ກອງປະຊຸມເປີດກ້ວາງຄົບຄະນະບໍລິຫານງານພັກ ຄະນະໂຄສະນາອົບຮົມສູນກາງພັກຄັ້ງທີ 8 ສະໄໝທີ V ປະຈຳປີ 2024 ແລະ ວາງທິດທາງແຜນການປີ 2025
ໃນຕອນເຊົ້າ ວັນທີ 30 ທັນວາ 2024 ທີ່ຫ້ອງປະຊຸມໃຫຍ່ ຄະນະໂຄສະນາອົບຮົມສູນກາງພັກໄດ້ເປີດກອງປະຊຸມເປີດກວ້າງຄົບຄະນະບໍລິຫານງານພັກ ຄັ້ງທີ 8 ສະໄໝທີ V ຂອງອົງຄະນະພັກ ຄະນະໂຄສະນາອົບຮົມສູນກາງພັກ ໃຫ້ກຽດເຂົ້າຮ່ວມ ແລະ ເປັນປະທານ ພ້ອມທັງກ່າວເປີດພິທີ ໂດຍ ສະຫາຍ ຄຳພັນ ເຜີຍຍະວົງ ເລຂາທິການສູນກາງພັກ, ເລຂາຄະນະພັກ, ຫົວໜ້າຄະນະໂຄສະນາອົບຮົມສູນກາງພັກ ເຂົ້້າຮ່ວມມີ ຄະນະປະຈໍາພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ມີບັນດາຄະນະປະຈຳພັກ, ຄະນະບໍລິຫານງານພັກ, ເລຂາໜ່ວຍພັກ, ຮອງເລຂາ ແລະ ຄະນະໜ່ວຍພັກພ້ອມດ້ວຍສະມາຊິກພັກທັງໝົດເຂົ້າຮ່ວມ.
ໃນພິທີ ສະຫາຍ ລາວປາວຊົ່ງ ນະວົງໄຊ ກຳມະການສູນກາງພັກ, ຮອງເລຂາຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກ ໄດ້ຂຶ້ນຜ່ານບົດສະຫຼຸູບຕີລາຄາການນຳພາຊີ້ນຳຂອງຄະນະພັກໃນການຈັດຕັ້ງປະຕິບັດວຽກງານໃນໄລຍະ 1 ປີຜ່ານມາ ແລະ ທິດທາງໃນຕໍ່ໜ້າ.ຫຼັງຈາກນັ້ນ ໄດ້ມີການປະກອບຄຳຄິດຄຳເຫັນຕາມການເຈາະຈີ້ມຕໍ່ບົດລາຍງານຢ່າງກົງໄປກົງມາ.
ຫຼັງຈາກນັ້ນ, ຍັງໄດ້ຮັບຟັງການເຜີຍແຜ່ເອກະສານສຳຄັນຂອງສະຫາຍ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ, ບກໃຫຍ່ ໜັງສືພິມປະຊາຊົນກ່ຽວກັບ ຄຳແນະນຳ ວ່າດ້ວຍສ້າງຂະບວນການແຂ່ງຂັນຍ້ອງຍໍເພື່ອສະເຫຼີມສະຫຼອງ 3 ວັນປະຫວັດສາດປີ2025.
ໃນຕອນທ້າຍພິທີ ສະຫາຍ ຄຳພັນ ເຜີຍຍະວົງ ເລຂາທິການສູນກາງພັກ, ເລຂາຄະນະພັກ, ຫົວໜ້າຄະນະໂຄສະນາອົບຮົມສູນກາງພັກໄດ້ເຜີຍແຜ່ເຊື່ອມຊຶມເອກະສານມະຕິກອງປະຊຸມຄົບຄະນະບໍລິຫານງານສູນກາງພັກຄັ້ງທີ 9 ສະໄໝXI ແລະ ມີຄຳເຫັນໂອ້ລົມຕໍ່ກອງປະຊຸມພ້ອມທັງກ່າວປິດກອງປະຊຸມ.
