ສົມພິນິດ ວົງສົມບັດ

ໃນຕອນເຊົ້າຂອງ ວັນທີ 10 ມີນາ 2026 ກົມຂໍ້ມູນຂ່າວສານ ໄດ້ຈັດພິທີເປີດຊຸດຝຶກອົບຮົມວິທີຕິດຕັ້ງ ແລະ ນໍາໃຊ້ລະບົບຫ້ອງການທັນສະ ໄໝ (E-Office) ໃຫ້ແກ່ພະນັກງານກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກ ຢູ່ທີ່ ຫ້ອງປະຊຸມທາງໄກ (ຊັ້ນ4), ໂດຍໃຫ້ກຽດເປັນປະທານຂອງ ທ່ານ ສົມປະສົງ ພົງປະເສີດ ຫົວໜ້າກົມຂໍ້ມູນຂ່າວສານ ແລະ ໃຫ້ກຽດເປັນປະທານຮ່ວມຂອງທ່ານ ຄໍາຜາຍ ອິນທະຣາ ຮອງຫົວໜ້າສູນບໍລິຫານລັດດິຈິຕອນ, ເຂົ້າຮ່ວມມີ: ຮອງຫົວໜ້າກົມຂໍ້ມູນຂ່າວສານ, ຫົວໜ້າພະແນກ, ຮອງຫົວໜ້າພະແນກ ພ້ອມດ້ວຍວິຊາການພາຍໃນກົມຂໍ້ມູນຂ່າວສານ.

ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະຕິວັດລາວ….. ກົດດາວໂຫຼດ

ໃນຕອນເຊົ້າຂອງວັນທີ 18 ກຸມພາ 2026 ທີ່ຫ້ອງປະຊຸມໃຫຍ່ ຄອສພ ສະຫະພັນກໍາມະບານ ຄະນະໂຄສະນາອົບຮົມສູນກາງພັກ ໄດ້ຈັດພິທີປາຖະກະຖາວັນສ້າງຕັ້ງສະຫະພັນກໍາມະບານລາວ ຄົບຮອບ 70 ປີ. ໃຫ້ກຽດປາຖະ ກະຖາໂດຍ ທ່ານ ລາວປາວຊົ່ງ ນະວົງໄຊ ກໍາມະການສູນ ກາງພັກ ຮອງເລຂາຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ; ເຂົ້າຮ່ວມມີ: ຄະນະບໍລິຫານງານສະຫະພັນກໍາມະບານ ຄອສພ, ກໍາມະບານຮາກຖານບັນດາກົມ, ທຽບເທົ່າກົມ ພ້ອມດ້ວຍສະມາຊິກກໍາມະບານ ທີ່ຂຶ້ນກັບ ຄະນະໂຄສະນາອົບຮົມສູນກາງພັກ ເຂົ້າຮ່ວມຢ່າງພ້ອມພຽງ. ໃນພິທີ ທ່ານ ລາວປາວຊົ່ງ ນະວົງໄຊ ກໍາມະການສູນກາງພັກ ຮອງເລຂາຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ ໄດ້ຫວນຄືນມູນເຊື້ອແຫ່ງການກໍາເນີດຂອງສະຫະພັນກໍາມະບານລາວ ໂດຍພາຍໃຕ້ການນໍາພາ-ຊີ້ນໍາ ຂອງພັກປະຊາຊົນລາວ, ໃນວັນທີ 1 ກຸມພາ 1956 ສູນກາງພັກໄດ້ມີມະຕິຕົກລົງສ້າງຕັ້ງຫ້ອງການກຳມະບານຂຶ້ນຢ່າງເປັນທາງການ ຢູ່ເຂດທີ່ໝັ້ນແຂວງຫົວພັນ ຈຸດປະສົງເພື່ອສືບຕໍ່ໂຄສະນາ, ປຸກລະດົມຂົນຂວາຍ, ເຕົ້າໂຮມກຳມະກອນ, ຊາວຜູ້ອອກແຮງງານ ໃຫ້ມີຄວາມຕື່ນຕົວປະຕິວັດ, ມີນໍ້າໃຈຮັກຊາດ, ມີທັດສະນະຊົນຊັ້ນກຳມະກອນ, ເສີມຂະຫຍາຍປະຊາທິປະໄຕ, ມີລະບຽບແບບແຜນ […]

ໃນຕອນເຊົ້າ ຂອງວັນທີ 13 ກຸມພາ 2026, ທີ່ຫ້ອງຮັບແຂກ ຊັ້ນ 5 ຄອສພ ສະຖານທູດສາທາລະນະລັດກູບາ ປະຈໍາ ສປປ ລາວ ເຊິ່ງນໍາໂດຍ ສະຫາຍ ນາງ ແອນນາ ເອເທີ ວາລເດສ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ ກູບາ ປະຈຳ ສປປ ລາວ ພ້ອມດ້ວຍຄະນະເຂົ້າຢ້ຽມຂໍ່ານັບ ສະຫາຍ ສາຄອນ ພົມມະລາດ ກຳມະການພັກ ຮອງຫົວຫນ້າຄະນະໂຄສະນາອົບຮົມສູນກາງພັກ, ເຂົ້າຮ່ວມຝ່າຍ ຄະນະໂຄສະນາອົບຮົມສູນກາງພັກມີ: ບັນດາຫົວໜ້າກົມ, ຮອງຫົວໜ້າກົມ ຂອງຫ້ອງການ, ກົມຂໍ້ມູນຂ່າວສານ, ກົມສື່ມວນຊົນ, ສໍານັກຂ່າວສານປະເທດລາວ, ໜັງສືພິມປະຊາຊົນ, ວິທະຍຸກະຈາຍສຽງແຫ່ງຊາດລາວ ແລະ ໂທລະພາບແຫ່ງຊາດລາວເຂົ້າຮ່ວມໃນການພົບປະຄັ້ງນີ້.