ເພສຫ້ອງການ

ສ້າງ​ຕາ​ໜ່າງ​ນັກໂຄສະນາ-ປາຖະກະຖາ ແລະ ຜູ້​ເຮັດ​ວຽກ​ງານເກັບ​ກຳ​ຫາງ​ສຽງ​ສັງ​ຄົມ ໃຫ້ແກ່ພະນັກງານຫຼັກ​ແຫຼ່ງ​ພາຍ​ໃນ ແຂວງ​ສະ​ຫວັນ​ນະ​ເຂດ                                                                     ຂ່າວ​ໂດຍ: ຈິນດາວັນ ອິນສົມເພຍ ເພື່ອຍົກລະດັບຄວາມຮູ້-ຄວາມສາມາດ ແລະ ເຕັກ​ນິກ ໃຫ້ແກ່​ພະ​ນັກ​ງານຜູ້​ທີ່​ເຮັດໂຄສະນາ-ປາຖະກະຖາ ແລະ ​​ເກັບ​ກຳຫາງ​ສຽ​ງ​ສັງ​ຄົມ ພາຍ​ໃນ​ແຂວງ​ສະ​ຫວັນ​ນະ​ເຂດ ​ໃຫ້​ສາ​ມາດນຳເອົາແນວທາງນະໂຍບາຍຂອງພັກ-ລັດ ໄປຈັດ​ຕັ້ງເຜີຍແຜ່ ແລະ ຜັນ​ຂະ​ຫຍາຍ​ເຂົ້າ​ໃນ​ໜ້າ​ທີ່​ຄວາມ​ຮັບ​ຜິດ​ຊອບ ຂອງ​ຕົນ ແລະ ​ທົ່ວ​ສັງ​ຄົມ ໃຫ້ກວ້າງ​ຂວາງ, ທົ່ວ​ເຖິງ ແລະ ເລິກເຊິ່ງ, ​ກົມ​ໂຄ​ສະ​ນາ ແລະ ຫ້ອງ​ການ ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ ຮ່ວມ​ກັບ​ ຄະ​ນະ​ໂຄ​ສະ​ນາ​ອົບ​ຮົມ​ ແຂວງ​ສະ​ຫວັດ​ນະ​ເຂດ ໄດ້​ຈັດ​ຊຸດ​ຝຶກ​ອົບ​ຮົມ​ວຽກ​ງານ​ໂຄ​ສະ​ນາ​-ປາ​ຖະ​ກະ​ຖາ ແລະ ວຽກ​ງານ​ເກັບ​ກຳ​ຫາງ​ສຽງ​ສັງ​ຄົມ ຂຶ້ນໃນຕອນເຊົ້າ ຂອງວັນທີ 23 ​ກັນ​ຍາ 2025 ທີ່​ໂຮງ​​ຮຽນການ​ເມືອງ ແລະ ການປົກ​ຄອງ​ ຂອງ​ແຂວງ​ສະ​ຫວັນ​ນະ​ເຂດ ໂດຍ​ການ​ເຂົ້າ​ຮ່ວມ​ຂອງ​ທ່ານ ອາ​ນົງ​ສັກ ອິນ​ທະ​ວົງ ກຳ​ມະ​ການ​​ຄະ​ນະພັກ ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ, ຫົວ​ໜ້າ​ກົມ​ໂຄ​ສະ​ນາ, ທ່ານ ບຸນ​ເພັງ ຈັນ​ທະ​ດາ​ລາ […]

ໃນຕອນເຊົ້າ ຂອງວັນທີ 25 ກໍລະກົດ 2024 ທີ່ຫ້ອງປະຊຸມທາງໄກ ຄະນະໂຄສະນາອົບຮົມສູນກາງພັກ ໄດ້ມີພິທີມອບ-ຮັບປື້ມ ລະຫວ່າງສຳນັກພິມ ແລະ ຈຳໜ່າຍປື້ມແຫ່ງລັດ ກະຊວງວັດທະນະທຳ ແລະ ທ່ອງທ່ຽວ ແລະ ຫ້ອງສະໝຸດຄະນະໂຄສະນາອົບຮົມສູນກາງພັກ ໃຫ້ກຽດກ່າວມອບໂດຍ ທ່ານ ໄຊຍະພອນ ອານຸລາດ ເລຂາໜ່ວຍພັກ ອຳນວຍການໃຫຍ່ສຳນັກພິມ ແລະ ຈຳໜ່າຍປື້ມແຫ່ງລັດ ພ້ອມດ້ວຍຄະນະ, ກ່າວຮັບໂດຍ ທ່ານ ບົວໄລ ຊົມພູແກ້ວ ຮອງຫົວໜ້າຫ້ອງການ ຄະນະໂຄສະນາອົບຮົມສູນກາງພັກ ພ້ອມດ້ວຍຄະນະ.

ຫ້ອງການ ແລະ ກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກຮ່ວມກັນຈັດພິທີເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນ     ໃນວັນທີ 05 ທັນວາ 2024, ທີ່ຫ້ອງປະຊຸມຊັ້ນ5 ຄະນະໂຄສະນາອົບຮົມສູນກາງພັກ ຫ້ອງການ ແລະ ກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກຮ່ວມກັນຈັດພິທີເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນ ໂດຍເປັນກຽດເຂົ້າຮ່ວມເປັນປະທານຂອງສະຫາຍ ສາຄອນ ພົມມະລາດ ກຳມະການຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກ ມີບັນດາສະຫາຍເລຂາໜ່ວຍພັກ, ຮອງເລຂາໜ່ວຍພັກ ແລະ  ສະມາຊິກພັກທັງສອງກົມເຂົ້າຮ່ວມຢ່າງພ້ອມພຽງ. ໃນພິທີ ສະຫາຍ ວັນຕຸລາ ຣັກນຸດ ກຳມະການຄະນະພັກ, ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ ໄດ້ຕາງໜ້າເລຂາໜ່ວຍພັກຂື້ນມີຄຳເຫັນຕໍ່ສອງສະຫາຍສະມາຊິກພັກສຳຮອງທີ່ຈະເລື່ອນຂຶ້ນເປັນສະມາຊິກພັກສົມບູນໃນຄັ້ງນີ້ວ່າ: ການສືບຕໍ່ສ້າງພະນັກງານສືບທອດຜູ້ທີ່ມີຕາມມາດຖານເງື່ອນໄຂຄົບຖ້ວນ ແລະ ເປັນແບບຢ່າງໃນການຝຶກຝົນຫຼໍ່ຫຼອມຕົນເອງ, ການກໍ່ສ້າງສະມາຊິກພັກຜູ້ຫ້າວຫັນແມ່ນແນໃສເພີ່ມກຳລັງແຮງເຂົ້າໃນຖັນແຖວສະມາຊິກພັກ-ພະນັກງານໃຫ້ເປັນກຳລັງແຮງໜຸ່ມແໜ້ນເພື່ອສືບທອດພາລະກິດຂອງພັກໃນອະນາຄົດ. ຫຼັງຈາກນັ້ນກໍໄດ້ຈັບມືຮັບເອົາ 2 ສະຫາຍສະມາຊິກພັກສົມບູນໃໝ່ເຂົ້າດຳເນີນຊີວິດໜ່ວຍພັກແຕ່ລະກົມຕາມກົດລະບຽບຂອງພັກ. ໃນຕອນທ້າຍພິທີ ສະຫາຍ ສາຄອນ ພົມມະລາດ ກຳມະການຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກ ມີຄຳເຫັນໂອ້ລົມເຊິ່ງກ່ອນອຶ່ນທ່ານໄດ້ຍ້ອງຍໍຊົມເຊີຍບັນດາສະມາຊິກພັກໃໝ່ ທັງໄດ້ເນັ້ນໜັກໃຫ້ບັນດາສະມາຊິກພັກໃໝ່ນີ້ຈົ່ງປະຕິບັດກົດລະບຽບຂອງພັກປະຊາຊົນປະຕິວັດລາວສະໄໝທີ XI ຢ່າງເຂັ້ມງວດໂດຍສະເພາະ 11 ຂໍ້ຫ້າມ, ສິດຂອງສະມາຊິກພັກສົມບູນ 11 ຂໍ້, […]