ຄະນະໂຄສະນາອົບຮົມສູນກາງພັກ ແລະ ສະມາຄົມມິດຕະພາບ ລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ ໄດ້ຈັດພິທີປາຖະກະຖາ ເນື່ອງໃນໂອກາດວັນຄ້າຍວັນເກີດ ຂອງ ປະທານ ກິມ ເຈິງ ອິນ ຄົບຮອບ 80 ປີ(16/2/1949 - 16/2/2022) - ຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ

ຄະນະໂຄສະນາອົບຮົມສູນກາງພັກ ແລະ ສະມາຄົມມິດຕະພາບ ລາວ – ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ ໄດ້ຈັດພິທີປາຖະກະຖາ ເນື່ອງໃນໂອກາດວັນຄ້າຍວັນເກີດ ຂອງ ປະທານ ກິມ ເຈິງ ອິນ ຄົບຮອບ 80 ປີ(16/2/1949 – 16/2/2022)

ໃນຕອນເຊົ້າວັນທີ 14 ກຸມພາ 2022 ຄະນະໂຄສະນາອົບຮົມສູນກາງພັກ ແລະ ສະມາຄົມມິດຕະພາບ ລາວ – ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ ໄດ້ຈັດພິທີປາຖະກະຖາ ເນື່ອງໃນໂອກາດວັນຄ້າຍວັນເກີດ ຂອງ ປະທານ ກິມ ເຈິງ ອິນ ຄົບຮອບ 80 ປີ(16/2/1949 – 16/2/2022) ຂຶ້ນທີ່ຫ້ອງປະຊຸມ ຄະນະໂຄສະນາອົບຮົມສູນກາງພັກ ໃຫ້ກຽດເຂົ້າຮ່ວມມີສະຫາຍ ລາວປາວຊົງ ນະວົງໄຊ, ກຳມະການສູນກາງພັກ, ຮອງຫົວໜ້າຄະນະໂຄສະນາອົບຮົມສູນກາງພັກ; ສະຫາຍ ປ້ານ ນ້ອຍມະນີ, ອະດີດກຳມະການສູນກາງພັກ, ປະທານສະມາຄົມມິດຕະພາບ ລາວ – ສປປ ເກົາຫຼີ， ສະຫາຍ ລີ ຢົງ ຊົນ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສປປ ເກົາຫຼີ ປະຈຳ ສປປ ລາວ, ສະຫາຍ ວາລະໄຊ ເລັ່ງສະຫວັດ, ຮອງຫົວໜ້າຄະນະພົວພັນຕ່າງປະເທດສູນກາງພັກ; ມີບັນດາສະຫາຍຮອງເລຂາຄະນະພັກກະຊວງ-ອົງການ, ຫົວໜ້າພະແນກ, ຮອງຫົວໜ້າພະແນກ, ພະນັກງານພາຍໃນ ຄອສພ ເຂົ້າຮ່ວມມີຈຳນວນ 150 ສະຫາຍໄດ້ເຂົ້າຮ່ວມ.

ໃນພິທີປາຖະກະຖາຄັ້ງນີ້ໄດ້ຮັບຊົມວິດີໂອກ່ຽວກັບການສ້າງສາພັດທະນາສປປ ເກົາຫຼີ ແລະ ໃຫ້ກຽດປາຖະກະຖາໂດຍສະຫາຍ ລີ ຢົງ ຊົນ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສປປ ເກົາຫຼີ ປະຈຳ ສປປ ລາວ ເຊິ່ງທ່ານໄດ້ຍົກໃຫ້ເຫັນຜົນງານການນຳພາຂອງສະຫາຍ ກິມເຈິງອິນໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນໄລຍະຜ່ານມາ ແລະ ທິດທາງໃນການນຳພາປະເທດຊາດກ້າວສູ່ປະເທດສັງຄົມນິຍົມຂອງສປປ ເກົາຫຼີ ແລະ ຍັງໄດ້ຍົກໃຫ້ເຫັນສາຍພົວພັນມິດຕະພາບ ແລະ ການຮ່ວມມືລະຫວ່າງສປປ ລາວ ແລະ ສປປ ເກົາຫຼີທີ່ເປັນມູນເຊື້ອ ແລະ ການຮ່ວມມືລະຫວ່າງສອງພັກ, ສອງລັດ ແລະ ປະຊາຊົນສອງຊາດ.
ໃນວາລະສຸດທ້າຍແມ່ນໄດ້ຮັບຊົມສິລະປະວັນນະຄະດີຈາກສປປ ເກົາຫຼີ ແລະ ສປປ ລາວ.