ວັນຂອງການຝຶກອົບຮົມ, ຜູ້ເຂົ້າຮ່ວມໄດ້ຮັບຟັງການບັນຍາຍ ແລະ ແລກປ່ຽນກັບບັນດາຜູ້ນຳ, […]
ພະນັກງານກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກ ເຂົ້າຮ່ວມຝຶກອົບຮົມ 2 ຫົວຂໍ້ສຳຄັນ ໃນລະຫວ່າງ ວັນທີ 28 – 31 ກໍລະກົດ 2026, ທີ່ ໂຮງແຮມ Double Tree, ນະຄອນຫຼວງວຽງຈັນ, ກະຊວງເຕັກໂນໂລຊີ ແລະ ການສື່ສານ ໄດ້ເປີດຝຶກອົບຮົມ 2 ຫົວຂໍ້ສຳຄັນ ຄື: “ຄວາມປອດໄພ ທາງດ້ານໄຊເບີ ສໍາລັບຜູ້ວາງນະໂຍບາຍ ແລະ ພະນັກງານລັດຖະກອນ” ແລະ “ ການເພີີ່ມຂີດຄວາມສາມາດ ໃຫ້ແກ່ຜູ້ປະກອບການເພດຍິງ ໂດຍຜ່ານການຫັນເປັນດິຈິຕອນ” ໄດ້ຮັບກຽດເປັນປະທານກ່າວເປີດພິທີດັ່ງກ່າວໂດຍ ທ່ານ ແກ້ວວິສຸກ ໂສລະພົມ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ແລະ ທ່ານ Bakhodir Burkhanov, ຜູ້ປະສານງານອົງການສະຫະປະຊາຊາດ ປະຈໍາ ສປປ ລາວ ແລະ ມີຜູ້ເຂົ້າຮ່ວມທີ່ມາຈາກ ບັນດາກະຊວງ, ສະຖາບັນການສຶກສາ, ຜູ້ປະກອບທຸລະກິດ […]
ຄະນະນັກສຳມະນາຈາກບັນດາກະຊວງ, ອົງການ ແລະ ທ້ອງຖິ່ນ ຂອງ ສປປ ລາວ ໄດ້ສະຫຼຸບຜົນການເຂົ້າຮ່ວມສຳມະນາ ຫົວຂໍ້ “ການເລັ່ງລັດສ້າງຂີດຄວາມສາມາດຂອງບຸກຄະລາກອນ ດ້ານປັນຍາປະດິດ (AI) ຂອງ ສປປ ລາວ” ທີ່ຈັດຂຶ້ນໂດຍກະຊວງການຄ້າ ສປ ຈີນ ແລະ ມອບໃຫ້ວິທະຍາໄລເຕັກນິກວິຊາຊີບການຄ້າສາກົນກວາງຊີ ເປັນເຈົ້າການ ໃນລະຫວ່າງວັນທີ 9-24 ກໍລະກົດ 2026 ຢູ່ແຂວງກວາງຊີ ສປ ຈີນ.
ນັກຂ່າວແມ່ຍິງລາວ ຮ່ວມຖອດຖອນບົດຮຽນການນຳໃຊ້ AI ແລະ ສື່ມວນຊົນຍຸກໃໝ່ ນັກຂ່າວແມ່ຍິງລາວ ຮ່ວມຖອດຖອນບົດຮຽນ 10 ຫົວຂໍ້ຫຼັກ ທີ່ເມືອງນານນິງ: ເນັ້ນການນຳໃຊ້ AI ແລະ ສື່ມວນຊົນຍຸກໃໝ່ ເພື່ອເຊື່ອມໂຍງວັດທະນະທຳ ອາຊຽນ-ຈີນ ນານນິງ, ສປ ຈີນ ເຂົ້າຮ່ວມມີ: ຄະນະນັກຂ່າວແມ່ຍິງ ຈາກສຳນັກຂ່າວລາວ ພ້ອມດ້ວຍເພື່ອນຮ່ວມອາຊີບສື່ມວນຊົນ ແລະ ພະນັກງານລັດຖະບານ ຈາກປະເທດມຽນມາ ແລະ ອິນໂດເນເຊຍ ລວມທັງໝົດ 27 ທ່ານ ໄດ້ຮ່ວມກັນເຈາະເລິກ 10 ຫົວຂໍ້ບັນຍາຍລະດັບສາກົນ ໃນກອງປະຊຸມສໍາມະນາ “Seminar for Female Multimedia Journalists from ASEAN Countries” ທີ່ຈັດຂຶ້ນຢູ່ ເມືອງນານນິງ ແຂວງກວາງຊີ ສປ ຈີນ ເພື່ອແນໃສ່ການຍົກລະດັບສັກກາຍະພາບຂອງແມ່ຍິງໃນວົງການສື່ສານມວນຊົນ ໃຫ້ກ້າວທັນກັບເຕັກໂນໂລຊີລະດັບໂລກ. ການຝຶກອົບຮົມໃນຄັ້ງນີ້ ບໍ່ພຽງແຕ່ເປັນການສ້າງເຄືອຂ່າຍລະຫວ່າງອາຊຽນ ແລະ ຈີນ ເທົ່ານັ້ນ, […]
