ຮອງ ບ.ກ ໃຫຍ່ວາລະສານກົ້ງສານມອບປຶ້ມໃຫ້ຫ້ອງສະໝຸດ ຄອສພ
ໃນຕອນເຊົ້າວັນທີ 19/7/2022 ຢູ່ທີ່ຫ້ອງສະມຸດ ຄອສພ ສະຫາຍ ພອນຄຳ ສີສົມພັນ ພະນັກງານວິຊາການ ວາລະສານອະລຸນໃໝ່ໄດ້ຕາງໜ້າໃຫ້ທ່ານ ຮສຈ.ປອ ຫວູ່ຈ້ອງເລິມ ຮອງບັນນາທິການໃຫຍ່ວາລະສານກົ້ງສານສູນກາງພັກກອມມູນິດ ຫວຽດນາມ, ຮອງຫົວໜ້າໂຮງພີມສື້ເທິດການເມືອງແຫ່ງຊາດຫວຽດນາມ ມອບປື້ມ “ປ່ຽນແປງໃໝ່ການນຳພາຂອງພັກໃນເງື່ອນໄຂສ້າງລັດແຫ່ງອຳນາດກົດໝາຍສັງຄົມນິຍົມຢູ່ ຫວຽດນາມ” ທີ່ແປເປັນພາສາລາວ ແລະ ຈັດພິມໂດຍໂຮງພິມ ແຫ່ງລັດ ກະຊວງຖະແຫລ່ງຂ່າວວັດທະນະທຳ ແລະ ທ່ອງທ່ຽວເປັນຄະນະຈັດພິມ.ປື້ມທີ່ນຳມາມອບໃນຄັ້ງນີ້ມີຈຳນວນ 2 ຫົວໂດຍຕາງໜ້າຮັບ ແມ່ນ ທ່ານ ນ. ທິບພະຈັນ ວົງລໍຄຳ ພະນັກງານວິຊາການກົມຂໍ້ມູນຂ່າວສານເພື່ອສຳເນົາຂໍ້ມູນຂ່າວສານ ກໍຄືເອກະສານຄົ້ນຄວ້າໃຫ້ແກ່ພະນັກງານ,ລັດຖະກອນທົ່ວ ຄອສພ ໄດ້ຄົ້ນຄວ້າ ແລະສືກສາ.ນອກຈາກນີ້ ຍັງໄດ້ມອບໃຫ້ແກ່ຄະນະນຳຂອງ ຄອສພ,ບັນດາຫົວໜ້າກົມ ແລະ ພະນັກງານຫລັກແຫລ່ງຂອງວາລະສານອະລຸນໃໝ່ ແລະ ວາລະສານໂຄສະນາຕື່ມອີກ.
ປື້ມຫົວດັ່ງກ່າວ ຜົນງານຄົ້ນຄວ້າສະເພາະຂອງທ່ານ ຫວູ່ຈ້ອງເລິມ ກ່ຽວກັບປ່ຽນແປງໃໝ່ການນຳພາຂອງພັກແລະການສ້າງລັດແຫ່ງກົດໝາຍສັງຄົມນິຍົມ ກໍຄືບົດຮຽນຈາກພຶດຕິກຳຂອງປະເທດອ້າຍນ້ອງ ໃນການສ້າງ ແລະປັບປຸງພັກກຳອຳນາດໃນປັດຈຸບັນ.
ໂດຍ: ພອນຄຳ ສີສົມພັນ.
