ອົບຮົມຄວາມຮູ້ພື້ນຖານດ້ານການເມືອງ-ການປົກຄອງ, ການສ້າງບ້ານພັດທະນາໃຫ້ແກ່ປະຊາ ຊົນຢູ່ກຸ່ມບ້ານຕາຕື ເມືອງດາກຈຶງ ແຂວງ ເຊກອງ.
ປະຕິບັດຕາມຂໍ້ຕົກລົງຂອງຄະນະໂຄສະນາອົບຮົມສູນກາງພັກ ສະບັບເລກທີ209/ຄອສພ,ລົງວັນທີ22/12/2020ວ່າດ້ວຍການແຕ່ງຕັ້ງພະນັກງານລົງສົມທົບກັບຄະນະໂຄສະນາອົບຮົມແຂວງ,ເມືອງ ເພື່ອຈັດຕັ້ງອົບຮົມຄວາມ ຮູ້ພື້ນຖານດ້ານການ ເມືອງ-ການປົກຄອງ,ການສ້າງບ້ານພັດທະນາ ຢູ່ ກຸ່ມບ້ານຕາຕຶ ເມືອງດາກຈຶງ ແຂວງ ເຊກອງ ຊື່ງປະກອບມີ ສະຫາຍ ນາງ ສຸກສະຫວັນ ອິນຄະວິໄລ ຮອງຫົວໜ້າກົມອົບຮົມພ້ອມດ້ວຍຄະນະ, ຄະນະໂຄສະນາອົບຮົມແຂວງ, ຄະນະໂຄສະນາອົບຮົມເມືອງ ແລະ ການນຳເມືອງດາກຈຶງ.
ການອົບຮົມຄັ້ງນີ້ໄດ້ຈັດຂຶ້ນທີ່ໂຮງຮຽນມັດທະຍົມຕອນຕົ້ນ ບ້ານຕາຕື ຊື່ງພາຍໃຕ້ການເປັນປະທານຂອງ ທ່ານ ເພັງນາ ຈັນທິພອນ ຮອງເລຂາພັກພັກເມືອງ ປະທານກວດກາພັກ, ຫົວໜ້າອົງການກວດກາລັດ ປະກອບມີ 3 ບ້ານເຂົ້າຮ່ວມຄື: ບ້ານດາກເລ, ບ້ານດາກມີ, ບ້ານດາກບູ, ມີຈຳນວນ 40 ສະຫາຍ, ຍິງ 10 ສະຫາຍ, ສະມາຊິກພັກ 10 ສະຫາຍ, ຍິງ 2 ສະຫາຍ, ພະນັກງານຄູອາຈານ 14 ສະຫາຍ, ຍິງ 6 ສະຫາຍ, ນາຍບ້ານ 3 ສະຫາຍ, ຮອງນາຍບ້ານ 6 ສະຫາຍ, ຍິງ 1 ທ່ານ, ກອງຫຼອນບ້ານ 3 ສະຫາຍ, ແນວໂຮມ 3 ທ່ານ, ຊາວໝຸ່ມ 3ສະຫາຍ, ແພດປະຈໍາສຸກສາລາ 1 ສະຫາຍ
ເນື້ອໃນອົບຮົມແມ່ນນຳໃຊ້ເອກະສານ 5 ບົດ ເອກະສານຄວາມຮູ້ພື້ນຖານດ້ານການເມືອງ-ການປົກຄອງ, ການສ້າງບ້ານພັດທະນາ :
+ ບົດທີ 1: ຊາດລາວ,ຄົນລາວ ແລະ ມູນເຊື້ອອັນສະຫງ່າລາສີຂອງປະຊາຊົນລາວ ( ບັນຍາຍໂດຍ ທ່ານເພັງນາ ຈັນທະພອນ ຮອງເລຂາພັກເມືອງ ປະທານກວດກາພັກ, ຫົວໜ້າອົງການກວດກາລັດ) .
+ ບົດທີ 2: ລະບົບການເມືອງ ແລະ ການປົກຄອງ ໃນລະບອບປະຊາທິປະໄຕປະຊາຊົນ (ບັນຍາຍໂດຍ ທ່ານ ແສງຄໍາ ສຸວັນແດງ ຮອງຫົວໜ້າຄະນະໂຄສະນາອົບຮົມແຂວງ).
+ ບົດທີ 3: ຍົກສູງຄວາມສາມາດນໍາພາຂອງໜ່ວຍພັກບ້ານ, ສ້າງໜ່ວຍພັກປອດໃສ, ເຂັ້ມແຂງ ແລະໜັກແໜ້ນ, ບົດທີ 4: ການສ້າງບ້ານເປັນຫົວໜ່ວຍພັດທະນາ( ບັນຍາຍໂດຍ ສະຫາຍ ນາງສຸສະຫວັນ ອິນຄະວິໄລ ຮອງຫົວໜ້າກົມອົບຮົມ).
+ ບົດທີ 5: ການແກ້ໄຂຄວາມທຸກຍາກ ແລະ ຜະລິດເປັນສິນຄ້າ( ບັນຍາຍໂດຍ ສະຫາຍ ວຸດສໍາພັນ ມິ່ງໂພໄຊ ຮອງຫົວໜ້າຄະນະໂຄສະນາອົບຮົມເມືອງ).
ຊຸດອົບຮົມຄັ້ງນີ້ແມ່ນໄດ້ຮັບການຮ່ວມມືຈາກ ຄະນະໂຄສະນາອົບຮົມແຂວງ ແລະ ຄະນະໂຄສະນາອົບຮົມເມືອງເປັນຢ່າງດີ, ມີການແຕ່ງຕັ້ງຄະນະຮັບຜີດຊອບ ແລະ ມີການແບ່ງງານແບ່ງຄວາມຮັບຜິດຊອບໃຫ້ແຕ່ລະສະຫາຍຢ່າງລະອຽດເຮັດໃຫ້ຊຸດອົບຮົມດຳເນີນຕາມແຜນ ແລະ ບັນລຸຕາມເປົ້າໝາຍທີ່ວາງໄວ້, ຜູ້ບັນຍາຍເອກະສານສ່ວນຫຼາຍແມ່ນມີປະສົບການສາມາດຊີ້ແຈງອະທິບາຍໃຫ້ຜູ້ເຂົ້າຮ່ວມມີຄວາມເຂົ້າໃຈເປັນຢ່າງດີ, ນັກອົບຮົມແຕ່ລະສະຫາຍມີຄວາມຫ້າວຫັນຕື່ນຕົວເຂົ້າຮ່ວມຊື່ງສະແດງອອກໃນການປະຕິບັດໂມງເວລາເຂັ້ມງວດ ແລະ ສົນທະນາແລກປ່ຽນຄຳເຫັນກັບຜູ້ບັນຍາຍຢ່າງຟົດຟື້ນ.