ຫົວໜ້າຄະນະໂຄສະນາອົບຮົມສູນກາງພັກ (ຄອສພ)
ຕ້ອນຮັບຄະນະຜູ້ແທນ ວາລະສານຊິວສື ຂອງສູນກາງພັກກອມມູນິດຈີນ
ວັນທີ 07 ມິຖຸນາ 2024 ທີ່ຫ້ອງຮັບແຂກຄະນະໂຄສະນາອົບຮົມສູນກາງພັກ (ຄອສພ) ສະຫາຍ ຄຳພັນ ເຜີຍຍະວົງ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກປະຊາຊົນປະຕິວັດລາວ ໄດ້ຕ້ອນຮັບຄະນະຜູ້ແທນ ວາລະສານຊິວສື ຂອງສູນກາງພັກກອມມູນິດຈີນ ເຊິ່ງນຳໂດຍ ສະຫາຍ ລີເວິນເກີ ຮອງຫົວໜ້າບັນນາທິການ, ຫົວໜ້າຄະນະຜູ້ແທນວາລະສານຊິວສື ຂອງສູນກາງພັກກອມມູນິດຈີນ ພ້ອມດ້ວຍຄະນະ ເຂົ້າຢ້ຽມຂ່ຳນັບ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກກັບວາລະສານອະລຸນໃໝ່ ຂອງພັກປະຊາຊົນປະຕິວັດລາວ.
ໂອກາດດັ່ງກ່າວ ຫົວໜ້າຄະນະໂຄສະນາອົບຮົມສູນກາງພັກ ໄດ້ສະແດງຄວາມຕ້ອນຮັບ ຊົມເຊີຍ ແລະ ຕີລາຄາສູງຕໍ່ ສະຫາຍ ລີເວິນເກີ ພ້ອມຄະນະ ທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໂດຍສະເພາະມາຮ່ວມເຮັດວຽກ ກັບວາລະສານອະລຸນໃໝ່ ຂອງພັກປະຊາຊົນປະຕິວັດລາວ ໃນຄັ້ງນີ້ ເຊິ່ງເປັນການປະກອບສ່ວນຫັດແໜ້ນສາຍພົວພັນຮ່ວມມື ແລະ ຊ່ວຍເຫຼືອເຊິ່ງກັນແລະກັນ ລະຫວ່າງ ລາວ-ຈີນ, ຈີນ-ລາວ ເວົ້າລວມ, ເວົ້າສະເພາະ ກໍຄືສອງວາລະສານ ອະລຸນໃໝ່ ແລະ ຊິວສື ທີ່ມີມູນເຊື້ອມາແຕ່ດົນນານໃຫ້ໄດ້ຮັບການຟື້ນຟູ ແລະ ເພີ່ມພູນຄູນສ້າງກ້າວໄປຂ້າງໜ້າໃນຍຸກ 4.0.
ໂອກາດດຽວກັນ, ສະຫາຍ ລີເວີນເກີ ຮອງຫົວໜ້າບັນນາທິການ, ຫົວໜ້າຄະນະຜູ້ແທນວາລະສານຊິວສື ກໍໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງສະຫາຍ ຄໍາພັນ ເຜີຍຍະວົງ, ພ້ອມທັງກ່າວລາຍງານຈຸດປະສົງຂອງການມາຢ້ຽມຢາມ ແລະ ເຮັດວຽກຄັ້ງນີ້ ແລະ ລາຍງານຜົນຂອງການພົບປະຂອງສອງວາລະສານ ເຊິ່ງທັງສອງວາລະສານໄດ້ເຫັນດີເປັນເອກະພາບຈະສືບຕໍ່ຟື້ນຟູການແລກປ່ຽນຢ້ຽມຢາມເຊິ່ງກັນ ແລະ ກັນຢ່າງເປັນປົກກະຕິແນ່ໃສ່ເພື່ອເສີມຂະຫຍາຍມູນເຊື້ອ, ສາຍພົວພັນມິດຕະພາບການຮ່ວມມືອັນດີງາມຂອງສອງວາລະສານໃຫ້ສອດຄ່ອງກັບເງື່ອນໄຂໃນສະພາບການໃໝ່ ແລະ ກ້າວໄປເຖິງການເຊັນບົດບັນທຶກການຮ່ວມມືນຳກັນໃນອະນາຄົດ.
(ພາບຂ່າວ: ວາລະສານອະລຸນໃໝ່)
