ເພສກົມອົບຮົມ

ເພື່ອເຮັດໃຫ້ຜູຊົງຄຸນວຸດທິບັນດາເຜົ່າມີຄວາມຮັບຮູ້, ເຂົ້າໃຈກ່ຽວກັບການເສີມຂະຫຍາຍມູນເຊື້ອອັນດີງາມ, ຄວາມມັກຄີເປັນປຶກແຜນ ແລະ ຄວາມສະເໝີພາບຂອງປະຊາຊົນບັນດາເຜົ່າ, ທັງເປັນການຍົກສູງບົດບາດ, ໜ້າທີ່ຂອງຜູ້ຊົງຄຸນວຸດທິບັນດາເຜົ່າ ແລະ ເພື່ອເປັນການປັງປຸງຫຼັກໝັ້ນຂອງຜູ້ຊົງຄຸນວຸດທີໃຫ້ມີຄວາມໜັກແໜ້ນ; ເຂັ້ມແຂງ ເປັນເຈົ້າການນໍາເອົາແນວທາງແຜນນະໂຍບາຍຂອງພັກ-ລັດ ໄປສຶກສາອົບຮົມໃຫ້ປະຊາຊົນຊັ້ນຄົນມີຄວາມຮັບຮູ້, ເຂົ້າໃຈ ຢ່າງເລິກເຊິ່ງ ແລະ ພ້ອມກັນປະຕິ ບັດໃຫ້ປະກົດຜົນເປັນຈິງ, ໃນວັນທີ 3 ກໍລະກົດ 2026 ທີ່ຜ່ານມາ ຄະນະໂຄສະນາອົບຮົມແຂວງສາລະວັນ ໄດ້ສົມທົບກັບກົມອົບຮົມຄະນະໂຄສະນາອົບຮົມສູນກາງພັກ ໄດ້ຈັດຕັ້ງອົບຮົມການເມືອງ-ແນວຄິດໃຫ້ຜູ້ຊົງຄຸນວຸດທິບັນດາຊົນເຜົ່າຂຶ້ນ ຢູ່ທີ່ສະໂມສອນເມືອງສະໝ້ວຍແຂວງສາລະວັນ ໂດຍການເຂົ້າຮ່ວມເປັນປະ ທານກ່າວເປີດ-ປິດ ຂອງສະຫາຍ ມະໄລວອນ ສີປະເສີດ ກໍາມະການພັກແຂວງ ຫົວໜ້າຄະນະໂຄສະ ນາອົບຮົມແຂວງສາລະວັນ, ມີສະຫາຍ ຄໍາກອງ ທໍາມະເທວາ ກໍາມະການຄະນະພັກ ຫົວໜ້າກົມອົບ ຮົມ ຄະນະໂຄສະນາອົບຮົມສູນກາງພັກ, ມີບຸນເນື້ອ ຫຼອງຄໍາໄຕ ກໍາມະການພັກແຂວງ ເລຂາຄະນະບໍລິ ຫານງານພັກເມືອງ ພ້ອມດ້ວຍສະຫາຍ ຄໍາຈຸງ ດວນທະວີຈິນ ກໍາມະການພັກເມືອງ ຫົວໜ້າຄະນະໂຄສະນາອົບຮົມເມືອງສະໝ້ວຍ ແລະ ນັກອົບຮົມເຂົ້າຮ່ວມ. ຊຸດອົບຮົມ ມີຜູ້ເຂົ້າຮ່ວມທັງໝົດ […]

ເພື່ອຍົກສູງຄວາມສາມາດນໍາພາຂອງພະນັກງານຂັ້ນຕາແສງ ໃຫ້ມີຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ໃນການຊີ້ນໍາ-ນໍາພາ ແລະ ປະຕິບັດໜ້າທີ່ວຽກງານຕາມພາລະບົດບາດ, ສິດໜ້າທີ່ຂອງແຕ່ລະໜ່ວຍງານ ຢ່າງມີປະສິດທິພາບ; ພ້ອມທັງນໍາເອົາເນື້ອໃນ ດັ່ງກ່າວໄປຜັນຂະຫຍາຍ ກໍຄື ສຶກສາອົບຮົມການເມືອງ-ແນວຄິດ ໃຫ້ພໍ່ແມ່ປະຊາຊົນຢູ່ໃນຂອບເຂດຄວາມຮັບຜິດຊອບຂອງຕົນ ໃຫ້ຕື່ນຕົວເປັນເຈົ້າການຈັດຕັ້ງປະຕິ ບັດແນວທາງແຜນນະໂຍບາຍຂອງພັກ ແລະ ນໍາພາປະຊາຊົນທໍາມາຫາກິນ ບົນພື້ນຖານເຄົາລົບລະບຽບການ ແລະ ກົດໝາຍ ເພື່ອສ້າງລາຍຮັບເຂົ້າສູ່ຄອບຄົວ ແລະ ແກ້ໄຂຄວາມທຸກຍາກ, ສ້າງຄວາມຢູ່ດີກິນດີ ໃຫ້ແກ່ປະຊາຊົນລາວບັນດາເຜົ່າ.

ຄະນະໂຄສະນາອົບຮົມສູນກາງພັກ (ກົມອົບຮົມ) ຮ່ວມກັບ ທະນາຄານການຄ້າຕ່າງປະເທດລາວມະຫາຊົນ (ສໍານັກງານໃຫຍ່) ໄດ້ລົງຈັດຕັ້ງຝຶກອົບຮົມ ໃຫ້ພະນັກງານນໍາພາ-ຄຸ້ມຄອງຫຼັກແຫຼ່ງ ຂອງທະນາຄານການຄ້າຕ່າງປະເທດລາວ ມະຫາຊົນ ຢູ່ແຂວງຈໍາປາສັກ ໃນຫົວຂໍ້: “ວຽກງານການນໍາພາ-ຊີ້ນໍາ ຕາມທິດຊີ້ນໍາຂອງພັກ-ລັດ” ຊຶ່ງມີພະນັກງານ ຂອງທະນາຄານການຄ້າຕ່າງປະເທດລາວ ມະຫາຊົນ 4 ແຂວງພາກໃຕ້ເຂົ້າຮ່ວມ (ແຂວງຈໍາປາສັກ, ແຂວງອັດຕະປື, ແຂວງເຊກອງ ແລະ ແຂວງສາລະວັນ). ການຝຶກອົບຮົມ ໄດ້ຈັດຂຶ້ນໃນວັນທີ 27 ມິຖຸນາ 2026 ຢູ່ທີ່ຫ້ອງປະຊຸມ ຂອງທະນາຄານການຄ້າຕ່າງປະເທດລາວ ມະຫາຊົນ ສາຂາແຂວງຈໍາປາສັກ ໂດຍການເປັນປະທານຂອງ ທ່ານ ບຸນຍົງ ດາວສຸກ ຫົວໜ້າທະນາຄານການຄ້າຕ່າງປະເທດລາວ ມະຫາຊົນ ສາຂາແຂວງຈໍາປາສັກ ແລະ ເປັນກຽດເຂົ້າຮ່ວມ, ພ້ອມທັງບັນຍາຍເອກະສານຂອງທ່ານ ຄໍາກອງ ທໍາມະເທວາ ກໍາມະການຄະນະພັກ, ຫົວໜ້າກົມອົບຮົມ, ຄະນະໂຄສະນາອົບຮົມສູນກາງພັກ; ພ້ອມທັງ ມີຜູ້ເຂົ້າຮ່ວມຝຶກອົບຮົມທັງໝົດ 70 ສະຫາຍ, ຍິງ 22 ສະຫາຍ. ໃນພິທີດັ່ງກ່າວ […]

ໃນວັນທີ 6 ມິຖຸນາ 2026, ທີ່ສະຖາບັນການທະນາຄານ, ກົມອົບຮົມ ໄດ້ເຄື່ອນໄຫວບັນຍາຍເອກະສານ ພາຍໃຕ້ຫົວຂໍ້: “ວຽກງານການນໍາພາ-ຊີ້ນໍາ ຕາມທິດຊີ້ນໍາຂອງພັກ-ລັດ”

ເພື່ອເປັນການຈັດຕັ້ງຜັນຂະຫຍາຍຄໍາຂວັນຂອງກົມທີ່ວ່າ: “ສ້າງ, ປັບປຸງປ່ຽນແປງວຽກງານອົບຮົມໄປສູ່ຄຸນນະພາບໃໝ່” ແລະ ພ້ອມທັງເປັນການຂໍ່ານັບຮັບຕ້ອນກອງປະຊຸມໃຫຍ່ຜູ້ແທນ ຄັ້ງທີ VI ຂອງອົງ ຄະນະພັກຄະນະໂຄະສະນາອົບຮົມສູນກາງພັກ ທີ່ຈະມາເຖິງ. ໃນຕອນບ່າຍຂອງວັນທີ 19 ມີນາ 2026 ນີ້ກົມອົບຮົມໄດ້ຈັດຕັ້ງເປີດບັ້ນແຂ່ງຂັນວຽກງານວິຊາສະເພາະພາຍໃນກົມຂຶ້ນ ຢູ່ທີ່ຫ້ອງປະຊຸມຊັ້ນ 2 ຂອງຄະນະໂຄສະ ນາອົບຮົມສູນກາງພັກ ໂດຍການເປັນປະທານຂອງ ສະຫາຍ ຄໍາກອງ ທໍາມະເທວາ ກໍາມະການຄະນະພັກ ຫົວໜ້າກົມອົບຮົມ, ມີຮອງຫົວໜ້າກົມ, ຫົວໜ້າພະແນກ, ຮອງຫົວໜ້າພະແນກ ພ້ອມດ້ວຍພະນັກງານວິຊາການ ເຂົ້າຮ່ວມທັງໝົດ 18 ສະຫາຍ, ຍິງ 8 ສະຫາຍ.   ຈຸດປະສົງຂອງການຈັດຕັ້ງການແຂ່ງຂັນວຽກ​ງານ​ວິ​ຊາ​ສະ​ເພາະໃນຄັ້ງນີ້ ແມ່ນເປັນການຍົກລະດັບຄວາມຮູ້, ຄວາມເຂົ້າໃຈຂອງພະນັກງານ ກ່ຽວກັບແນວທາງແຜນນະໂຍບາຍ, ມະຕິ, ຄໍາສັ່ງ ຂອງພັກ ແລະ ກົດໝາຍຂອງລັດ, ເພື່ອເປັນການຝຶກທັດສະໃນການຂຶ້ນຫ້ອງບັນຍາຍເອກະສານ, ເປັນການແລກປ່ຽນບົດຮຽນເຊິ່ງກັນແລະກັນ, ທັງເປັນການສ້າງພະນັກງານວິຊາການໃຫ້ມີຄວາມຊໍານານງານ ແລະເປັນມືອາຊີບ, ເພື່ອເປັນພະນັກງານສືບທອດປ່ຽນແທນໃນຕໍ່ໜ້າ, ຮູບແບບ ແລະວິ​ທີ​ແມ່ນ​ການ​ບັນ​ຍາຍ​ເອ​ກະ​ສານ​ເປັນຫຼັກ, ການແຂ່ງຂັນແມ່ນແບ່ງອອກເປັນ 2 ຂັ້ນຄື: […]